2 Corinthianee 10:7 - Yn Conaant Noa 1810

⁷ Vel shiu briwnys reddyn lurg y caslys er cheu‐mooie? my ta dooinney erbee treishteil huggey hene, dy vel eh lesh Creest, lhig da shoh neesht ’ghoaill mârish, myr t’eshyn lesh Creest, dy vel shinyn lesh Creest myrgeddin.

Yn Vible Casherick 1775 1819

⁷ Vel shiu briwnys reddyn lurg y caslys er cheu-mooie? my ta dooinney erbee treishteil huggey hene, dy vel eh lesh Creest, lhig da shoh neesht ’ghoaill mârish, myr t’eshyn lesh Creest, dy vel shinyn lesh Creest myrgeddin.

2 Corinthianee 10:7 ပူးပေါင်းရင်းမြစ်များ

Noo Mian 23:5

Agh ooilley nyn obbraghyn t’ad dy yannoo dy ve cronnit liorish deiney: t’ad jannoo lhean ny phylactereeyn oc, as ceau chem‐mallyn mooarey er nyn gharmadyn,

Noo Luke 16:15

As dooyrt eh roo, Shiuish yn vooinjer ta dy heyrey shiu hene kiongoyrt rish deiney: agh ta fys ec Jee er ny creeaghyn eu: son ta shen ta dy mooar soit jeh mastey deiney, feohdoil ayns shilley Yee.

Noo Ean 7:24

Ny jean‐jee briwnys rere yn caslys, agh jean‐jee briwnys cairagh.

1 Corinthianee 1:12

As shoh ta mee dy ghra, dy vel fer as fer j’iu gra, Ta mish son Paul, as mish ’son Apollos, as mish son Cephas, as mish son Creest.

1 Corinthianee 14:37

My ta dooinney erbee smooinaghtyn eh hene ny adeyr, ny spyrrydoil, lhig da goaill rish ny reddyn ta mee dy scrieu hiu dy ve saraghyn y Chiarn.

1 Corinthianee 15:23

Agh dy chooilley ghooinney ayns e choorse hene: Creest yn chied‐vess; ny lurg shen adsyn ta lesh Creest, ec y cheet echey.

1 Corinthianee 3:23

As ta shiuish lesh Creest: as ta Creest lesh Jee.

1 Corinthianee 9:1

Nagh nee ostyl mee? nagh vel mee ec my reamys hene? nagh vel mee er vakin Yeesey Creest nyn Jiarn? nagh nee shiuish yn obbyr aym’s ayns y Chiarn?

2 Corinthianee 10:1

Nish ta mish Paul mee hene guee erriu, liorish meenid as meiyghys Chreest, mish ta dy yeeaghyn orrym pene fardalagh nyn mast’ eu, agh dunnal tra ta mee veue.

2 Corinthianee 11:18

Fakin dy vel ymmodee boggyssagh lurg yn eill, neem’s boggyssagh myrgeddin.

2 Corinthianee 11:23

Nee shirveishee Chreest ad? (ta mee loayrt myr ommydan) ta mish er‐nyn‐skyn: ayns tooilleilyn ny s’palchey, ayns surranse buillaghyn erskyn towse, ayns pryssoonyn ny s’menkey, ayns gaue baaish dy mennick.

2 Corinthianee 11:4

Son my t’eshyn ta cheet, preacheil Yeesey elley nagh vel shinyn er phreacheil, ny my ta shiu geddyn spyrryd elley, nagh vel shiu [hannah] er gheddyn, ny sushtal elley, nagh vel shiu er ghoaill rish, oddagh shiu dy mie gymmyrkey lesh.

2 Corinthianee 12:11

Ta mee er jeet dy ve my ommydan ayns boggyssagh, shiu hene ta er m’êginaghey; son shiuish lhisagh v’er my voylley: son ayns nhee erbee cha vel mee ergooyl ny eer ostyllyn syrjey, ga nagh vel mee veg.

2 Corinthianee 13:3

Fakin dy vel shiu shirrey prowal jeh Creest loayrt aynym’s eshyn nagh vel annoon hiuish, agh t’eh niartal ayndiu.

2 Corinthianee 5:12

Son cha vel shin moylley shin hene hiuish reesht, agh ta shin coyrt oyr dy ve boggyssagh er y lieh ainyn, dy vod ansoor ennagh ve eu dy chur dauesyn ta boggyssagh ayns caslys, as cha nee ayns cree.

Galatianee 3:29

As my she lesh Creest shiu, eisht ta shiu sluight Abraham, as eiraghyn cordail rish y ghialdyn.

1 Ean 4:6

Ta shinyn veih Jee: eshyn shione da Jee, t’eh geaishtagh rooin; eshyn nagh vel veih Jee, cha vel eh coyrt clashtyn dooin, Liorish shoh ta shin cronnaghey Spyrryd ny firriney veih’n spyrryd dy volteyrys.