2 Corinthianee 10:5 - Yn Conaant Noa 1810

⁵ Tilgey sheese resooney fardalagh, as dagh nhee mooaralagh ta soiaghey seose eh hene noi tushtey Yee, as coyrt lhien ayns cappeeys dy chooilley smooinaghtyn gys biallys Chreest:

Yn Vible Casherick 1775 1819

⁵ Tilgey sheese resooney fardalagh, as dagh nhee mooaralagh ta soiaghey seose eh-hene noi tushtey Yee, as coyrt lhien ayns cappeeys dy chooilley smooinaghtyn gys biallys Chreest:

2 Corinthianee 10:5 ပူးပေါင်းရင်းမြစ်များ

Noo Mian 15:19

Son magh veih’n chree ta cheet drogh smooinaghtyn, dunverys, brishey‐poosey, maarderys, maarlys, feanish foalsey, goan mollaghtagh.

Noo Luke 1:51

T’eh er hoilshaghey niart lesh e roih; t’eh er skeayley ny moyrnee ayns mooaralys nyn greeaghyn.

Romanee 1:21

Er‐yn‐oyr tra va toiggal oc dy Yee, cha ren ad eh y ghloyraghey myr Jee, chamoo v’ad booisal, agh haink ad dy ve fardalagh ayns nyn smooinaghtyn; as va’n cree ommijagh oc fo dorraghys.

Romanee 1:5

Liorishyn ta shin er n’gheddyn grayse as ostyllys son biallys gys y chredjue mastey dy chooilley ashoon liorish yn ennym echey:

Romanee 16:26

Agh ta nish jeant cronnal, as liorish scriptyryn ny phadeyryn, cordail rish sarey yn Jee dy bragh farraghtyn, er ny hoilshaghey da dy chooilley ashoon son biallys da’n chredjue).

Romanee 7:23

Agh ta mee gennaghtyn leigh elley ayns my oltyn, caggey noi leigh my aigney, as dy my hayrn fo bondiaght gys y leigh dy pheccah, t’ayns my oltyn.

1 Corinthianee 1:19

Son te scruit, Ver‐yms mow creenaght y vooinjer chreeney, as ver‐ym lhiam gys veg keeayll y vooinjer cheeayllagh.

1 Corinthianee 3:19

Son ta creenaght y theihll shoh ommijys marish Jee: son te scruit, T’eh goaill yn vooinjer chreeney ayns y chroutys oc hene.

2 Corinthianee 11:20

Son ta shiu fuilliaghtyn, my ta dooinney coyrt lesh shiu ayns bondiaght, my ta dooinney dy spooilley shiu, my ta dooinney goaill jiu, my ta dooinney troggal eh hene seose dy mooaralagh, my ta dooinney bwoalley shiu er yn eddin.

2 Corinthianee 9:13

Tra liorish cowrey’n ghiastyllys shoh t’ad gloyraghey Jee son y viallys foshlit euish gys sushtal Chreest, as son y toyrtys feoilt eu daue hene, as da dy chooilley ghooinney)

Philippianee 4:7

As nee shee Yee ta erskyn dy chooilley hushtey ny creeaghyn as ny aignaghyn eu y reayll trooid Creest Yeesey.

2 Thessalonianee 2:4

Quoi ta soiaghey eh hene seose noi, as troggal eh hene erskyn ooilley ny ta enmyssit Jee, ny ta er ny ooashlaghey; myr shen dy vel eshyn myr Jee soie ayns chiamble Yee, goaill er hene dy ve Jee.

2 Thessalonianee 2:8

As eisht vees y fer peccoil shen er ny hoilshaghey, eh nee’n Chiarn y choyrt mow liorish ennal e veeal, as stroie lesh soilshey gloyroil y cheet echey:

Hebrewnee 4:12

Son ta goo Yee bioal, as breeoil, as ny s’geyrey na cliwe erbee dy ghaa foyr, roie trooid gys eer rheynn veih‐my‐cheilley yn annym as y spyrryd, as ny juntyn as y smuirr, as ronsaghey magh smooinaghtyn as kiarailyn y chree.

Hebrewnee 5:9

As myr shoh er ny chasherickey, haink eh dy ve bun y taualtys dy bragh farraghtyn dauesyn ooilley ta coyrt biallys da;

1 Peddyr 1:2

Reiht cordail rish tushtey ro‐laue Yee yn Ayr, trooid casherickys y Spyrryd gys biallys, as gys spreih fuill Yeesey Creest: Grayse dy row hiu, as shee dy row er ny vishaghey.

1 Peddyr 1:22

Fakin dy vel shiu er chasherickey nyn anmeenyn ayns cur biallys da’n irriney trooid y Spyrryd, gys graih firrinagh jeh ny braaraghyn; jeeagh dy bee‐jee dy jeean graihagh yn derrey yeh er y jeh elley lesh cree glen: