2 Corinthianee 10:4 - Yn Conaant Noa 1810

⁴ (Son cha vel ny greinyn‐caggee ain jeh stoo foalley, agh niartal trooid Jee dy lhieggal sheese tooryn lajer)

Yn Vible Casherick 1775 1819

⁴ (Son cha vel ny greinyn-caggee ain jeh stoo foalley, agh niartal trooid Jee dy lhieggal sheese tooryn lajer.)

2 Corinthianee 10:4 ပူးပေါင်းရင်းမြစ်များ

Jannoo 7:22

As hie Moses er ynsaghey ayns ooilley creenaght ny Egyptianee, as v’eh pooaral ayns goo as jannoo.

Romanee 13:12

Ta’n oie foddey ceaut, ta’n laa er‐gerrey: lhig dooin er‐y‐fa shen tilgey ersooyl obbraghyn y dorraghys, as lhig dooin cur orrin eïlley yn toilshey.

Romanee 6:13

Chamoo livrey‐jee seose nyn oltyn myr greinyn dy neuchairys gys peccah: agh livrey‐jee shiu hene seose gys Jee, myr adsyn ta bio veih ny merriu; as nyn oltyn myr greinyn dy chairys gys Jee.

1 Corinthianee 2:5

Nagh beagh yn credjue eu shassoo er creenaght deiney, agh er pooar Yee.

1 Corinthianee 9:7

Quoi ta goll dy chaggey traa erbee er e chost hene? quoi ta soiaghey garey‐feeyney, as nagh vel gee jeh’n vess echey? ny quoi ta bochillagh shioltane as nagh vel giu jeh bainney’n chioltane?

2 Corinthianee 10:8

Son ga dy jinnin boggyssagh ny‐sodjey jeh’n phooar ain (ta’n Chiarn er choyrt dooin son y vondeish, as cha nee son yn assee eu) cha beagh nearey orrym.

2 Corinthianee 13:10

Shen‐y‐fa ta mee scrieu ny reddyn shoh, tra nagh vel mee mêriu, er‐aggle tra hig‐ym hiu, dy jean‐ym shiu y smaghtaghey dy gyere, cordail rish y phooar ta’n Chiarn er choyrt dooys son y vondeish [spyrrydoil], as cha nee son yn assee eu.

2 Corinthianee 3:5

Cha nee dy vel shin fondagh j’in hene dy smooinaghtyn nhee erbee myr j’in hene; agh ta’n phooar ain veih Jee.

2 Corinthianee 4:7

Agh ta’n verchys shoh ainyn ayns siyn craie, dy vod ard‐ooashley yn phooar ve veih Jee, as cha nee voïnyn.

2 Corinthianee 6:7

Liorish y goo dy irrinys, liorish pooar Yee, liorish yn eïlley dy chairys er y laue yesh as y laue chiare.

1 Thessalonianee 5:8

Agh lhig dooinyn ta jeh’n laa, ve sheelt, coyrt orrin yn breast‐plate dy chredjue as graih, as son bayrn‐caggee, yn treishteil dy haultys.

1 Timothy 1:18

Yn currym shoh ta mee dy hreishteil hood, vac Timothy, cordail rish y phadeyrys va jeant ro‐laue my‐dty‐chione, dy vod oo liorish shen prowal oo hene dty hidoor mie,

2 Timothy 2:3

Jean uss er‐y‐fa shen creoghys y hurranse, myr sidoor dunnal dy Yeesey Creest.

Hebrewnee 11:30

Liorish credjue huitt voallaghyn Yericho, lurg daue ve combaasit mygeayrt shiaght laa.