1 Timothy 6:5 - Yn Conaant Noa 1810

⁵ Pleadeilyn camlâgagh deiney dy aignaghyn neu‐ghlen, as follym jeh’n irriney, jeeaghyn er cosney dy ve craueeaght: veih nyn lheid jean oo hene y scarrey.

Yn Vible Casherick 1775 1819

⁵ Pleadeilyn camlaagagh deiney dy aignaghyn neu-ghlen, as follym jeh’n irriney, jeeaghyn er cosney dy ve craueeaght: veih nyn lheid jean oo hene y scarrey.

1 Timothy 6:5 ပူးပေါင်းရင်းမြစ်များ

Noo Mian 12:33

Edyr jean‐jee yn billey mie, as e vess mie; er‐nonney jean‐jee yn billey olk, as e vess olk: son liorish e vess, ta enney er ny choyrt er y villey.

Noo Mian 21:13

As dooyrt eh roo, Te scruit, Bee my hie’s enmyssit thie yn phadjer, agh ta shiuish er n’yannoo eh ny ooig dy vaarlee.

Noo Mian 23:13

Agh smerg diuish scrudeyryn as Phariseeyn, chrauee‐oalsey; son ta shiu dooney seose reeriaght niau noi deiney: cha vel shiu goll stiagh shiu hene, as ta shiu dyn lhiettal adsyn ta aggindagh er goll stiagh.

1 Corinthianee 11:16

Agh my saillish dooinney erbee ve streeuagh, cha vel lheid y cliaghtey ain, ny foast ec kialteenyn Yee.

2 Thessalonianee 3:6

Nish ta shin cur sarey diu, vraaraghyn, ayns ennym nyn Jiarn Yeesey Creest, dy jean shiu scarrey shiu hene voish dy chooilley vraar ta gymmyrkey eh hene dy mee‐reilltagh, as cha nee cordail rish yn ynsagh hooar eh voïnyn.

1 Timothy 1:6

Veih ta paart er n’gholl er‐shaghryn, as er hyndaa gy‐lhiattee gys argane fardalagh;

1 Timothy 3:3

Cha nee iuder‐feeyney, ny builltagh, ny sondagh er cosney scammyltagh, agh surransagh, cha nee fer streeuagh, ny sayntoilagh;

1 Timothy 3:8

Myrgeddin shegin da ny shirveishee ve soccaragh, cha nee chengey lhiam as lhiat, nagh bee ad neu‐heelt ayns feeyn, gyn ve sondagh er cosney scammyltagh,

1 Timothy 4:7

Agh raaghyn mee‐chrauee shenn vraane cur dy lhiattee, as gow myr reih dy gholl er dty hoshiaght ayns craueeaght.

1 Timothy 4:8

Er son shirveish y challin cha vooar yn ymmyd t’ayn: agh ta craaueeaght vondeishagh gys dy chooilley nhee, myr ta gialdyn echey jeh’n vea ta nish ayn, as jeh shen ta ry heet.

1 Timothy 6:6

Agh ta craueeaght lesh aigney booiagh cosney mooar.

2 Timothy 3:5

Goaill orroo caslys dy chraueeaght, agh jannoo noi’n phooar [vreeoil] echey: veih nyn lheid chyndaa ersooyl.

2 Timothy 3:8

Nish myr ren Jannes as Jambres girree noi Moses, myr shen t’ad shoh neesht shassoo magh noi’n irriney: deiney jeh aighnaghyn mee‐chrauee, caillit gys y chredjue.

Titus 1:11

Ny beill oc sheign y yeigh, ta cur slane lughtyn‐thie fo‐my‐cheilley, gynsaghey reddyn nagh lhisagh ad er graih drogh chosney.

2 Peddyr 2:15

T’er dreigeil yn raad cair, as er n’gholl er‐shaghryn, geiyrt da raad Balaam mac Bosor, hug saynt da’n leagh dy neu‐ynrickys;

2 Peddyr 2:3

As trooid saynt nee ad lesh goan cluicagh jannoo merchantys jiu: yn kerraghey oc cha vel nish foddey jeh, as cha vel y deyrey oc saveenagh.

Jude 1:11

Smerg daue; son t’ad er n’immeeaght ayns raad Cain, as er roie dy jeean lurg shaghrynys Balaam son faill, as er jerraghtyn ayns irree‐magh Core.

Ashlish 18:13

As cinnamon, as spiceyn millish, as myrrh, as frankincense, as feeyn, as ooil, as flooyr meen, as curnaght, as ollagh, as kirree, as cabbil, as fainee, as slaveyn, as anmeenyn deiney.

Ashlish 18:3

Son ta dy chooilley ashoon er n’iu jeh feeyn pyshoonagh e maarderys, as ta reeaghyn y theihll er n’yannoo maarderys r’ee, as ta marchanyn y theihll er n’aase berchagh trooid mooadys y rouanys eck.