1 Timothy 6:10 - Yn Conaant Noa 1810

¹⁰ Son saynt argid fraue dy chooilley olk: da’n chooid cheddin choud as va paart miandagh er, t’ad er n’gholl er‐shaghryn veih’n chredjue, as er vroddey ad hene trooid lesh mooarane torchaghyn.

Yn Vible Casherick 1775 1819

¹⁰ Son saynt argid fraue dy chooilley olk: da’n chooid cheddin choud as va paart miandagh er, t’ad er n’gholl er-shaghryn veih’n chredjue, as er vroddey ad-hene trooid lesh mooarane torchaghyn.

1 Timothy 6:10 ပူးပေါင်းရင်းမြစ်များ

Noo Mian 13:22

Eshyn myrgeddin ghow yn rass mastey ny drineyn, yn fer ta chlashtyn y goo: as ta kiarail y theihll shoh, as molteyrys berchys plooghey yn goo, as te cheet dy ve neu‐vessoil.

Noo Mian 23:13

Agh smerg diuish scrudeyryn as Phariseeyn, chrauee‐oalsey; son ta shiu dooney seose reeriaght niau noi deiney: cha vel shiu goll stiagh shiu hene, as ta shiu dyn lhiettal adsyn ta aggindagh er goll stiagh.

Noo Mian 6:19

Ny stoyr‐jee seose berchys diu hene er y thalloo, raad ta’n lhemeen as y mergey cur‐mow, as raad ta maarlee brishey stiagh as geid:

Noo Mark 4:19

As ta kiarail y theihll shoh, as molteyraght berchys, as saynt reddyn elley goll stiagh, as plooghey yn goo, as te cheet dy ve neu‐vessoil.

Colossianee 3:5

Smaghtee‐jee er‐y‐fa shen ny oltyn thallooinagh eu; maarderys, neu‐ghlennid, yeearree neu‐chooie, drogh vian, as saynt seihltagh, ta dy chur ammys da jallooyn:

1 Timothy 3:3

Cha nee iuder‐feeyney, ny builltagh, ny sondagh er cosney scammyltagh, agh surransagh, cha nee fer streeuagh, ny sayntoilagh;

1 Timothy 6:21

Liorish geiyrt da shoh, ta paart er n’gholl er‐shaghryn veih’n chredjue. Grayse dy row mayrt. Amen.

1 Timothy 6:9

Agh t’adsyn ta soit er ve berchagh tuittym ayns miolagh, as ribbey, as ayns ymmodee sayntyn olk as ommijah, ta baih deiney ayns toyrt‐mow as coayl‐anmey.

2 Timothy 3:2

Son bee ooilley er nyn son oc hene, sayntoilee, boggyssee, mooaralee, oltooanee, mee‐viallagh gys ayraghyn as moiraghyn, neu‐wooisal, mee‐chrauee,

2 Timothy 4:10

Son ta Demas er my hreigeil, er graih cosney seihlltagh, as er n’gholl ersooyl gys Thessalonica; Crescens gys Galatia; Titus gys Dalmatia.

Titus 1:11

Ny beill oc sheign y yeigh, ta cur slane lughtyn‐thie fo‐my‐cheilley, gynsaghey reddyn nagh lhisagh ad er graih drogh chosney.

Jamys 5:19

Vraaraghyn, my ta unnane erbee eu goll er‐shaghryn veih’n irriney, as fer dy hyndaa eh;

Jude 1:11

Smerg daue; son t’ad er n’immeeaght ayns raad Cain, as er roie dy jeean lurg shaghrynys Balaam son faill, as er jerraghtyn ayns irree‐magh Core.

Ashlish 18:13

As cinnamon, as spiceyn millish, as myrrh, as frankincense, as feeyn, as ooil, as flooyr meen, as curnaght, as ollagh, as kirree, as cabbil, as fainee, as slaveyn, as anmeenyn deiney.