1 Timothy 5:6 - Yn Conaant Noa 1810

⁶ Agh ish ta beaghey ayns reamys neu‐lowal, t’ee marroo ga dy vel ee bio.

Yn Vible Casherick 1775 1819

⁶ Agh ish ta baghey ayns reamys neu-lowal, t’ee marroo ga dy vel ee bio.

1 Timothy 5:6 ပူးပေါင်းရင်းမြစ်များ

Noo Mian 8:22

Agh dooyrt Yeesey rish, Eiyr orrym’s, as lhig da ny merriu nyn merriu y oanluckey.

Noo Luke 12:19

As jir‐ym rish my annym, O my annym, ta mooarane cooid ayd tashtit seose cour ymmodee bleeantyn: gow dty aash, ee, iu, as bee gennal.

Noo Luke 15:13

As laghyn ny lurg shen, hymsee yn mac saa ooilley cooidjagh, as ghow eh jurnah gys cheer foddey, as ayns shen hug eh jummal er e chooid liorish beaghey rouanagh.

Noo Luke 15:24

Son v’eh shoh my vac marroo, as t’eh bio reesht; v’eh caillit, as t’eh er ny gheddyn reesht. As ren ad toshiaght dy yannoo gien mie.

Noo Luke 15:32

Ve cooie dooin ve gennal, as boggey y ghoaill: son v’eh shoh dty vraar marroo, as t’eh bio reesht: v’eh caillit, as t’eh er ny gheddyn.

Noo Luke 16:19

Va dooinney berchagh dy row va coamrit ayns gorrym‐jiarg, as sheeidey, as farraill dy soaillagh dy chooilley laa.

Noo Luke 7:25

Agh cre hie shiu magh dy akin? Dooinney soit magh ayns coamrey moyrnagh! Cur‐my‐ner t’adsyn ta ceau coamrey costal, as farrail dy seyr, ayns plaaseyn reeoil.

Ephesianee 2:1

As shiuish t’eh er vioghey va marroo ayns loghtyn as peccah.

Ephesianee 2:5

Dy jarroo tra va shin marroo ayns peccaghyn, t’eh er vioghey shin cooidjagh marish Creest (liorish grayse ta shiu er nyn sauail)

Ephesianee 5:14

Shen‐y‐fa t’eh gra, Dooisht, uss ta dty chadley, as irree veih ny merriu, as ver Creest soilshey diu.

Colossianee 2:13

As shiuish va marroo ayns nyn beccaghyn, as ayns yn an‐ghiarey‐chymmylt yn eill eu, t’eshyn er vioghey cooidjagh mârishyn, erreish da v’er leih diu ooilley nyn loghtyn.

2 Timothy 3:6

Son jeh’n sorch shoh t’adsyn ta dy steetagh goll stiagh ayns thieyn, as leeideil ayns cappeeys mraane eddrym laadit lesh peccaghyn, er nyn goyrt lhieu ersooyl lesh ymmodee yeearreeyn peccoil,

Jamys 5:5

Ta shiu er veaghey ayns soailid as rouanys er y thalloo; ta shiu er veiygh nyn greeaghyn, myr ayns laa yn vuitchoorys.

Ashlish 18:7

Corrym rish y stayd mooaralagh t’ee er ghoaill urree, as er veaghey ayns rouanys, yn corrymid cheddin dy cherraghey as dy heaghyn cur‐jee urree: son t’ee gra ayns e cree, Ta mee my hoie my ven‐reïn, as cha nee ben‐treoghe mee, as cha jig trimshey erbee my raad.

Ashlish 3:1

As gys ainle yn agglish t’ayns Sardis, scrieu, Ny reddyn shoh t’eshyn gra, echey ta ny shiaght Spyrrydyn dy Yee, as ny shiaght rollageyn; Shione dou dty obbraghyn, dy vel goo ayd dy vel oo bio, agh t’ou marroo.