1 Timothy 5:3 - Yn Conaant Noa 1810

³ Jean soiaghey jeh mraane‐treoghe ta mraane‐treoghe dy jarroo.

Yn Vible Casherick 1775 1819

³ Jean soiaghey jeh mraane-treoghe ta mraane-treoghe dy jarroo.

1 Timothy 5:3 ပူးပေါင်းရင်းမြစ်များ

Noo Mian 15:6

As nagh lhias da cooney sodjey ’choyrt da e ayr ny e voir. Ta shiu myr shoh jannoo sarey Yee gyn vree liorish ny oardaghyn eu.

Noo Mian 23:13

Agh smerg diuish scrudeyryn as Phariseeyn, chrauee‐oalsey; son ta shiu dooney seose reeriaght niau noi deiney: cha vel shiu goll stiagh shiu hene, as ta shiu dyn lhiettal adsyn ta aggindagh er goll stiagh.

Noo Luke 2:37

As v’ee ny ben‐treoghe mysh kiare‐feed as kiare bleeaney dy eash, as v’ee dy kinjagh taaghey yn chiamble, shirveish Jee lesh trostey as padjeryn oie as laa.

Noo Luke 7:12

Nish tra haink eh er‐gerrey da giat yn ard‐valley, cur‐my‐ner, va sleih cur lhieu magh dooinney marroo, va ny ynrycan vac da e voir, as v’eeish ny ben‐treoghe: as va ymmodee jeh sleih yn ard‐valley mâree.

Noo Ean 1:47

Honnick Yeesey Nathanael cheet ny whail, as dooyrt eh jehsyn, Cur‐my‐ner Israelite firrinagh, ayn nagh vel molteyrys erbee.

Jannoo 6:1

As ayns ny laghyn shen tra va earroo ny credjuee er nyn mishaghey, hug ny Grecianee stiagh plaiynt noi ny Hebrewnyn, son dy row ny mraane‐treoghe oc faagit magh gyn ayrn jeh’n ghiastyllys gagh‐laa.

Jannoo 9:39

Eisht hrog Peddyr er, as hie eh mâroo. Tra v’eh er jeet, hug ad lhieu eh seose ’syn ard‐shamyr: as hass ooilley ny mraane‐treoghe mygeayrt‐y‐mysh keayney, as jeeaghyn da ny cooatyn as ny garmadyn va Dorcas er n’yannoo, choud as v’ee er‐mayrn mâroo.

Jannoo 9:41

As ghow eh ee er y laue, as hrog eh seose ee: as tra v’eh er n’eamagh er ny nooghyn as ny mraane‐treoghe, ren eh soiaghey ee kiongoyrt roo bio.

1 Thessalonianee 2:6

Chamoo veih deiney hirr shin gloyr, chamoo veueish, ny foast veih feallagh elley, ga dy row cairys ain dy choyrt shiu gys cost, myr ostyllyn Chreest.

1 Timothy 5:2

Ny mraane shinney myr moiraghyn, ny [mraane] saa myr shayraghyn, lesh dy chooilley ghlennid.

Jamys 1:27

Craueeaght firrinagh as glen kiongoyrt rish Jee, dy jarroo yn Ayr, shoh eh, Dy ghoaill kiarail jeh cloan gyn ayr as mraane‐treoghe ayns nyn seaghyn, as dy reayll eh hene glen veih broïd y theihll.

1 Peddyr 2:17

Cur‐jee onnor da dy chooilley ghooinney. Bee‐jee graihagh er ny braaraghyn [creestee]. Gow‐jee aggle roish Jee. Cur jee onnor da’n ree.

1 Peddyr 3:7

Myrgeddin, shiuish gheiney‐poost, jean‐jee beaghey mâroo cordail rish tushtey, coyrt onnor da’n ven myr da’n saagh s’annooinee, as myr co‐eiraghyn jeh ghrayse y vea; nagh bee ny padjeryn eu er nyn lhiettal.