1 Timothy 5:22 - Yn Conaant Noa 1810

²² Ny cur laueyn dy siyragh er dooinney erbee, chamoo gow ayrn jeh peccaghyn deiney elley: freill oo hene glen.

Yn Vible Casherick 1775 1819

²² Ny cur laueyn dy siyragh er dooinney erbee, chamoo gow ayrn jeh peccaghyn deiney elley: freill oo hene glen.

1 Timothy 5:22 ပူးပေါင်းရင်းမြစ်များ

Jannoo 13:3

As tra v’ad er hrostey as er ghoaill padjer, as er lhie nyn laueyn orroo, hug ad ad ersooyl.

Jannoo 18:6

Agh son wheesh as dy dirree ad magh n’oï, as dy loayr ad dy lunagh, chrie eh e choamrey, as dooyrt eh roo, Yn uill eu dy row er ny king eu hene; ta mish neu‐chyndagh: veih shoh magh hem roym gys ny Ashoonee.

Jannoo 20:26

Shen‐y‐fa ta mee goaill feanish erriu er y laa t’ayn jiu, dy vel mee glen veih fuill dy chooilley ghooinney:

Jannoo 6:6

Ad shoh hoie ad kiongoyrt rish ny ostyllyn: as tra va’d er ghoaill padjer, hug ad nyn laueyn orroo.

Ephesianee 5:11

As ny lhig da sheshaght er bee ’ve eu rish obbraghyn neu‐vessoil y dorraghys, agh ny sleaie cur oghsan daue:

1 Timothy 3:10

As lhig daue shoh myrgeddin ve hoshiaght er nyn browal; eisht lhig daue goaill orroo oik y chirveishagh, my t’ad dyn foill.

1 Timothy 3:2

Shegin da aspick eisht ve gyn loght, sheshey‐poost un ven, tastagh, sheelt, jeh ymmyrkey‐bea mie, aggindagh dy choyrt oltaghey‐bea, aghtal dy ynsaghey;

1 Timothy 3:6

Cha nee fer gerrit ’sy chredjue, er‐aggle dy bee eh troggit seose lesh moyrn, as dy duitt eh fo briwnys y drogh‐spyrryd.

1 Timothy 4:12

Ny lhig da dooinney erbee beg y hoiaghey jeh dty aegid, agh bee dty hampleyr dauesyn ta credjal, ayns goo, ayns ymmykey‐bea, ayns graih, ayns spyrryd, ayns credjue, ayns glennid.

1 Timothy 4:14

Ny bee mee rioosagh jeh’n ghioot t’aynyd, va er ny chur dhyt liorish phadeyrys, tra hie oo fo laueyn ny shirveishee casherick.

2 Timothy 1:6

Shen‐y‐fa ta mee coyrt oo ayns cooinaghtyn, dy jean oo greesaghey seose gioot Yee, ta aynyd, liorish coyrt my laueyn ort.

2 Timothy 2:2

As ny reddyn t’ou er chlashtyn voym’s roish ymmodee feanishyn, cur uss ayns treishteil deiney firrinagh, vees fondagh dy ynsaghey feallagh elley myrgeddin.

Hebrewnee 6:2

Jeh’n ynsagh mychione bashtey, ny jeh goll fo laueyn, as jeh irree‐seose‐reesht ny merriu, as jeh briwnys dy bragh farraghtyn.

2 Ean 1:11

Son eshyn ta goltaghey da, t’eh paarteeas mârish ayns e ghrogh‐yannoo.

Ashlish 18:4

As cheayll mee coraa elley veih niau, gra, Tar‐jee magh ass‐jee, my phobble, nagh bee shiu sheshaghyn mâree ayns e peccaghyn, as nagh gow shiu ayrn jeh’n kerraghey dewil eck.