1 Timothy 5:17 - Yn Conaant Noa 1810

¹⁷ Lhig da ny shanstyryn ta reill dy mie, ve coontit feeu jeh ooashley dooble, erskyn ooilley adsyn ta laboragh ’sy ghoo as ynsagh.

Yn Vible Casherick 1775 1819

¹⁷ Lhig da ny shanstyryn ta reill dy mie, ve coontit feeu jeh ooashley dooble, erskyn ooilley adsyn ta laboragh ’sy ghoo as ynsagh.

1 Timothy 5:17 ပူးပေါင်းရင်းမြစ်များ

Noo Mian 24:25

Cur‐my‐ner, ta mish er n’insh diu ro‐laue.

Noo Luke 10:7

As ayns y thie cheddin fuirree‐jee, gee as giu lheid as ver ad reue: son ta’n labree toilliu e aill. Ny gow‐jee veih thie dy thie.

Noo Luke 12:42

As dooyrt y Chiarn, Quoi eisht yn stiurt firrinagh as creeney shen nee e hiarn y yannoo ny er‐reill er lught e hie, dy hirveish orroo nyn meaghey ayns traa cooie?

Noo Ean 4:38

Hug mish shiu magh dy vuinn cooid nagh ren shiu y laboragh: ta deiney elley er laboragh, as ta shiuish er gholl stiagh er y laboraght oc.

Jannoo 11:30

As shen myr ren ad neesht, as hug ad eh gys y chanstyr liorish laueyn Barnabas as Saul.

Jannoo 20:35

Ta mee er hoilshaghey diu dy chooilley nhee, kys laboraght myr shen, dy lhisagh shiu kemmyrk y choyrt da ny annooinee; as cooinaghtyn er goan y Chiarn Yeesey, kys dooyrt eh, Te ny s’bannee dy choyrt na dy ghoaill.

Jannoo 28:10

As ren ad myrgeddin soiaghey mooar‐ooasle y yannoo j’in, as tra ghow shin lhuingys, laad ad shin lesh dy chooilley nhee ymmyrchagh er nyn son.

Romanee 12:8

Ny eshyn ta coyrlaghey, da coyrle; eshyn ta cur da’n voght, lhig da ’yannoo eh lesh feoiltys; eshyn ta reill, lesh imnea; eshyn ta soilshaghey myghin, lesh gennallys.

Romanee 15:27

As ta mee gra dy gooidsave lhieu, as t’ad ayns lhiastynys daue. Son my ta ny Ashoonee er ny ve jeant co‐ayrnee jeh ny nheeghyn spyrrydoil ocsyn, yn currym oc eh myrgeddin dy hirveish orroosyn ayns nheeghyn seihltagh.

Romanee 16:12

Bannee‐jee Tryphena as Tryphosa, ta laboraght ayns y Chiarn. Bannee‐jee Persis ennoil, ren lane shirveish ayns obbyr y Chiarn.

1 Corinthianee 15:10

Agh liorish grayse Yee ta mee ny ta mee: as e ghrayse, va er ny ghiootal orrym, cha row eh ayns fardail; agh ren mee laboragh ny s’doccarree na ad ooilley: ny‐yeih cha nee mish, agh grayse Yee va mârym.

1 Corinthianee 16:16

Dy der shiu arrym da nyn lheid, as da dagh unnane ta cooney lhieu, as gobbraghey [ayns y sushtal.]

1 Corinthianee 3:9

Son ta shinyn co‐obbreeyn fo Jee: ta shiuish farrysthie Yee, shiuish troggal Yee.

2 Corinthianee 6:1

Ta shinyn eisht, myr firchoo‐nee mârishyn, guee erriuish myrgeddin, nagh jean shiu grayse Yee y ghoaill ayns fardail:

Galatianee 6:6

Lhig dasyn t’er ny ynsaghey ayns y goo, shirveish ersyn ta gynsaghey jeh dy chooilley nhee mie [t’echey.]

Philippianee 2:16

Sheeyney magh yn goo dy vea; dy voddym’s boggey y ghoaill ayns laa Chreest, nagh vel mee er roie ayns fardail, chamoo er laboragh ayns fardail.

Philippianee 2:29

Gow‐jee rish er‐y‐fa shen ayns y Chiarn lesh slane gennallys, as jeh nyn lheid jean‐jee mooar y hoiaghey:

Philippianee 4:3

As ta mee guee ort’s myrgeddin, cho‐obbree firrinagh, cooin lesh my mraane shen ren m’y hirveish ayns y sushtal, marish Clement myrgeddin, as y chooid elley jeh my cho‐labreeyn, ny enmyn oc ta ayns lioar y vea.

1 Timothy 3:5

(Son mannagh vel fys ec dooinney kys dy reill e hie hene, kys nee eh kiarail y ghoaill jeh agglish Yee?

1 Timothy 4:10

Son er y choontey shen ta shin chammah laboragh, as surranse scammylt, er‐yn‐oyr dy vel shin treishteil ayns y Jee bio, ta ny Haualtagh da dy chooilley ghooinney, erskyn ooilley dauesyn ta credjal.

1 Timothy 4:14

Ny bee mee rioosagh jeh’n ghioot t’aynyd, va er ny chur dhyt liorish phadeyrys, tra hie oo fo laueyn ny shirveishee casherick.

1 Timothy 4:16

Cur tastey dhyt hene, as da dty ynsagh; jean tannaghtyn ayndoo: son ayns jannoo shoh, nee oo chammah oo hene y hauail, ad adsyn ta dy dty chlashtyn.

1 Timothy 4:6

My nee oo ny braaraghyn y choyrt ayns cooinaghtyn jeh ny reddyn shoh, bee oo dty hirveishagh vie dy Yeesey Creest, troggit ayns goan y chredjue, as ynsagh mie, huggey t’ou er roshtyn.

1 Timothy 5:19

Noi shanstyr ny jean plaiynt y ghoaill, agh kiongoyrt rish ghaa ny three dy eanishyn.

1 Timothy 5:3

Jean soiaghey jeh mraane‐treoghe ta mraane‐treoghe dy jarroo.

2 Timothy 2:6

Shegin da’n eirrinagh laboragh roish my vow eh soylley ny messyn.

2 Timothy 4:2

Jean y goo y phreacheil, coyrlee dy jeean ec dy chooilley hraa as caa; cur oghsan, smaghtee, jean coyrlaghey lesh dy chooilley veenid as ynsagh.

Hebrewnee 13:17

Cur‐jee biallys dauesyn ta reill harrystiu, as bee‐jee arrymagh daue: son t’ad er nyn arrey son ny anmeenyn eu, myr adsyn shegin coontey ’choyrt: dy vod ad shen y yannoo lesh boggey, as cha nee lesh trimshey: son ta shen neu‐vondeishagh diu.

Hebrewnee 13:24

Bea as slaynt dauesyn ta reill harrishdiu, as da ooilley ny nooghyn. T’adsyn jeh Italy bannaghey diu.

Hebrewnee 13:7

Cooinee‐jee orroosyn t’er n’ymmyrkey reill harrystiu, t’er loayrt riu goo Yee: geiyrt er y chredjue oc, smooinaghtyn er jerrey nyn ymmyrkey‐bea.