1 Timothy 5:1 - Yn Conaant Noa 1810

¹ Ny cur oghsan da shanstyr agh coyrlee eh myr ayr, as ny deiney saa myr braaraghyn;

Yn Vible Casherick 1775 1819

¹ Ny cur oghsan da shanstyr, agh coyrlee eh myr ayr, as ny deiney saa myr braaraghyn;

1 Timothy 5:1 ပူးပေါင်းရင်းမြစ်များ

Noo Mian 23:8

Agh ny bee‐jee shiuish enmyssit Rabbi: son ta un vainshter eu, ta shen dy ghra, Creest, as ta shiuish ooilley nyn mraaraghyn.

Jannoo 14:23

As tra v’ad er n’oardaghey shirveishee ayns ooilley ny kialteenyn, as er ghoaill padjer lesh trostey, ren ad y hymney ad gys y Chiarn, ayn v’ad er chredjal.

Jannoo 15:4

As tra v’ad er jeet gys Jerusalem, ghow yn agglish dy arryltagh roo, myr ren ny ostyllyn as y chanstyr, as hug ad coontey jeh dy chooilley nhee va Jee er n’yannoo lhieu.

Jannoo 15:6

As haink ny ostyllyn as y chanstyr cooidjagh dy reaghey yn chooish shoh.

Jannoo 20:17

As veih Miletus, hug eh fys gys Ephesus, as deïe eh er shanstyr ny hagglish.

Romanee 13:7

Eeeck‐jee er‐y‐fa shen da dy chooilley unnane e chair; keesh dauesyn ta keesh cair, custom dauesyn ta custom; aggle dauesyn ta aggle; ooashley dauesyn ta ooashley cair.

Galatianee 6:1

Vraaraghyn, my ta dooinney taghyrt dy huittym ayns peccah, shiuish ta spyrrydoil, gow‐jee stiagh eh reesht ayns y spyrryd dy veenid; smooinaghtyn ort hene, er‐aggle dy vod uss myrgeddin ve miolit.

1 Timothy 5:17

Lhig da ny shanstyryn ta reill dy mie, ve coontit feeu jeh ooashley dooble, erskyn ooilley adsyn ta laboragh ’sy ghoo as ynsagh.

1 Timothy 5:2

Ny mraane shinney myr moiraghyn, ny [mraane] saa myr shayraghyn, lesh dy chooilley ghlennid.

Titus 2:2

Dy bee ny shenn gheiney fudagh, soccaragh, sheelt, fondagh ’sy chredjue, ayns giastyllys, ayns meenid:

Titus 2:6

Coyrlee ny deiney aegey myrgeddin dy ve sheelt‐aignagh.

Jamys 3:17

Agh y chreenaght ta veih’n yrjey t’ee hoshiaght glen, eisht sheeoil, meen, as aashagh dy ve coyrlit, lane dy erreeish as dy vessyn mie, fegooish neu‐chorrymid, as fegooish chraueeaght‐oalsey.

Jamys 5:14

Vel veg ching ny mast’ eu? lhig da fys y choyrt er fir‐reill ny hagglish; as lhig daue padjer y ghoaill er e hon, gooillaghey eh lesh ooil ayns ennym y Chiarn:

1 Peddyr 5:1

Ny shanstyryn ta ny mast’ eu ta mee coyrlaghey, ta mee hene myrgeddin my hanstyr, as feanish jeh surranseyn Chreest, as myrgeddin parteeas jeh’n ghloyr vees er ny hoilshaghey:

2 Ean 1:1

Yn ostyl shinney gys y lady ooasle, as e cloan, shynney lhiam ayns yn irriney; as cha nee mish my lomarcan, agh myrgeddin adsyn ooilley ta toiggal oc jeh’n irriney;

3 Ean 1:1

Yn ostyl shinney gys my charrey graihagh Gaius, shynney lhiam ayns yn irriney.

Ashlish 4:4

As runt mygeayrt y stoyl‐reeoil va kiare stuill as feed; as er ny stuill honnick mee kiare shanstyryn as feed nyn soie, coamrit ayns coamrey gial; as v’oc er nyn ging attaghyn dy airh.