1 Timothy 4:4 - Yn Conaant Noa 1810

⁴ Son ta ooilley creetooryn Yee mie, as dyn nhee erbee dy ve mee‐lowit, my te er nyn ghoaill lesh toyrt‐booise:

Yn Vible Casherick 1775 1819

⁴ Son ta ooilley cretooryn Yee mie, as dyn nhee erbee dy ve mee-lowit, my te er ny ghoaill lesh toyrt-booise:

1 Timothy 4:4 ပူးပေါင်းရင်းမြစ်များ

Jannoo 10:15

As loayr y coraa rish reesht yn nah cheayrt, Shen ta Jee er ghlenney, ny enmys uss cadjin.

Jannoo 15:29

Shiu dy reayll shiu hene veih bee chebbit gys jallooyn, as veih fuill, as veih reddyn toghtit, as veih maarderys: voue shoh my reaillys shiu shiu‐hene, nee shiu dy mie. Slane lhieu.

Jannoo 21:25

As mychione ny Ashoonee t’er chredjal, ta shin er scrieu as er vriwnys, gyn ad dy eiyrt er ny cliaghtaghyn cheddin, agh ynrycan ad dy reayll ad hene veih reddyn va chebbit gys jallooyn, as veih fuill, as veih reddyn toghtit, as veih maarderys.

Romanee 14:14

Ta fys as shickyrys aym ayns y Chiarn Yeesey, nagh vel nhee erbee neu‐ghlen jeh hene; agh dasyn er‐lesh ta nhee erbee neu‐ghlen, da shoh te neu‐ghlen.

Romanee 14:20

Er coontey bee ny cur mow obbyr Yee. Ta dy chooilley nhee dy jarroo glen: agh te olk da’n dooinney shen ta gee lesh oyr scammylt.

Romanee 14:6

Eshyn ta freaylley’n laa, t’eh freaylley eh gys y Chiarn; as eshyn nagh vel freaylley’n laa, gys y Chiarn cha vel eh dy reaylley eh. Eshyn ta gee, t’eh gee gys y Chiarn, son t’eh coyrt booise da Jee; as eshyn nagh vel gee, gys y Chiarn cha vel eh gee, as t’eh coyrt booise da Jee.

1 Corinthianee 10:23

Te lowal dou ymmodee reddyn y yannoo, agh cha vel dy chooilley nhee cooie dy ve jeant: te lowal dou ymmodee reddyn y yannoo, agh cha vel dy chooilley nhee gys ynsagh Creestee.

1 Corinthianee 10:25

Cre‐erbee ta creckit ayns ny margaghyn, ee‐jee, fegooish jannoo briaght erbee er graih cooinsheanse.

1 Corinthianee 10:26

Son lesh y Chiarn yn seihll, as ooilley ny t’ayn.

1 Corinthianee 10:30

Son, my ta mee liorish grayse goaill ayrn jeh, cre’n‐fa ta mee oltooanit son shen ny ta mee er oltaghey?

1 Timothy 4:3

Lhiettal dy phoosey as sarey dy reayll veih bee, ta Jee er chroo dy ve er ny ghoaill lesh toyrt‐booise lioroosyn ta credjal as toiggal yn irriney.