1 Timothy 4:3 - Yn Conaant Noa 1810

³ Lhiettal dy phoosey as sarey dy reayll veih bee, ta Jee er chroo dy ve er ny ghoaill lesh toyrt‐booise lioroosyn ta credjal as toiggal yn irriney.

Yn Vible Casherick 1775 1819

³ Lhiettal dy phoosey, as sarey dy reayll veih bee, ta Jee er chroo dy ve er ny ghoaill lesh toyrt-booise lioroosyn ta credjal as toiggal yn irriney.

1 Timothy 4:3 ပူးပေါင်းရင်းမြစ်များ

Noo Mian 14:19

As doardee eh yn pobble dy hoie sheese er y faiyr, as ghow eh ny queig bwilleenyn as y daa eeast, as yeeagh eh seose gys niau, as vannee eh, as vrish eh, as hug eh ny bwilleenyn da ny ostyllyn, as hirveish adsyn ad er y pobble.

Noo Mian 15:11

Cha nee shen ta goll stiagh ayns y veeal ta jannoo dooinney neu‐ghlen: agh ny ta cheet magh ass y veeal, shen ta jannoo neu‐ghlen jeh.

Noo Mian 15:36

As ghow eh ny shiaght bwilleenyn, as ny eeastyn, as hug eh booise, as vrish eh, as hug eh ad da e ostyllyn, as hirveish adsyn er y pobble ad.

Noo Luke 24:30

As haink eh gy‐kione, myr v’eh ny hoie ec bee mâroo, dy ghow eh arran, as vannee eh, as vrish eh, as hirveish eh orroo eh.

Noo Ean 6:23

(Ny‐yeih va baatyn elley er jeet veih Tiberias, er‐gerrey da’n boayl ren ad arran y ee ayn erreish da’n Chiarn v’er chur booise)

Jannoo 27:35

As tra v’eh er ghra shoh, ghow eh arran, as hug eh booise da Jee, ayns yn enish oc ooilley, as vrish eh eh, as ren eh toshiaght dy ee.

Romanee 14:17

Son cha nee bee ny jough reeriaght Yee, agh cairys, as shee as boggey ayns y Spyrryd Noo.

Romanee 14:3

Ny lhig dasyn ta gee, beg y hoiaghey jehsyn nagh vel gee; as ny lhig dasyn nagh vel gee, eshyn y vriwnys ta gee: son ta Jee er ghoaill rish.

Romanee 14:6

Eshyn ta freaylley’n laa, t’eh freaylley eh gys y Chiarn; as eshyn nagh vel freaylley’n laa, gys y Chiarn cha vel eh dy reaylley eh. Eshyn ta gee, t’eh gee gys y Chiarn, son t’eh coyrt booise da Jee; as eshyn nagh vel gee, gys y Chiarn cha vel eh gee, as t’eh coyrt booise da Jee.

1 Corinthianee 6:13

Bee son y volg, as y bolg son bee; agh nee Jee ad ny neesht y choyrt naardey. Nish cha vel y corp son maarderys, agh son y Chiarn; as y Chiarn son y chorp:

1 Corinthianee 7:28

Agh my t’ou poosey, cha vel oo er n’yannoo peccah; as my ta moidyn poosey, cha vel ee er n’yannoo peccah: ny‐yeih, bee seaghyn ec nyn lheid ayns yn eill; agh ta mee gymmyrkey lhieu.

1 Corinthianee 8:8

Agh cha vel bee dy voylley shin gys Jee: son edyr shin dy ee, cha vel shin ny share; ny edyr shin gyn gee, cha vel shin veg smessey.

Colossianee 2:16

Ny lhig da dooinney erbee er‐y‐fa shen shiuish y vriwnys mychione bee ny jough, ny mychione laa‐feailley, ny mychione eayst‐noa, ny mychione dooneeyn:

Colossianee 3:17

As cre‐erbee ta shiu gra ny jannoo, jean‐jee ooilley ayns ennym y Chiarn Yeesey, coyrt booise da Jee dy jarroo yn Ayr ny hrooidsyn.

1 Timothy 2:4

Eh saillish dy chooilley ghooinney dy ve er nyn sauail, as dy heet gys tushtey jeh’n irriney.

1 Timothy 4:4

Son ta ooilley creetooryn Yee mie, as dyn nhee erbee dy ve mee‐lowit, my te er nyn ghoaill lesh toyrt‐booise:

1 Timothy 5:14

Saillym er‐y‐fa shen dy jean ny mraane saa poosey, cloan y ymmyrkey, yn thie y reill, gyn veg yn oyr y choyrt da’n noid dy loayrt dy scammyltagh.

Hebrewnee 13:4

Ta poosey onnoroil ayns ooilley, as y lhiabbee gyn‐loght: agh maarderee as adsyn ta brishey‐poosey nee Jee briwnys.

Hebrewnee 13:9

Ny bee‐jee er nyn imman noon as noal lesh ymmodee ynsaghyn joarree: son te red mie dy bee’n cree er ny niartaghey lesh grayse, cha nee ayns y leigh mychione bee, nagh vel er ve vondeishagh dauesyn t’er chur tastey daue.