1 Timothy 4:12 - Yn Conaant Noa 1810

¹² Ny lhig da dooinney erbee beg y hoiaghey jeh dty aegid, agh bee dty hampleyr dauesyn ta credjal, ayns goo, ayns ymmykey‐bea, ayns graih, ayns spyrryd, ayns credjue, ayns glennid.

Yn Vible Casherick 1775 1819

¹² Ny lhig da dooinney erbee beg y hoiaghey jeh dty aegid, agh bee dty hampleyr dauesyn ta credjal, ayns goo, ayns ymmyrkey-bea, ayns graih, ayns spyrryd, ayns credjue, ayns glennid.

1 Timothy 4:12 ပူးပေါင်းရင်းမြစ်များ

Noo Mian 18:10

Cur‐jee twoaie nagh soie shiu beg jeh unnane jeh’n vooinjer veggey shoh: son ta mee gra riu, dy vel ny ainleyn ocsyn ayns niau, kinjagh cur‐my‐ner eddin my Ayr flaunyssagh.

1 Corinthianee 11:1

Eiyr‐jee shiuish orrym’s, dy jarroo myr ta mish myrgeddin er Creest.

Philippianee 4:8

Ayns focklyn giarey, my chaarjyn, cre‐erbee ny reddyn ta firrinagh, cre‐erbee ny reddyn ta ooasle, cre‐erbee ny reddyn ta cairagh, cre‐erbee ny reddyn ta glen, cre‐erbee ny reddyn ta graihoil, cre‐erbee ny reddyn ta jeh goo mie; my ta foays erbee, as my ta moylley erbee, smooinee‐jee er ny reddyn shoh.

1 Thessalonianee 1:6

As haink shiu dy ve eiyrtyssee orrin, as er y Chiarn, myr va shiu er ghoaill rish y goo ayns moorane seaghyn, lesh boggey yn Spyrryd Noo:

1 Thessalonianee 2:10

Ta shiuish feanishyn, as Jee myrgeddin, cre cha crauee as ynrick, as gyn loght dymmyrk shin shin‐hene nyn mast’ euish ta credjal:

1 Timothy 1:14

As va grayse nyn Jiarn erskyn towse orrym, lesh credjue, as graih ta ayns Creest Yeesey.

2 Timothy 2:15

Bee uss imneagh dy phrowal oo hene firrinagh gys Jee, obbree nagh lhiass nearey ’ghoaill, rheynn dy kiart yn goo dy ynrickys.

2 Timothy 2:22

Chea myrgeddin veih yeearreeyn yn aegid: agh eiyr da ynrickys, credjue, graih, [as] shee, mâroosyn ta geamagh er y Chiarn ass cree glen.

2 Timothy 2:7

Gow dy dowin gys dty chree ny ta mee gra; as dy der y Chiarn tushtey dhyt ayns dy chooilley nhee.

Titus 2:15

Ny reddyn shoh jean uss loayrt as coyrlaghey, as cur oghsan lesh slane ’torrity. Ny lhig da dooinney erbee beg y hoiaghey jeed.

Titus 2:7

Ayns dy chooilley nhee jeeaghyn oo hene sampleyr dy obbraghyn mie: ayns ynsagh soilshaghey magh firrinys y chredjue, craueeaght, ynrickys,

Jamys 3:13

Quoi ta ny ghooinney creeney as tushtagh ny mast’ eu? lhig da soilshaghey, liorish ymmyrkey mie, e obbraghyn ayns y veenid dy chreenaght.

Jamys 3:17

Agh y chreenaght ta veih’n yrjey t’ee hoshiaght glen, eisht sheeoil, meen, as aashagh dy ve coyrlit, lane dy erreeish as dy vessyn mie, fegooish neu‐chorrymid, as fegooish chraueeaght‐oalsey.

1 Peddyr 5:3

Chamoo myr chiarnyn harrish eiraght Yee, agh myr sampleyryn da’n chioltane.