1 Timothy 3:7 - Yn Conaant Noa 1810

⁷ Shegin da myrgeddin goo mie ve echey vouesyn ta mooie; er‐aggle dy duitt eh fo scammylt, as ribbey yn drogh‐spyrryd.

Yn Vible Casherick 1775 1819

⁷ Shegin da myrgeddin goo mie ve echey vouesyn ta mooie; er-aggle dy duitt eh fo scammylt, as ribbey yn drogh-spyrryd.

1 Timothy 3:7 ပူးပေါင်းရင်းမြစ်များ

Noo Mark 4:11

As dooyrt eh roo, Diuish te er ny choyrt dy hoiggal folliaght reeriaght Yee: agh dauesyn ta mooie, ta dy chooilley nhee jeant ayns coraaghyn‐dorraghey.

Jannoo 10:22

As dooyrt adsyn Cornelius yn centurion, dooinney cairagh, as beaghey ayns aggle Yee, as jeh goo mie mastey slane ashoon ny Hewnyn, t’eh er gheddyn raaue veih Jee liorish ainle casherick, dy chur fys ort’s gys e hie, dy eaishtagh rish dty ghoan.

Jannoo 22:12

As haink hym fer dy row enmyssit Ananias, dooinney crauee cordail rish y leigh, echey va goo mie veih ooilley ny Hewnyn va cummal ayns shen,

Jannoo 6:3

Shen‐y‐fa, vraaraghyn, jeeagh‐jee magh ny mast’ eu hene, son shiaght deiney dy ghoo mie, lane jeh’n Spyrryd Noo as jeh creenaght, dooinyn dy choyrt yn currym shoh orroo.

1 Corinthianee 10:32

Ny cur‐jee oyr erbee dy huittym ayns peccah, edyr da ny Hewnyn, ny da ny Ashoonyn‐quaagh, ny da agglish Yee:

1 Corinthianee 5:12

Son cre t’aym’s dy yannoo dy vriwnys adsyn neesht ta cheu‐mooie [jeh’n agglish]? nagh vel shiuish dy vriwnys adsyn ta er cheu‐sthie?

2 Corinthianee 6:3

Ny lhig dooin oyr dy scammylt y choyrt ayns nhee erbee, nagh bee cômys er ny choyrt da’n oik ain:

2 Corinthianee 8:21

Kiarail ro‐laue reddyn onneragh, cha nee ny lomarcan ayns shilley’n Chiarn, agh myrgeddin ayns shilley gheiney.

Colossianee 4:5

Jean‐jee gymmyrkey shiu hene dy tastagh ny vud ocsyn ta mooie, jannoo yn chooid smoo jeh’n traa.

1 Thessalonianee 4:12

Dy jean shiu gymmyrkey shiu‐hene dy onneragh hucsyn ta cheu‐mooie, as nagh bee shiu feme nhee erbee.

1 Thessalonianee 5:22

Freill‐jee shiu hene veih dy chooilley chaslys dy olkys.

1 Timothy 3:6

Cha nee fer gerrit ’sy chredjue, er‐aggle dy bee eh troggit seose lesh moyrn, as dy duitt eh fo briwnys y drogh‐spyrryd.

1 Timothy 5:14

Saillym er‐y‐fa shen dy jean ny mraane saa poosey, cloan y ymmyrkey, yn thie y reill, gyn veg yn oyr y choyrt da’n noid dy loayrt dy scammyltagh.

1 Timothy 6:9

Agh t’adsyn ta soit er ve berchagh tuittym ayns miolagh, as ribbey, as ayns ymmodee sayntyn olk as ommijah, ta baih deiney ayns toyrt‐mow as coayl‐anmey.

2 Timothy 2:26

As dy vod ad feaysley ad hene ass ribbey yn drogh‐spyrryd, ta goit nyn gappee liorishyn ec e aigney.

Titus 2:5

Dy ve tastagh, glen‐aignagh, freayll ec y thie, dy ve dooie, biallagh da ny sheshaghyn oc hene, nagh bee goo Yee loayrit dy olk jeh.

Titus 2:8

Glare breeoil nagh vod ve loayrit n’oï; dy vod eshyn ta shassoo magh nearey ’ghoaill, gyn veg yn olk echey dy choyrt gys nyn lieh.

3 Ean 1:12

Ta goo mie ec Demetrius veih dy chooilley ghooinney, as veih’n irriney hene: dy jarroo, as ta shinyn myrgeddin gymmyrkey feanish, as ta fys eu dy vel y feanish ainyn firrinagh.