1 Timothy 3:2 - Yn Conaant Noa 1810

² Shegin da aspick eisht ve gyn loght, sheshey‐poost un ven, tastagh, sheelt, jeh ymmyrkey‐bea mie, aggindagh dy choyrt oltaghey‐bea, aghtal dy ynsaghey;

Yn Vible Casherick 1775 1819

² Shegin da aspick eisht ve gyn loght, sheshey-poost un ven, tastagh, sheelt, jeh ymmyrkey-bea mie, aggindagh dy choyrt oltaghey-bea, aghtal dy ynsaghey;

1 Timothy 3:2 ပူးပေါင်းရင်းမြစ်များ

Noo Luke 1:6

As va’d ny neesht cairagh kiongoyrt rish Jee, gimmeeaght ayns ooilley annaghyn as oardaghyn y Chiarn gyn loght.

Noo Luke 2:36

As va myrgeddin phadeyr‐ben enmyssit Anna, inneen Phanuel, jeh kynney Aser: v’ee dy eash vooar, as v’ee er veaghey marish e sheshey shiaght bleeaney neayr as v’ee ny moidyn.

Romanee 12:13

Rheynn gys ymmyrch ny nooghyn ; arryltagh dy choyrt oltaghey‐bea da troailtee.

Philippianee 2:15

Dy vod shiu ve gyn loght as ôney, cloan dy Yee, fegooish oghsan ayns mean sheeloghe camlaagagh as roonagh, ny vud oc ta shiu lossey myr soilshaghyn ’sy theihll:

1 Timothy 3:12

Lhig da ny shirveishee ve sheshee‐poost un ven, reill nyn gloan, as nyn lught‐thie hene dy mie.

1 Timothy 3:8

Myrgeddin shegin da ny shirveishee ve soccaragh, cha nee chengey lhiam as lhiat, nagh bee ad neu‐heelt ayns feeyn, gyn ve sondagh er cosney scammyltagh,

1 Timothy 4:3

Lhiettal dy phoosey as sarey dy reayll veih bee, ta Jee er chroo dy ve er ny ghoaill lesh toyrt‐booise lioroosyn ta credjal as toiggal yn irriney.

1 Timothy 5:10

Ayns goo mie son obbraghyn mie; my t’ee er hroggal cloan, my t’ee er chur aaght da joarreeyn, my t’ee er niee cassyn ny nooghyn, my t’ee er chooney lhieusyn va seaghnit, my t’ee er eiyrt dy imneagh da dy chooilley obbyr vie.

1 Timothy 5:22

Ny cur laueyn dy siyragh er dooinney erbee, chamoo gow ayrn jeh peccaghyn deiney elley: freill oo hene glen.

1 Timothy 5:9

Ny lhig da ben‐treoghe ve goit stiagh ’sy choontey fo three‐feed blein, as nagh vel er ve agh un cheayrt poost,

2 Timothy 2:24

As cha nhegin da sharvaant y Chiarn ve streeuagh: agh ve meen rish dy chooilley ghooinney, aarloo dy ynsaghey, surransagh.

Titus 2:2

Dy bee ny shenn gheiney fudagh, soccaragh, sheelt, fondagh ’sy chredjue, ayns giastyllys, ayns meenid:

Hebrewnee 13:2

Ny jarrood‐jee dy choyrt oltagh‐bea da joarreeyn: son liorish ta paart er choyrt oltagh‐bea da ainleyn gyn‐yss daue hene.

Hebrewnee 3:14

Son ta cairys ain ayns Creest, my ta shin cummal undin nyn marrantys ersyn shickyr gys y jerrey;

1 Peddyr 4:7

Agh ta jerrey dy chooilley nhee er‐gerrey: bee‐jee er‐y‐fa shen sheelt, as watch‐jee gys padjer.

1 Peddyr 4:9

Cur‐jee oltaghey‐bee yn derrey yeh da’n jeh elley fegooish mooaraghey.

1 Peddyr 5:8

Bee‐jee sheelt, bee‐jee er nyn arrey; er‐yn‐oyr dy vel y noid eu yn drogh‐spyrryd myr lion buirroogh, shooyl mygeayrt, shirrey quoi oddys eh y stroie: