1 Timothy 2:8 - Yn Conaant Noa 1810

⁸ Saillym er‐y‐fa shen dy jean deiney padjer y ghoaill dy chooilley raad, troggal seose laueyn glen, fegooish corree as mee‐hreishteil:

Yn Vible Casherick 1775 1819

⁸ Saillym er-y-fa shen dy jean deiney padjer y ghoaill dy chooilley raad, troggal seose laueyn glen, fegooish corree as mee-hreishteil:

1 Timothy 2:8 ပူးပေါင်းရင်းမြစ်များ

Noo Mian 21:21

Dreggyr Yeesey, as dooyrt eh roo, Dy firrinagh ta mee gra riu, My vees shiu credjuagh, as gyn ve fo mee‐ourys erbee nee shiu cha nee ynrycan shoh ta jeant rish y villey‐figgagh, agh my jir shiu rish y slieau shoh, Bee er dty scughey, as er dty hilgey ayns y cheayn; bee eh er ny yannoo.

Noo Mian 5:44

Agh ta mish gra riu, Bee‐jee dooie da nyn noidyn, bannee‐jee adsyn ta gwee mollaght diu, jean‐jee mie dauesyn ta cur dwoaie diu, as gow‐jee padjer er nyn son ocsyn ta dy goanlyssagh jannoo tranlaase erriu:

Noo Mian 6:12

As leih dooin nyn loghtyn, myr ta shin leih dauesyn ta jannoo loghtyn nyn ’oï.

Noo Luke 23:34

Eisht dooyrt Yeesey, Ayr, jean leih daue; son cha vel fys oc cre t’ad dy yannoo. As rheynn ad e choamrey, as hilg ad lottyn.

Noo Luke 24:50

As hug eh lesh magh ad choud as gys Bethany: as hrog eh seose e laueyn as vannee eh ad.

Noo Ean 4:21

Dooyrt Yeesey ree, Ven, cred mish, ta’n oor cheet tra nagh jean shiu er y clieau shoh, ny foast ec Jerusalem ooashley ’choyrt da’n Ayr.

Jannoo 10:2

Dooinney crauee, as beaghey ayns aggle Yee, eh hene as ooilley e hie, as v’eh cur mooarane jeirk da’n pobble, as dy mennick ayns padjer gys Jee.

Jannoo 10:31

As dooyrt eh, Cornelius, ta dty phadjer er ny chlashtyn, as dty yeirk freilt ayns cooinaghtyn fenish Jee.

Jannoo 10:4

As tra yeeagh eh lesh, va aggle er, as dooyrt eh, Hiarn, cre shoh? As dooyrt eh rish, Ta dty phadjeryn as dty ghiastyllys er jeet seose son imraa kiongoyrt rish Jee.

Jannoo 21:5

As tra va ny laghyn ec kione, jimmee shin roïn, as hie shin er nyn raad; as hie ad ooilley magh mârin dy chur shin er nyn doshiaght er nyn yurnah, mârish mraane as cloan, derrey va shin mooie ass y valley: as ghlioon shin sheese er y traie, as ghow shin padjer.

Jannoo 7:60

As ghlioon eh sheese, as deïe eh lesh ard‐choraa, Hiarn, ny cur y peccah shoh ass nyn lieh. As tra v’eh er ghra shoh huitt eh ny chadley.

1 Corinthianee 1:2

Gys agglish Yee ta ec Corinth, hucsyn t’er nyn gasherickey ayns Creest Yeesey, er nyn eam dy ve nyn nooghyn mâroosyn ooilley ta ayns dy chooilley ynnyd geamagh er ennym Yeesey Creest, chammah yn Chiarn ocsyn as ainyn.

1 Corinthianee 7:7

Son baillym dy beagh dy chooilley ghooinney eer myr ta mee hene: agh ta e ghioot hene ec dagh dooinney veih Jee, fer er yn aght shoh, as fer er aght elley.

2 Corinthianee 2:14

Nish booise dy row gys Jee, ta dy kinjagh coyrt dooin oyr yn varriaght ayns Creest, as ta skeayley soar millish yn tushtey jehsyn liorin ayns dy chooilley ynnyd.

Philippianee 1:12

Agh baillym shiu dy hoiggal, vraaraghyn, dy vel ny reddyn t’er jeet my raad, er jyndaa magh dy chur y sushtal ny smoo er y hoshiaght:

1 Thessalonianee 1:8

Son veueish hie feiyr goo yn Chiarn magh, cha nee ny lomarcan ayns Macedonia as Achaia; agh myrgeddin ayns dy chooilley voayl ta’n credjue euish ayns Jee er ny skeayley dy lhean, myr shen nagh lhiass dooin cheet harrish.

1 Timothy 5:14

Saillym er‐y‐fa shen dy jean ny mraane saa poosey, cloan y ymmyrkey, yn thie y reill, gyn veg yn oyr y choyrt da’n noid dy loayrt dy scammyltagh.

Titus 3:8

Shoh raa firrinagh, as ny reddyn shoh saillym oo kinjagh, dy hionney orroo, dy vod adsyn ta er chredjal ayns Jee, ve kiaralagh dy hoilshaghey magh obbraghyn mie: ta ny reddyn shoh mie as vondeishagh da deiney.

Hebrewnee 10:22

Lhig dooin tayrn er‐gerrey lesh cree firrinagh, ayns slane shickyrys dy chredjue, liorish nyn greeaghyn v’er nyn ghlenney veih drogh chooinsheanse, as nyn girp er nyn niee lesh ushtey glen.

Jamys 4:8

Tayrn‐jee er‐gerrey gys Jee, as tayrnee eshyn er gerrey diuish: niee jee nyn laueyn, shiuish pheccee, as glen‐jee nyn greeaghyn, shiuish dy aigney ghooble.

1 Peddyr 3:7

Myrgeddin, shiuish gheiney‐poost, jean‐jee beaghey mâroo cordail rish tushtey, coyrt onnor da’n ven myr da’n saagh s’annooinee, as myr co‐eiraghyn jeh ghrayse y vea; nagh bee ny padjeryn eu er nyn lhiettal.