1 Timothy 2:5 - Yn Conaant Noa 1810

⁵ Son ta un Jee ayn, as un er ta loayrt eddyr Jee as deiney, yn dooinney Creest Yeesey;

Yn Vible Casherick 1775 1819

⁵ Son ta un Jee ayn, as un er ta loayrt eddyr Jee as deiney, yn dooinney Creest Yeesey;

1 Timothy 2:5 ပူးပေါင်းရင်းမြစ်များ

Noo Mian 1:1

Lioar sheeloghe Yeesey Creest, mac Ghavid, mac Abraham.

Noo Mian 1:23

Cur‐my‐ner nee moidyn gientyn, as ver ee mac son y theihll, as nee ad genmys eh Emmanuel, ta shen dy ghra, Jee mârin.)

Noo Luke 14:22

As dooyrt y charvaant, Hiarn, te jeant myr t’ou er harey, as foast ta room.

Noo Ean 1:14

As ghow yn Goo er dooghys ny foalley, as ren eh beaghey nyn mast’ ain (as hug shin my‐ner yn ghloyr echey, yn ghloyr myr jeh’n ynrycan Mac er‐ny‐gheddyn jeh’n Ayr) lane dy ghrayse as dy irrinys.

Noo Ean 17:3

As shoh yn vea veayn, tushtey y ve oc jeed’s yn ynrycan Jee firrinagh, as jeh Yeesey Creest t’ou uss er choyrt.

Jannoo 4:12

Chamoo ta saualtys ayns fer erbee elley: son cha vel ennym erbee elley fo niau er ny choyrt mastey deiney liorish oddys mayd saualtys y chosney.

Romanee 1:3

Mychione e Vac Yeesey Creest nyn Jiarn, rug jeh sluight Ghavid lurg dooghys ny foalley,

Romanee 10:12

Son cha vel veg y soiagh eddyr yn Hew as y Greek; son ta’n Chiarn cheddin harrish ooilley, berchagh dauesyn ooilley ta geamagh er.

1 Corinthianee 8:4

Mychione gee ny reddyn shen eisht t’er ny hebbal ayns oural gys jallooyn, ta fys ain nagh vel jalloo monney ’sy theihll, as nagh vel Jee erbee elley ayn agh unnane.

1 Corinthianee 8:6

Agh dooinyn cha vel ayn agh un Jee, yn Ayr, jehsyn ta dy chooilley nhee, as shinyn aynsyn; as un Chiarn Yeesey Creest, liorishyn ta dy chooilley nhee, as shinyn liorishyn.

Galatianee 3:20

Nish cha vel fer ta loayrt eddyr jees loayrt son unnane ny lomarcan, agh ta Jee unnane.

Ephesianee 4:6

Un Jee as Ayr jeh ooilley, ta erskyn ooilley, as trooid ooilley, as ayndiu ooilley.

1 Timothy 6:13

Ta mee cur currym ort fenish Yee, ta bioghey dy chooilley nhee, as kiongoyrt rish Creest Yeesey, ren tra v’eh roish Pontius Pilate gymmyrkey feanish mie;

Hebrewnee 12:24

As gys Yeesey ta eddyr Jee as dooinney fo’n chonaant noa, as gys yn uill v’er ny gheayrtey, ta loayrt reddyn share na fuill Abel.

Hebrewnee 7:25

Shen‐y‐fa t’eh pooaral myrgeddin dy hauail gys y chooid sodjey adsyn ta cheet gys Jee liorishyn, fakin dy vel eh dy bragh bio dy yannoo stiagh [rish Jee] er nyn son.

Hebrewnee 8:6

Agh nish t’eh er gheddyn shirveish foddey s’ooasle, ayns wheesh as dy vel eh myrgeddin eddyr Jee as shinyn son conaant share, va gruntit er gialdynyn syrjey.

Hebrewnee 9:15

As son yn oyr shoh she eshyn ta eddyr shin as Jee fo’n conaant noa, myr shen liorish fuilliaghtyn baase dy yannoo lhiassaghey son ny peccaghyn va fo’n chied chonaant, dy voddagh adsyn t’er nyn eam geddyn yn gialdynys jeh eiraght dy bragh farraghtyn.

1 Ean 2:1

My chloan veggey, ta mee scrieu ny reddyn shoh hiuish, nagh jean shiu peccah. As my ta dooinney erbee jannoo peccah, ta fer ain ta loayrt er nyn son rish yn Ayr, Yeesey Creest yn fer‐cairagh:

Ashlish 1:13

As ayns mean ny shiaght cainleyryn, fer goll‐rish yn Mac dooinney, coamrit lesh garmad sheese gys ny cassyn, as kianlt mysh e chleeau lesh cryss dy airh.