1 Timothy 1:9 - Yn Conaant Noa 1810

⁹ Toiggal shoh, nagh vel y leigh jeant cour y dooinney ynrick, agh cour ny mee‐reilltee as ny mee‐viallee, cour ny mee‐chrauee as peccee, cour deiney olk as neu‐chasherick, cour nyn lheid ta coyrt nyn ayraghyn as moiraghyn dy baase, cour dunveryn,

Yn Vible Casherick 1775 1819

⁹ Toiggal shoh, nagh vel y leigh jeant cour y dooinney ynrick, agh cour ny mee-reiltee as ny mee-viallee, cour ny mee-chrauee as peccee, cour deiney olk as neu-chasherick, cour nyn lheid ta coyrt nyn ayraghyn as moiraghyn dy baase, cour dunveryn,

1 Timothy 1:9 ပူးပေါင်းရင်းမြစ်များ

Noo Mian 10:21

As livreyee braar seose e vraar gys baase, as yn ayr e lhiannoo: as nee cloan girree magh noi nyn ayr as nyn moir, as bee ad feanishyn baaish orroo.

Romanee 1:30

Cooylchasseydee, noidyn Yee, roonee, moyrnee, boggyssee, gientyn reddyn olk, mee‐viallee da ayraghyn as moiraghyn,

Romanee 4:13

Son y gialdyn dy beagh eh eirey’n seihll, cha row eh jeant da Abraham, ny da e luight liorish y leigh, agh liorish cairys credjue.

Romanee 5:20

Agh haink y leigh stiagh, dy voddagh loght ve ny s’cronnal: agh raad vishee peccah, ren grayse bishaghey foddey smoo:

Romanee 6:14

Son cha bee pooar ec peccah harrishdiu: son cha vel shiu fo’n leigh, agh fo grayse.

Galatianee 3:19

Cre’n ymmyd eisht t’ayns y leigh! Ve er ny choyrt er coontey peccah, derrey harragh y sluight shen, da va’n gialdyn er ny yannoo; as ve er ny oardaghey liorish ainleyn ayns laue fer va eddyr ad.

Galatianee 5:18

Agh my ta shiu er nyn leeideil liorish y Spyrryd, cha vel shiu fo’n leigh.

Galatianee 5:21

Troo, dunverys, meshtyrys, glutteraght, as y lheid: my‐nyn‐gione ta mee ginsh diu ro‐laue, myr ta mee myrgeddin er n’insh diu ayns y traa t’er n’gholl shaghey, nagh vow adsyn ta cur rish lheid ny reddyn, reeriaght Yee ayns eiraght.

Galatianee 5:23

Meenid, sheeltys: noi nyn lheid cha vel leigh erbee.

2 Thessalonianee 2:8

As eisht vees y fer peccoil shen er ny hoilshaghey, eh nee’n Chiarn y choyrt mow liorish ennal e veeal, as stroie lesh soilshey gloyroil y cheet echey:

1 Timothy 4:7

Agh raaghyn mee‐chrauee shenn vraane cur dy lhiattee, as gow myr reih dy gholl er dty hoshiaght ayns craueeaght.

1 Timothy 6:20

O Timothy, freill shen ny ta er ny choyrt gys dty churrym, shaghney glare mee‐chrauee as fardalagh, as streeu mychione yn ynsagh shen ta far‐enmyssit creenaght:

2 Timothy 2:16

Agh chea veih glare mee‐chrauee as fardalagh; son hed ad er nyn doshiaght gys mee‐chraueeaght smoo.

2 Timothy 3:2

Son bee ooilley er nyn son oc hene, sayntoilee, boggyssee, mooaralee, oltooanee, mee‐viallagh gys ayraghyn as moiraghyn, neu‐wooisal, mee‐chrauee,

Titus 1:10

Son ta ayn ymmodee mee‐reilltee, branladee, as molteyryn, erskyn ooilley adsyn ta jeh’n ghiarey‐chymmylt:

Titus 1:16

T’ad goaill orroo dy vel tushtey oc dy Yee; agh ayns nyn obbraghyn t’ad gobbal eh, feohdoil as mee‐viallagh, as noi dy chooilley obbyr vie er nyn greoghey.

Titus 1:6

Lheid as ta gyn foill, sheshey un ven, as e chloan crauee, nagh vel er ny chassid jeh rouanys ny mee‐reiltys.

Titus 3:3

Son va shin hene myrgeddin keayrt dy row mee‐hushtagh, mee‐viallagh, ayns marranys fo reill ymmodee yeearreeyn as eunyssyn peccoil, beaghey ayns goanlys as roon, dwoaiagh, as coyrt dwoaie yn derrey yeh da’n jeh elley.

Hebrewnee 11:31

Liorish credjue ve, nagh ren yn ven‐oast Rahab cherraghtyn mâroosyn nagh ren credjal, tra hug ee oltagh‐bea da ny brialtee ayns shee.

Hebrewnee 12:16

Er‐aggle dy bee maarderagh erbee, ny persoon erbee mee‐chrauee, myr Esau, ren son un longey dy vee e eiraght y chreck.

1 Peddyr 2:7

Diuish er‐y‐fa shen ta credjal, t’eh deyr: agh dauesyn ta mee‐viallagh, ta’n chlagh ren ny masoonee y vee‐lowal, er jeet dy ve yn ard‐chlagh chorneilagh,

1 Peddyr 3:20

Va roish nish mee‐viallagh, tra ren surranse‐foddey Yee farkiagh ayns laghyn Noah, choud as va’n arg dy hroggal; ayn‐jee va beggan‐beg, ta shen, hoght anmeenyn, er nyn sauail liorish ushtey.

1 Peddyr 4:18

As my s’lioar da’n dooinney cairal v’er ny hauail, c’raad hed yn mee‐chrauee as y drogh‐yantagh?

Jude 1:15

Dy chooilleeney briwnys orroo ooilley, as dy gheyrey ooilley ny mee‐chrauee ny vud oc, son ooilley nyn obbraghyn mee‐chrauee, t’ad dy mee‐chrauee er n’yannoo, as son ooilley ny goan lûnagh ta peccee mee‐chrauee er loayrt n’oï.

Ashlish 21:8

Agh adsyn ta faitagh, as mee‐chredjuagh, as adsyn ta cur rish obbraghyn dwoaiagh, as dunveryn, as maarderee, as fir‐obbee, as jallooderyn, as dy chooilley vreagerey, yiow nyn gronney ’sy logh ta lossey lesh aile as brimstone: shen y nah vaase.

Ashlish 22:15

Son cheu‐mooie ta moddee, as fir‐obbee, as maarderee, as dunveryn, as adsyn ta cur ooashley da jalloonyn, as quoi erbee shynney lesh as ta jannoo breg.