1 Timothy 1:13 - Yn Conaant Noa 1810

¹³ Mish va roïe loayrt dy olkyssagh [noi Creest], as my hranlaasagh, as eulyssagh. Agh hooar mee myghin, er‐yn‐oyr dy ren mee eh dy neu‐hushtagh, ayns mee‐chredjue:

Yn Vible Casherick 1775 1819

¹³ Mish va roïe loayrt dy olkyssagh [noi Creest], as my hranlaasagh, as eulyssagh. Agh hooar mee myghin, er-yn-oyr dy ren mee eh dy neu-hushtagh, ayns mee-chredjue:

1 Timothy 1:13 ပူးပေါင်းရင်းမြစ်များ

Noo Luke 12:47

As y charvaant shen va toiggal aigney e hiarn, as nagh dooar eh hene aarloo, as nagh ren cordail rish e aigney, s’mooar vees y kerraghey echey.

Noo Luke 23:34

Eisht dooyrt Yeesey, Ayr, jean leih daue; son cha vel fys oc cre t’ad dy yannoo. As rheynn ad e choamrey, as hilg ad lottyn.

Jannoo 22:4

As ren mee tranlaase er y chredjue shoh gys y baase, kiangley as livrey gys pryssoonyn chammah deiney as mraane.

Jannoo 3:17

As nish, vraaraghyn, strooys dy nee trooid mee‐hushtey ren shiu eh, myr ren myrgeddin ny fir‐reill eu.

Jannoo 8:3

Agh ren Saul cragh jeh’n agglish, goll stiagh ayns thieyn, as sleodey magh deiney as mraane, as dyn dilgey ad ayns pryssoon.

Jannoo 9:1

As Saul foast fockley‐magh haggyrtyn as baase noi credjuee yn Chiarn, jimmee eh gys yn ard‐saggyrt,

Jannoo 9:13

Eisht dreggyr Ananias, Hiarn, ta mee er chlashtyn veih fer ny ghaa jeh’n dooinney shoh, dy mooar yn aggair t’eh er n’yannoo da dty nooghyn’s ec Jerusalem.

Jannoo 9:5

As dooyrt eh, Quoi oo, Hiarn? As dooyrt y Chiarn, Mish Yeesey t’ou jannoo tranlaase er: S’doillee dhyt brebbal noi ny jilg.

1 Corinthianee 15:9

Son she mish y fer sloo jeh ny ostyllyn, nagh vel feeu dy ve er my enmys my ostyl, er‐y‐fa dy ren mee tranlaase er agglish Yee.

1 Corinthianee 7:25

Nish mychione moidynyn, cha vel sarey erbee aym veih’n Chiarn: ny‐yeih ta mee livrey my smooinaghtyn hene, myr fer ta er gheddyn foayr veih yn Chiarn dy ve firrinagh.

Galatianee 1:13

Son ta shiu er chlashtyn jeh m’ymmyrkey‐bea t’er n’gholl shaghey, ayns credjue ny Hewnyn, kys dy ren mee tranlaase erskyn towse y yannoo er agglish Yee, dy stroie eh:

Philippianee 3:6

Mychione jeeanid son y leigh, jannoo tranlaase er yn agglish; mychione y chairys ta liorish y leigh, gyn foill.

1 Timothy 1:16

Ny‐yeih, er‐yn‐oyr shoh hooar mee myghin, ayn‐yms dy voddagh Yeesey Creest hoshiaght soilshaghey magh dy chooilley hurranse‐foddey, son sampleyr dauesyn yinnagh ny lurg shoh credjal aynsyn gys bea dy bragh farraghtyn.

Hebrewnee 4:16

Lhig dooin er‐y‐fa shen cheet lesh dunnallys gys stoyl‐reeoil e ghrayse; dy vod mayd myghin y chosney, as grayse y gheddyn dy chooney lhien ayns traa feme.

1 Peddyr 2:10

Ayns traa dy row nagh nee pobble va shiu, agh ta shiu nish pobble Yee: nagh row er gheddyn myghin, agh ta shiu nish er gheddyn myghin.