1 Thessalonianee 5:9 - Yn Conaant Noa 1810

⁹ Son cha vel Jee er phointeil shin gys corree; agh dy chosney saultys liorish nyn Jiarn Yeesey Creest,

Yn Vible Casherick 1775 1819

⁹ Son cha vel Jee er phointeil shin gys corree; agh dy chosney saualtys liorish nyn Jiarn Yeesey Creest,

1 Thessalonianee 5:9 ပူးပေါင်းရင်းမြစ်များ

Noo Mian 26:24

Ta Mac y dooinney goll, myr te scruit jeh: agh smerg da’n dooinney shen liorish vees Mac y dooinney er ny vrah: s’mie veagh eh son y dooinney shen mannagh row eh rieau er jeet er y theihll.

Jannoo 1:20

Son te scruit ayns lioar ny psalmyn, Lhig da’n ynnyd‐vaghee echey ve follym‐faase, as ny lhig da dooinney erbee cummal ayn: as, Yn aspickys echey lhig da fer elley y ghoaill.

Jannoo 1:25

Dy ghoaill ayrn jeh’n chirveish as yn ostyllys shoh, veih ta Yuaase liorish e pheccah er duittym, as er n’gholl gys e ynnyd hene.

Jannoo 13:48

As tra cheayll ny Ashoonee shoh ghow ad boggey, as ren ad goo yn Chiarn y ghloyraghey: as whilleen as va feeu as aarloo son y vea veayn ren ad credjal.

Romanee 11:30

Son myr nagh vel shiuish ayns y traa t’er n’gholl shaghey er choyrt biallys da Jee, ta shiu nish er chosney myghin trooid y vee‐viallys ocsyn:

Romanee 11:7

Cre eisht? Cha vel Israel er roshtyn gys shen v’eh shirrey er y hon; agh ta’n fooilliagh reiht er chosney eh, as va’n chooid elley er nyn greoghey:

1 Thessalonianee 1:10

As dy arkiagh son e Vac veih niau, t’eh er hroggal veih ny merriu, dy jarroo Yeesey t’er nyn livrey veih’n chorree ta dy heet.

1 Thessalonianee 3:3

Nagh beagh dooinney erbee er ny ghleayshagh liorish ny seaghynyn shoh: son ta fys eu hene dy nee gys shoh ta shin er ve kiarit.

1 Timothy 1:13

Mish va roïe loayrt dy olkyssagh [noi Creest], as my hranlaasagh, as eulyssagh. Agh hooar mee myghin, er‐yn‐oyr dy ren mee eh dy neu‐hushtagh, ayns mee‐chredjue:

1 Timothy 1:16

Ny‐yeih, er‐yn‐oyr shoh hooar mee myghin, ayn‐yms dy voddagh Yeesey Creest hoshiaght soilshaghey magh dy chooilley hurranse‐foddey, son sampleyr dauesyn yinnagh ny lurg shoh credjal aynsyn gys bea dy bragh farraghtyn.

2 Timothy 2:10

Shen‐y‐fa ta mee surranse dy chooilley nhee er graih yn chloan reiht, dy vod adsyn neesht yn saualtys t’ayns Creest Yeesey y gheddyn, marish gloyr dy bragh beayn.

1 Peddyr 2:10

Ayns traa dy row nagh nee pobble va shiu, agh ta shiu nish pobble Yee: nagh row er gheddyn myghin, agh ta shiu nish er gheddyn myghin.

1 Peddyr 2:8

As clagh son snapperal, as creg son tuittym er, dy jarroo dauesyn ta snapperal ec y goo, myr t’ad mee‐viallagh, gys shen v’ad myrgeddin er nyn bointeil.

2 Peddyr 1:1

Simon Peddyr, sharvaant as ostyl Yeesey Creest, dauesyn ta er n’gheddyn yn credjue ooasle cheddin rooinyn, trooid ynrickys Yee, as nyn Saualtagh Yeesey Creest:

2 Peddyr 2:3

As trooid saynt nee ad lesh goan cluicagh jannoo merchantys jiu: yn kerraghey oc cha vel nish foddey jeh, as cha vel y deyrey oc saveenagh.

Jude 1:4

Son ta shiartanse dy gheiney dy steetagh er hayrtyn stiagh, nyn gour va’n vriwnys shoh roïe er ny oardaghey; deiney mee‐chrauee, chyndaa grayse yn Jee ain gys rouanys, as gobbal yn ynrycan Chiarn Jee, as nyn Jiarn Yeesey Creest.