1 Thessalonianee 4:7 - Yn Conaant Noa 1810

⁷ Son cha vel Jee er n’eamagh orrin gys neu‐ghlennid, agh gys casherickys.

Yn Vible Casherick 1775 1819

⁷ Son cha vel Jee er n’eamagh orrin gys neu-ghlennid, agh gys casherickys.

1 Thessalonianee 4:7 ပူးပေါင်းရင်းမြစ်များ

Romanee 1:7

Dauesyn ooilley ta ’sy Raue, deyr gys Jee, eït dy ve nooghyn: Grayse dy row hiu, as shee veih Jee nyn Ayr, as y Chiarn Yeesey Creest.

1 Corinthianee 1:2

Gys agglish Yee ta ec Corinth, hucsyn t’er nyn gasherickey ayns Creest Yeesey, er nyn eam dy ve nyn nooghyn mâroosyn ooilley ta ayns dy chooilley ynnyd geamagh er ennym Yeesey Creest, chammah yn Chiarn ocsyn as ainyn.

Galatianee 5:19

Nish ta obbraghyn yn eill cronnal, as shoh ad, Brishey‐poosey, maarderys, neu‐ghlennid, rouanys,

Ephesianee 1:4

Cordail myr t’eh er reih shinyn aynsyn, roish my va’n seihll er ny chroo, dy beagh shin casherick as gyn loght kiongoyrt rishyn ayns graih:

Ephesianee 2:10

Son ta shin yn obbyr echeysyn, er nyn groo ayns Creest Yeesey gys obbraghyn mie, ta Jee er n’oardaghey ro‐laue dy jinnagh shin gimmeeaght ayndoo.

Ephesianee 4:1

Ta mish er‐y‐fa shen pryssoonagh ayns cooish y Chiarn, coyrlaghey shiu dy jean shiu gymmyrkey shiu hene ayns aght cooie gys y stayd huggey ta shiu er nyn eam,

Ephesianee 4:19

Ta liorish coayl nyn mioyr er livrey ad hene seose gys rouanys, dy chur rish dy chooilley vonney dy neu‐ghlennid lesh yeearree jeean neu‐ghooghyssagh.

1 Thessalonianee 2:3

Son cha row yn choyrle ain veih molteyrys, ny veih neu‐ghlennid, ny ayns foalfaght:

2 Timothy 1:9

Ta er hauail shin, as er n’eamagh orrin lesh eam casherick, cha nee cordail rish ny obbraghyn ain, agh cordail rish e chiarail hene as grayse va er ny choyrt dooin ayns Creest Yeesey, er‐dy hoshiaght y theihll,

Hebrewnee 12:14

Eiyr‐jee da shee rish dy chooilley ghooinney, as da craueeaght, n’egooish cha vod dooinney erbee yn Chiarn y akin.

2 Peddyr 2:10

As erskyn ooilley adsyn ta gimmeeaght lurg yn eill, ’sy taynt dy neu‐ghlennid, as soiaghey beg jeh reiltys: daaney t’ad creoi‐wannallagh, cha vel aggle orroo dy loayrt dy olk jeh ny pooaraghyn syrjey: