1 Thessalonianee 4:1 - Yn Conaant Noa 1810

¹ Ny‐sodjey na shoh, ta shin guee erriu, vraaraghyn, as coyrlaghey shiu liorish yn Chiarn Yeesey, ’naght myr ta shiu er n’ynsaghey voïnyn kys lhisagh shiu nyn mea y ymmyrkey, as Jee y wooiys, myr shen dy jinnagh shiu bishaghey ny smoo as ny smoo.

Yn Vible Casherick 1775 1819

¹ Ny-sodjey na shoh, ta shin guee erriu, vraaraghyn, as coyrlaghey shiu liorish y Chiarn Yeesey, ’naght myr ta shiu er n’ynsaghey voïnyn kys lhisagh shiu nyn mea y ymmyrkey, as Jee y wooiys, myr shen dy jinnagh shiu bishaghey ny smoo as ny smoo.

1 Thessalonianee 4:1 ပူးပေါင်းရင်းမြစ်များ

Noo Ean 15:2

Dy chooilley vanglane aynym’s nagh vel gymmyrkey mess, t’eh dy ghoaill ersooyl: as dy chooilley vanglane ta gymmyrkey mess, t’eh dy phollal, dy vod eh ve ny s’messoil.

Jannoo 20:27

Son cha vel mee er haghney dy hoilshaghey diu slane coyrle Yee.

Romanee 8:8

Myr shen eisht cha vod adsyn ta gimmeeaght lurg yn eill, Jee y wooiys.

1 Corinthianee 11:23

Son ta mish er n’gheddyn veih’n Chiarn shen ta mee myrgeddin er livrey diuish, Dy ren y Chiarn Yeesey, yn oie cheddin ayn v’eh er ny vrah, arran y ghoaill:

1 Corinthianee 15:1

Ny‐sodjey, vraaraghyn, ta mee soilshaghey diu yn sushtal ren mee y phreacheil diu, eh ta shiu myrgeddin er ghoaill rish, as ayn ta shiu shassoo;

1 Corinthianee 15:58

Shen‐y‐fa, my chaarjyn graihagh, shass‐jee shickyr, gyn scughey, dy kinjagh goll er nyn doshiaght ayns obbyr y Chiarn, son wheesh as dy vel fys eu nagh vel y laboraght eu ayns fardail ayns y Chiarn.

2 Corinthianee 10:1

Nish ta mish Paul mee hene guee erriu, liorish meenid as meiyghys Chreest, mish ta dy yeeaghyn orrym pene fardalagh nyn mast’ eu, agh dunnal tra ta mee veue.

2 Corinthianee 13:11

Er‐jerrey, vraaraghyn, my vannaght mêriu: Bee‐jee er nyn niartaghey dy cheilley, bee‐jee er nyn gherjaghey, bee‐jee jeh’n un aigney, jean‐jee beaghey ayns shee; as bee’n Jee dy ghraih as shee mêriu.

2 Corinthianee 5:9

Myr shoh te nyn ard‐chiarail, edyr shin ve ayns y chorp ny ass y chorp, dy vod shin eshyn y wooiys.

2 Corinthianee 6:1

Ta shinyn eisht, myr firchoo‐nee mârishyn, guee erriuish myrgeddin, nagh jean shiu grayse Yee y ghoaill ayns fardail:

Galatianee 6:1

Vraaraghyn, my ta dooinney taghyrt dy huittym ayns peccah, shiuish ta spyrrydoil, gow‐jee stiagh eh reesht ayns y spyrryd dy veenid; smooinaghtyn ort hene, er‐aggle dy vod uss myrgeddin ve miolit.

Ephesianee 4:1

Ta mish er‐y‐fa shen pryssoonagh ayns cooish y Chiarn, coyrlaghey shiu dy jean shiu gymmyrkey shiu hene ayns aght cooie gys y stayd huggey ta shiu er nyn eam,

Ephesianee 4:20

Agh cha nee myr shen ta shiuish er n’ynsaghey Creest:

Ephesianee 5:17

Shen‐y‐fa ny bee‐jee neu‐hastagh, agh toig‐jee cre ta aigney yn Chiarn.

Philippianee 1:27

Erskyn ooilley, lhig da’n ymmyrkey‐bea eu ve cordail rish sushtal Chreest: myr shen edyr mee dy heet dy yeeaghyn shiu, ny gyn cheet, dy voddym clashtyn jeh nyn stayd, dy vel shiu shassoo shickyr ayns un Spyrryd, lesh un aigney streeu cooidjah son credjue yn tushtal;

Philippianee 1:9

As shoh ta mee guee, dy vod y ghraih eu bishaghey foast ny smoo as ny smoo ayns fysseree, as ayns dy chooilley vriwnys:

Philippianee 3:14

Ta mee chionney gys y vark, son leagh yn eam hug Jee dou veih’n yrjid ayns Creest Yeesey.

Colossianee 1:10

Dy vod shiuish gimmeeaght ayns aght cooie dy wooiys y Chiarn ayns dy chooilley nhee, messoil ayns dagh obbyr vie, as bishaghey ayns tushtey Yee;

Colossianee 2:6

Myr ta shiu eisht er ghoaill rish Creest Yeesey nyn Jiarn, myr shen jean‐jee gimmeeaght aynsyn:

1 Thessalonianee 3:12

As dy der y Chiarn erriuish gaase as bishaghey ayns graih yn derrey yeh da’n jeh elley, as da dy chooilley gooinney, dy jarroo myr ta shin diuish:

1 Thessalonianee 4:2

Son ta fys eu cre ny saraghyn hug shin diu liorish y Chiarn Yeesey.

1 Thessalonianee 5:12

As ta shin guee erriu, vraaraghyn, dy choyrt geill dauesyn ta laboragh nyn mast’ eu, as ta harrystiu ayns y Chiarn, as coyrlaghey shiu;

2 Thessalonianee 1:3

Ta shin kianlt dy choyrt booise kinjagh gys Jee er nyn son eu, vraaraghyn, myr te cooie, son dy vel y credjue eu cheet er‐ash ny smoo as ny smoo, as graih dagh unnane eu dy cheilley bishaghey.

2 Thessalonianee 2:1

Nish ta shin guee erriu, vraaraghyn, liorish cheet nyn Jiarn Yeesey Creest, as liorish yn chaglym cooidjagh ainyn huggeysyn,

2 Thessalonianee 3:1

Ny sodjey, vraaraghyn, gow‐jee padjer er nyn son, dy vod goo’n Chiarn roie dyn lhiettal, as ve er ny ghloyraghey dy jarroo myr te nyn mast’ euish;

2 Thessalonianee 3:13

Agh shiuish, vraaraghyn, ny bee‐jee liastey ayns jannoo mie.

1 Timothy 5:21

Ta mee cur currym ort fenish Yee, as y Chiarn Yeesey Creest, as ny ainleyn reiht, dy der oo tastey da ny reddyn shoh fegooish soiaghey jeh persoon erskyn persoon elley, jannoo dy chooilley nhee lesh kiartys.

2 Timothy 4:1

Ta mee cur currym ort er‐y‐fa shen ayns fenish Yee, as y Chiarn Yeesey Creest, nee briwnys ny bio as ny merriu ec y cheet echey, as ec e reeriaght:

Hebrewnee 11:6

Agh fegooish credjue te neu‐phossible eshyn y wooiys: son eshyn ta cheet gys Jee, shegin da credjal dy vel Jee ayn, as dy vel eh cooilleeney adsyn ta dy imnea‐agh shirrey huggey.

Hebrewnee 13:16

Agh dy yannoo mie, as dy rheynn [er ny boghtyn], ny jarrood‐jee: son lesh lheid ny ourallyn ta Jee er ny yannoo booiagh.

Hebrewnee 13:22

As ta mee guee erriu, vraaraghyn, gow‐jee rish y goo dy choyrle, son ta mee er scrieu hiu ayns focklyn giarey.

2 Peddyr 3:18

Agh aase‐jee ayns grayse, as ayns tushtey nyn Jiarn as Saualtagh Yeesey Creest: Huggeysyn dy row gloyr chammah nish as dy bragh. Amen.

1 Ean 3:22

As cre‐erbee ta shin geearree, shen ta shin geddyn veihsyn, er‐y‐fa dy vel shin freayll ny annaghyn echey, as jannoo ny reddyn shen ta booisal ayns e hilley.