1 Thessalonianee 3:5 - Yn Conaant Noa 1810

⁵ Er‐yn‐oyr shoh tra nagh voddin lhiggey shaghey ny sodjey, chur mee chaghter dy gheddyn fys er nyn gredjue, er‐aggle liorish saaseyn erbee dy vel y mioleyder er violaghey shiu, as yn obbyr ain ays fardail.

Yn Vible Casherick 1775 1819

⁵ Er-yn-oyr shoh tra nagh voddin lhiggey shaghey ny sodjey, chur mee chaghter dy gheddyn fys er nyn gredjue, er-aggle liorish saaseyn erbee dy vel y mioleyder er violaghey shiu, as yn obbyr ain ayns fardail.

1 Thessalonianee 3:5 ပူးပေါင်းရင်းမြစ်များ

Noo Mian 4:3

As haink y mioleyder huggey, gra, My she mac Yee oo, cur sarey da ny claghyn shoh dy ve jeant nyn arran.

Jannoo 15:36

As laghyn ny lurg shen dooyrt Paul rish Barnabas, Lhig dooin goll reesht dy yeeaghyn nyn mraaraghyn ayns dy chooilley ard‐valley, raad ta shin er phreacheil goo yn Chiarn, dy yeeaghyn kys t’ad.

1 Corinthianee 7:5

Ny treig‐jee y cheilley, agh lesh coardail son traa, dy vod caa ve eu son trostey as padjer; as dy heet cooidjagh reesht, nagh miolee yn drogh‐spyrryd shiu son nyn neu‐heeltys.

2 Corinthianee 2:11

Er‐aggle dy voghe yn Noid‐anmey vondeish orrin: son cha vel e chialgyn gyn‐yss dooin.

2 Corinthianee 6:1

Ta shinyn eisht, myr firchoo‐nee mârishyn, guee erriuish myrgeddin, nagh jean shiu grayse Yee y ghoaill ayns fardail:

Galatianee 2:2

As hie mee seose myr ve er ny hoilshaghey dou ayns ashlish, as hirveish mee orroosyn yn sushtal shen ta mee dy phreacheil mastey ny Ashoonyn, agh er‐lheh da ny ard‐gheiney, er‐aggle er aght erbee dy roie‐in, ny dy beign er roie ayns fardail.

Galatianee 4:11

Ta mee goaill aggle j’iu, dy vel mee er vaarail erriu obbyr ayns fardail.

Ephesianee 4:14

Nagh bee mayd maghey shoh nyn gloan lheaystey noon as noal, as eiyrit mygeayrt lesh dy chooilley gheay dy ynsagh, liorish kialgyn deiney, as ny croutyn cliucagh, lhieu t’ad lhie cooyl‐chlea er‐chee dy volley:

Philippianee 2:16

Sheeyney magh yn goo dy vea; dy voddym’s boggey y ghoaill ayns laa Chreest, nagh vel mee er roie ayns fardail, chamoo er laboragh ayns fardail.

Philippianee 2:19

Agh ta mee treishteil ayns y Chiarn Yeesey, dy chur Timotheus ayns traa giare hiuish, dy voddym’s myrgeddin ve dy yien mie, erreish dou v’er gheddyn toiggal jeh’n stayd eu.

1 Thessalonianee 2:1

Son ta fys eu hene, chaarjyn, tra haink shin hoshiaght hiu, nagh row eh ayns fardail.

1 Thessalonianee 3:6

Agh nish tra haink Timotheus veueish hooinyn, as er chur lesh mârish coontey mie jeh’n chredjue as y ghraih eu, as dy vel shiu kinjagh gimraa dy dooie orrin, geearree dy jeean dy akin shinyn, myr ta shinyn myrgeddin dy akin shiuish: