1 Thessalonianee 3:3 - Yn Conaant Noa 1810

³ Nagh beagh dooinney erbee er ny ghleayshagh liorish ny seaghynyn shoh: son ta fys eu hene dy nee gys shoh ta shin er ve kiarit.

Yn Vible Casherick 1775 1819

³ Nagh beagh dooinney erbee er ny ghleashagh liorish ny seaghynyn shoh: son ta fys eu hene dy nee gys shoh ta shin er ve kiarit.

1 Thessalonianee 3:3 ပူးပေါင်းရင်းမြစ်များ

Noo Luke 21:12

Agh roish ooilley shoh, gowee ad shiu, as nee ad tranlaase erriu, as livrey‐ee ad shiu seose gys quaiylyn, as gys pryssoonyn, as bee shiu er nyn goyrt fenish reeaghyn as fir‐reill er coontey yn ennym aym’s.

Noo Ean 16:2

Ver ad shiu magh ass ny kialteenyn: as ta’n oor cheet, quoi‐erbee varrys shiu, dy smooinee eh dy bee eh shirveish Jee.

Noo Ean 16:33

Ny reddyn shoh ta mee er loayrt riu, aynym’s dy vod shee y ve eu. Ayns y theihll vees seaghyn eu: agh bee‐jee dy yien mie, ta mish er gheddyn barriaght er y theihll.

Jannoo 14:22

Niartaghey anmeenyn ny Creesteenyn, as coyrlaghey ad dy hannaghtyn ayns y chredjue, as dy nhegin dooin trooid ymmodee seaghyn goll stiagh ayns reeriaght Yee.

Jannoo 2:25

Son ta David loayrt jeh, gra, Ta mee er hoiaghey Jee kinjagh kiongoyrt rhym; son t’eh er my laue‐yesh dy my reayll veih tuittym.

Jannoo 21:11

As tra v’eh er jeet hooin, ghow eh cryss Phaul, as chiangle eh e laueyn as e chassyn hene, as dooyrt eh, Shoh myr ta’n Spyrryd Noo gra, Er yn aght cheddin nee ny Hewnyn ec Jerusalem kiangley yn dooinney s’lesh yn cryss shoh, as eh y livrey gys laueyn ny Hashoonee.

Jannoo 21:13

Eisht dreggyr Paul, Cre shoh ta shiu jannoo, dy cheayney as brishey my chree? son ta mee aarloo, cha nee ynrycan dy ve er my choyrt ayns geulaghyn, agh eer dy hurranse baase ec Jerusalem er graih ennym y Chiarn Yeesey.

Jannoo 9:16

Son soilshee‐yms da, cre ny seaghyn mooarey shegin da y hurranse son my ennym’s.

Romanee 5:3

As cha nee ynrycan shen, agh ta shin goaill boggey ayns seaghyn myrgeddin, toiggal dy vel seaghyn gobbraghey meenid;

1 Corinthianee 15:58

Shen‐y‐fa, my chaarjyn graihagh, shass‐jee shickyr, gyn scughey, dy kinjagh goll er nyn doshiaght ayns obbyr y Chiarn, son wheesh as dy vel fys eu nagh vel y laboraght eu ayns fardail ayns y Chiarn.

1 Corinthianee 4:9

Son ta mee smooinaghtyn dy vel Jee er hoiaghey magh shinyn ny ostyllyn er‐jerrey ooilley, myr deiney faagit mooie son baase. Son ta shinyn shilley yindyssagh da’n seihll, as da ainleyn, as da deiney.

Ephesianee 3:13

Shen‐y‐fa ta mee guee erriu ny lhig shiu nyn gree veue; son ny ta mish dy uilliaghtyn ayns y lieh euish, ta shoh yn ghloyr eu.

Philippianee 1:28

As gyn ve agglit ayns nhee erbee liorish nyn noidyn: yn chooid cheddin ta dauesyn cowrey cronnal dy hoyrt‐mow, agh diuish dy haualtys, as shen veih Jee.

Colossianee 1:23

My nee shiu tannaghtyn ’sy chredjue gruntit as shickyrit, as gyn ve scughit ersooyl veih treishteil y tushtal, ta shiu er chlashtyn, as v’er ny phreacheil da dy chooilley chretoor fo niau; jeh shen ta mish Paul pointit dy ve my hirveishagh.

1 Thessalonianee 5:9

Son cha vel Jee er phointeil shin gys corree; agh dy chosney saultys liorish nyn Jiarn Yeesey Creest,

2 Thessalonianee 1:4

Myr shen dy vel shin hene boggyssagh ayns y lieh eu ayns kialteenyn Yee, son y meenid, as credjue eu, ayns ooilley’n tranlaase as y seaghyn ta shiu dy hurranse.

2 Timothy 1:8

Ny bee nearey ort er‐y‐fa shen jeh recortys nyn Jiarn, ny jeem’s e phryssoonagh: agh gow uss ayrn mârym’s ayns seaghyn y tushtal, cordail rish pooar Yee;

1 Peddyr 2:21

Son gys shoh va shiu dy jarroo er nyn eam: er‐yn‐oyr dy vel Creest myrgeddin er hurranse er nyn son, faagail sampleyr dooinyn, dy jinnagh shin geiyrt er ny kesmadyn echeysyn:

Ashlish 2:10

Ny gow aggle roish veg jeh ny reddyn shen nee oo surranse: cur‐my‐ner, nee yn drogh‐spyrryd paart eu y hilgey ayns pryssoon, dy vod shiu v’er nyn browal; as bee shiu fo tranlaase jeih laa: bee uss firrinagh gys y vaase, as ver‐yms dhyt attey dy vea.

Ashlish 2:13

Shione dou dty obbraghyn, as dty chummal, dy jarroo raad ta stoyl‐reill Noid‐ny‐hanmey; as t’ou lhiantyn shickyr gys m’ennym, as cha vel oo er n’obbal my chredjue, eer ayns ny laghyn shen ayndoo va Antipas my eanish firrinagh, v’er ny choyrt dy baase nyn mast’ eu, raad ta’n Drogh‐spyrryd cummal.