1 Thessalonianee 3:2 - Yn Conaant Noa 1810

² As chur shin Timotheus nyn mraar as shirveishagh Yee, as nyn sheshey‐labree ayns sushtal Chreest, dy niartaghey shiu, as dy gherjaghey shiu mychione nyn gredjue:

Yn Vible Casherick 1775 1819

² As chur shin Timotheus nyn mraar as shirveishagh Yee, as nyn sheshey-labree ayns sushtal Chreest, dy niartaghey shiu, as dy gherjaghey shiu mychione nyn gredjue:

1 Thessalonianee 3:2 ပူးပေါင်းရင်းမြစ်များ

Jannoo 16:1

Eisht haink eh gys Derbe as Lystra: as cur‐my‐ner, va dooinney dy row jeh’n chredjue ayns shen, va enmyssit Timothy, mac ben dy row v’er ve ny Hew, as ren chyndaa gys y chredjue; agh va’n Ayr echey ny Ashoonagh:

Jannoo 16:5

As shen myr va ny kialteenyn er nyn niartaghey ayns y chredjue, as er nyn mishaghey ayns earroo gagh laa.

Jannoo 18:5

As tra va Silas as Timothy er jeet veih Macedonia, va Paul er ny ghreinnaghey ayns e spyrryd, as dymmyrk eh feanish gys ny Hewnyn dy nee Yeesey va yn Creest.

Romanee 16:21

Ta Timotheus my heshey‐obbree, as Lucius, as Jason, as Sosipater my gheiney‐mooinjerey, bannaghey shiu.

1 Corinthianee 3:10

Cordail rish grayse Yee t’er ny choyrt dooys, myr ard‐vasoonagh creeney, ta mee er hoiaghey yn undin, as ta fer elley troggal er. Agh lhig da dy chooilley ghooinney kiarail y ghoaill kys t’eh troggal er.

1 Corinthianee 4:17

Son yn oyr shoh ta mee er chur er chaghteraght hiu Timotheus, ta my vac graihagh, as firrinagh ayns y Chiarn, ver shiu ayns cooinaghtyn jeh ny raaidyn aym’s ta ayns Creest, myr ta mee gynsaghey dy chooilley raad ayns ooilley ny kialteenyn.

2 Corinthianee 1:1

Paul ostyl Yeesey Creest, liorish aigney Yee, as Timothy nyn mraar, gys agglish Yee ta ec Corinth, marish ooilley ny nooghyn t’ayns Achaia;

2 Corinthianee 1:19

Son Mac Yee, Yeesey Creest, v’er ny phreacheil nyn mast’ eu liorinyn, dy jarroo liorym’s, as Silvanus, as Timotheus, cha row eh she as cha nee, agh aynsyn va she.

2 Corinthianee 2:12

Ny‐sodjey, tra haink mee gys Troas dy phreacheil sushtal Chreest, as dy row dorrys er ny osley dou ayns y Chiarn.

2 Corinthianee 2:13

Cha row fea aym ayns my spyrryd, son nagh dooar mee Titus my vraar: agh faagail bannaght oc, hie mee veih shen gys Macedonia.

2 Corinthianee 8:23

My ta veg eu briaght lurg Titus, t’eh my heshey, as my cho‐obbree er y lieh euish: ny my ta briaght jeant lurg nyn mraaraghyn, t’adsyn chaghteryn ny kialteenyn, as gloyr Chreest.

Philippianee 1:25

As ayns treishteil shickyr jeh shoh, ta fys aym dy bee’m bio as dy jean‐ym tannaghtyn mêriuish ooilley, dy choyrt er y hoshiaght nyn moggey as nyn gredjue:

Colossianee 1:1

Paul ostyl Yeesey Creest liorish aigney Yee, as Timotheus nyn mraar,

Colossianee 1:7

Myr dynsee shiu myrgeddin jeh Epaphras nyn sheshey sharvaant graihagh, ta er ny son euish nyn hirveishagh firrinagh dy Chreest.

Colossianee 4:12

Ta Epaphras, fer j’iu hene, sharvaant Chreest, dy vannaghey diu, dy kinjagh gleck dy jeean er nyn son eu ayns padjeryn, dy vod shiu shassoo dy shickyr as slane fondagh ayns ooilley aigney Yee.

Colossianee 4:9

Marish Onesimus braar firrinagh as graihagh, ta fer j’iu hene. Ver adsyn coontey diu jeh dy chooilley red ta jeant ayns shoh.

1 Thessalonianee 3:13

Gys y jerrey dy vod eh niartaghey ny creeaghyn eu gyn‐loght ayns casherickys kionfenish Jee, dy jarroo nyn Ayr, ec cheet nyn Jiarn Yeesey Creest, marish ooilley e nooghyn.

1 Thessalonianee 3:5

Er‐yn‐oyr shoh tra nagh voddin lhiggey shaghey ny sodjey, chur mee chaghter dy gheddyn fys er nyn gredjue, er‐aggle liorish saaseyn erbee dy vel y mioleyder er violaghey shiu, as yn obbyr ain ays fardail.

2 Thessalonianee 2:17

Dy gerjee eh [ta mee gra] ny creeaghyn eu, as dy niartee eh shiu ayns dy chooilley ghoo as obbyr vie.