1 Thessalonianee 2:9 - Yn Conaant Noa 1810

⁹ Son ta cooinaghtyn eu, vraaraghyn, er y tooilleil as y deinys ain: son gobbraghey oie as laa, er‐yn‐oyr nagh jinnagh shin currym er veg eu, ren shin sushtal Yee y phreacheil diu.

Yn Vible Casherick 1775 1819

⁹ Son ta cooinaghtyn eu, vraaraghyn, er y tooilleil as y deinys ain: son gobbraghey oie as laa, er-yn-oyr nagh jinnagh shin currym er veg eu, ren shin sushtal Yee y phreacheil diu.

1 Thessalonianee 2:9 ပူးပေါင်းရင်းမြစ်များ

Noo Luke 18:7

As nagh jean Jee cooilleeney ass lieh e chloan reiht hene, ta geamagh huggey oie as laa, ga dy vel eh foddey lhiggey shaghey?

Noo Luke 2:37

As v’ee ny ben‐treoghe mysh kiare‐feed as kiare bleeaney dy eash, as v’ee dy kinjagh taaghey yn chiamble, shirveish Jee lesh trostey as padjeryn oie as laa.

Jannoo 18:3

As er‐yn‐oyr dy row eh jeh’n un cheird roo, duirree eh as dobbree eh maroo (son jannoo cabbaneyn va’n cheird oc.)

Jannoo 20:24

Agh cha vel veg jeh ny reddyn shoh dy my agglagh, chamoo ta mee soiaghey jeh my vioys hene, my oddym agh my choorse y chooilleeney lesh boggey, as y chirveish ta er my churrym veih’n Chiarn Yeesey, dy ymmyrkey feanish gys sushtal grayse Yee.

Jannoo 20:31

Bee‐jee er‐y‐fa shen er nyn arrey, as cooinee‐jee rish three bleeaney dy vel mee er ve kinjagh oie as laa cur raaue da dy chooilley unnane eu lesh jeïr.

Romanee 1:1

Paul sharvaant Yeesey Creest, er ny eam dy ve ny ostyl, soit er‐lheh gys sushtal Yee;

Romanee 15:16

Dy beign’s shirveishagh Yeesey Creest gys ny Ashoonee, shirveish sushtal Yee, dy voddagh soiagh ve jeant jeh ny Ashoonee chebbit seose son oural, er ny chasherickey liorish y Spyrryd Noo.

Romanee 15:19

Trooid cowraghyn niartal as yindyssyn, liorish pooar Spyrryd Yee; myr shen voish Jerusalem, as ooilley mygeayrt Illyricum, ta mee dy slane er phreacheil sushtal Chreest.

1 Corinthianee 4:12

As ta shin laboragh, gobbraghey lesh nyn laueyn hene: tra ta shin oltooanit, ta shin bannaghey: tra ta shin tranlaasit, ta shin dy ymmyrkey eh:

1 Corinthianee 9:15

Agh cha vel mish er n’yannoo ymmyd erbee jeh’n phooar shoh. Chamoo ta mee er scrieu ny reddyn shoh, dy nee myr shoh veagh eh jeant er my hon: son baare dou baase y gheddyn na dooinney erbee dy yannoo shoh my voggys dyn bree.

1 Corinthianee 9:18

Cre ta eisht my leagh? dy feer tra ta mee preacheil y sushtal, dy jinnin’s er sushtal Chreest dy ve fegooish cost, nagh goym yn slane vondeish jeh my phooar ’sy tushtal.

1 Corinthianee 9:4

Nagh vel cairys ain dy ee as dy iu ny mast’ eu?

2 Corinthianee 11:27

Ayns skeeys as doccar, ayns ve er my arrey dy mennick, ayns accyrys as paa, ayns trostey dy mennick, ayns feayraght as rooishtid:

2 Corinthianee 11:9

As tra va mee kionfenish mêriu, as ayns feme, cha dug mee dooinney erbee gys cost: agh shen ny va dy laccal orrym, ren ny braaraghyn haink veih Macedonia y yannoo magh: as ayns dy chooilley nhee ta mee er vreayll mee hene veih ve costyllagh diu, as shen myr nee’m mee hene y reayll.

2 Corinthianee 6:5

Ayns buillaghyn, ayns pryssooney, ayns irree‐magh nyn ’oï, ayns tooilleil, ayns watchal, ayns trostey;

Philippianee 4:16

Son ayns Thessalonica hene, ren shiu keayrt as keayrt feaysley er my ymmyrch.

1 Thessalonianee 1:3

Cooinaghtyn dy kinjagh er yn obbyr eu dy chredjue, as y tooilleil dy ghraih, as y surranse dy hreishteil ayns nyn Jiarn Yeesey Creest, ayns shilley Yee as nyn Ayr:

1 Thessalonianee 2:2

Agh dy jarroo lurg dooin ve roïe er hurranse, as er gheddyn dellal scammyltagh, myr ta fys eu, ec Philippi, va shin dunnal ayns y Jee ain, dy phreacheil diu sushtal Yee lesh lane streeu.

1 Thessalonianee 2:6

Chamoo veih deiney hirr shin gloyr, chamoo veueish, ny foast veih feallagh elley, ga dy row cairys ain dy choyrt shiu gys cost, myr ostyllyn Chreest.

1 Thessalonianee 3:10

Oie as laa goaill padjer erskyn towse jeean dy akin yn eddin eu, as dy yannoo magh shen ny ta dy laccal ayns nyn gredjue?

1 Timothy 1:11

Cordail rish sushtal gloyroil yn Jee bannit, va er ny choyrt gys my churrym.

1 Timothy 4:10

Son er y choontey shen ta shin chammah laboragh, as surranse scammylt, er‐yn‐oyr dy vel shin treishteil ayns y Jee bio, ta ny Haualtagh da dy chooilley ghooinney, erskyn ooilley dauesyn ta credjal.

1 Timothy 5:5

Nish t’ee shen ta dy jarroo ny ben‐treoghe, as treigit, treishteil ayns Jee, as tannaghtyn ayns aghinyn as padjeryn oie as laa.

2 Timothy 1:3

Ta mee cur booise gys Jee, eh ta mee dy hirveish veih my henn‐ayraghyn lesh cooinsheanse ghlen, dy vel mee cooinaghtyn dy kinjagh ort ayns my phadjeryn oie as laa: