1 Thessalonianee 2:16 - Yn Conaant Noa 1810

¹⁶ Lhiettal shin veih loayrt rish ny Ashoonyn‐quaagh, dy voddagh ad v’er nyn sauail, dy lhieeney seose dy kinjagh towse nyn beccaghyn: son ta corree dy heet orroo gys y chooid sodjey.

Yn Vible Casherick 1775 1819

¹⁶ Lhiettal shin veih loayrt rish ny Ashoonyn-quaagh, dy voddagh ad v’er nyn sauail, dy lhieeney seose dy kinjagh towse nyn beccaghyn: son ta corree dy heet orroo gys y chooid sodjey.

1 Thessalonianee 2:16 ပူးပေါင်းရင်းမြစ်များ

Noo Mian 12:45

Eisht t’eh goll, as cur lesh mârish shiaght spyrrydyn elley ta ny smessey na eh hene, as t’ad goll stiagh as cummal ayns shen: as ta stayd yerrinagh yn dooinney shen ny s’doogh na’n toshiaght. Eer myr shoh hig eh dy ve er y cheeloghe vee‐chrauee shoh.

Noo Mian 23:32

Lhieen‐jee seose eisht towse nyn ayraghyn.

Noo Mian 24:14

As bee sushtal yn reeriaght er ny phreacheil ayns ooilley yn seihll, son feanish da dy chooilley ashoon, as eisht nee yn jerrey cheet.

Noo Mian 24:6

As cluinnee shiu jeh caggaghyn, as jeh imraaghyn dy chaggaghyn: jeeagh nagh bee shiu seaghnit: son shegin da dy chooilley nhee jeu shoh cheet gys kione, agh cha bee yn jerrey foast.

Noo Mian 3:12

Ta’n cleayst echey ayns e laue, as nee eh dy bollagh e laare‐vooie y ghlenney, as gowee eh e churnaght stiagh ayns e hie‐tashtee: agh loshtee eh yn choau lesh aile nagh bee er ny vooghey.

Noo Mark 16:16

Bee eshyn ta credjal as ta bashtit, er ny hauail; agh bee eshyn nagh jean credjal er ny gheyrey.

Jannoo 13:45

Agh tra honnick ny Hewnyn lheid y chaglym dy leih, daase ad feer jymmoosagh, as loayr ad noi ny reddyn va Paul dy livrey, cur eddin da, as oltooaney eh.

Jannoo 13:50

Agh ghreinnee ny Hewnyn ny mraane seyrey va jeh’n chredjue oc, as deiney ooasle yn ard‐valley nyn ’oï oc, as dirree ad seose noi Paul as Barnabas, as deiyr ad ad ass dy ardjyn oc.

Jannoo 14:19

As haink shiartanse dy Hewnyn veih Antioch as Iconium, as chleaynee ad y pobble, as ren ad Paul y chlaghey as y hayrn magh ass yn ard‐valley, sheiltyn dy row eh marroo.

Jannoo 14:2

Agh ghreinnee ny Hewnyn mee‐chredjuagh ny Ashoonee, as physhoon ad ny aignaghyn oc noi ny braaraghyn.

Jannoo 14:5

As tra va irree‐magh er ny yannoo chammah jeh ny Ashoonee, as myrgeddin ny Hewnyn marish ny fir‐reill oc, er‐chee drogh‐ghellal y chur daue, as nyn glaghey ad,

Jannoo 17:13

Agh tra hooar Hewnyn Thessalonica fys dy row Paul er phreacheil goo Yee ec Berea, haink ad derrey shen myrgeddin, as ghreinnee ad yn pobble n’oï.

Jannoo 19:9

Agh tra daase shiartanse jeu roonagh, as mee‐chredjuagh, loayrt dy lûnagh noi yn credjue shen kiongoyrt rish y pobble, hug eh cooyl roo, as scarrey ny Creesteenyn voue, dynsee eh gagh laa ayns schoill fer va enmyssit Tyrannus.

Jannoo 21:21

As t’ad er chlashtyn jeed’s, dy vel oo gynsaghey ooilley ny Hewnyn, ta mastey ny Ashoonee, dy hreigeil Moses, gra, Nagh lhisagh ad nyn gloan y ghiarey‐chymmylt, ny gimmeeaght lurg ny oardaghyn.

Jannoo 23:12

As tra va’n laa rish, haggil shiartanse jeh ny Hewnyn cooidjagh, as chiangle ad ad‐hene fo mollaght, gra, nagh n’ee‐agh ad as nagh n’iu‐agh ad derrey veagh ad er varroo Paul.

Jannoo 24:9

As va ny Hewnyn er yn un ghlare rish, gra, dy nee shen myr va’n chooish.

Jannoo 25:2

Eisht haink yn ard‐saggyrt, as reiltee ny Hewnyn kionfenish, as ghuee ad er clashtyn y choyrt daue noi Paul.

Jannoo 25:7

As tra v’eh er jeet, hass ny Hewnyn haink veih Jerusalem mygeayrt, as hug ad stiagh ymmodee foiljyn tromey gys lieh Phaul, nagh voddagh ad prowal;

Jannoo 4:12

Chamoo ta saualtys ayns fer erbee elley: son cha vel ennym erbee elley fo niau er ny choyrt mastey deiney liorish oddys mayd saualtys y chosney.

Jannoo 9:23

As lurg ymmodee laghyn, hug ny Hewnyn nyn goyrle dy cheilley dy varroo eh:

1 Corinthianee 10:33

Dy jarroo myr ta mee son booiys dy chooilley ghooinney ayns dy chooilley nhee, cha nee shirrey my vondeish hene, agh vondeish ymmodee, dy vod ad v’er nyn sauail.

Galatianee 5:11

As my ta mish, vraaraghyn, preacheil giarey‐chymmylt, cre’n‐fa ta mee foast surranse tranlaase? eisht ta scammylt ny croshey ec kione.

Ephesianee 3:13

Shen‐y‐fa ta mee guee erriu ny lhig shiu nyn gree veue; son ny ta mish dy uilliaghtyn ayns y lieh euish, ta shoh yn ghloyr eu.

Ephesianee 3:8

Dooys, ta’n fer sloo jeh ooilley ny nooghyn, ta’n ghrayse shoh er ny choyrt, dy beïgns dy phreacheil mastey ny Ashoonyn‐quaagh berchys Chreest nagh vod ve ronsit magh;

1 Thessalonianee 1:10

As dy arkiagh son e Vac veih niau, t’eh er hroggal veih ny merriu, dy jarroo Yeesey t’er nyn livrey veih’n chorree ta dy heet.

2 Thessalonianee 2:10

As lesh dy chooilley oalsaght dy neu‐ynrickys, ayndoosyn ta cherraghtyn; er‐yn‐oyr nagh ghow ad rish graih yn ynrickys, dy voddagh ad ve er nyn sauail.

1 Timothy 2:4

Eh saillish dy chooilley ghooinney dy ve er nyn sauail, as dy heet gys tushtey jeh’n irriney.

Hebrewnee 6:8

Agh ta shen ta gymmyrkey drineyn as dressyn, faagit mooie, as faggys da mollaght; ta’n jerrey echey dy ve losht.

Ashlish 22:11

Lhig dasyn ta neu‐chairagh, ve dy kinjagh neu‐chairagh: as lhig dasyn ta neu‐ghlen, ve kinjagh neu‐ghlen: as lhig dasyn ta cairagh, ve kinjagh cairagh: as lhig dasyn ta casherick, ve kinjagh casherick.