1 Thessalonianee 1:6 - Yn Conaant Noa 1810

⁶ As haink shiu dy ve eiyrtyssee orrin, as er y Chiarn, myr va shiu er ghoaill rish y goo ayns moorane seaghyn, lesh boggey yn Spyrryd Noo:

Yn Vible Casherick 1775 1819

⁶ As haink shiu dy ve eiyrtyssee orrin, as er y Chiarn, myr va shiu er ghoaill rish y goo ayns mooarane seaghyn, lesh boggey yn Spyrryd Noo:

1 Thessalonianee 1:6 ပူးပေါင်းရင်းမြစ်များ

Noo Mian 16:24

Eisht dooyrt Yeesey rish e ostyllyn, My ta dooinney erbee aggindagh geiyrt orrym’s, lhig da eh hene y obbal, as e chrosh y hroggal, as geiyrt orrym.

Noo Ean 8:12

Eisht loayr Yeesey roo reesht, gra, Mish soilshey yn theihll: eshyn ta geiyrt orrym’s, cha shooyllee eh ayns y dorraghys, agh bee echeysyn soilshey yn vea.

Jannoo 13:52

As va ny Creesteenyn lhieent lesh boggey as y Spyrryd Noo.

Jannoo 5:41

As hie ad magh veih fenish y choonceil, goaill boggey dy row ad coontit feeu dy hurranse nearey son yn ennym echey.

Jannoo 9:31

Eisht myr va fea ec ny kialteenyn trooid ooilley Judea, as Galilee, as Samaria, v’ad er nyn niartaghey ’sy chredjue; as gimmeeaght ayns aggle y Chiarn, as ayns gerjagh yn Spyrryd Noo, v’ad er nyn mishaghey.

Romanee 15:13

Nish dy jean y Jee dy hreishteil shiuish y lhieeney lesh dy chooilley voggey as shee ayns credjal, dy vod shiu bishaghey ayns treishteil trooid pooar y Spyrryd Noo.

1 Corinthianee 11:1

Eiyr‐jee shiuish orrym’s, dy jarroo myr ta mish myrgeddin er Creest.

1 Corinthianee 11:2

Nish ta mee moylley shiu, vraaraghyn, dy vel shiu cooinaghtyn orrym ayns dy chooilley nhee, as freayll ny oardaghyn myr livrey mee ad diu.

1 Corinthianee 4:16

Shen‐y‐fa ta mee guee erriu, eiyr‐jee orrym’s.

2 Corinthianee 6:10

Myr lane dy hrimshey, foast dy kinjagh gennal; myr boghtyn, foast jannoo ymmodee berchagh; myr nagh beagh ain nhee erbee, as foast dy chooilley nhee ain.

2 Corinthianee 8:5

As shoh ren ad, cha nee myr va shin jerkal rish, agh hoshiaght heb ad ad‐hene gys y Chiarn, as hooinyn liorish aigney Yee.

Galatianee 5:22

Agh ta mess y Spyrryd, graih, boggey, shee, surranse‐foddey, ymmyrkey meigh, mieys, firrinys,

Ephesianee 5:1

Bee‐jee shiuish er‐y‐fa shen eiyrtyssee dy Yee, myr cloan ennoil;

Philippianee 3:17

Vraaraghyn, eiyr‐jee ry‐cheilley orrym’s, as cur‐jee tastey dauesyn ta gimmeeaght myr shen, myr ta shinyn eu son sampleyr.

2 Thessalonianee 1:4

Myr shen dy vel shin hene boggyssagh ayns y lieh eu ayns kialteenyn Yee, son y meenid, as credjue eu, ayns ooilley’n tranlaase as y seaghyn ta shiu dy hurranse.

2 Thessalonianee 3:7

Son ta fys eu hene cre’n aght lhisagh shiu geiyrt orrin: son cha ren shin gymmyrkey shin hene dy mee‐reilltagh nyn mast’ eu,

2 Thessalonianee 3:9

Cha nee son nagh vel pooar ain, agh dy yannoo shin hene sampleyr diuish dy eiyrt orrin.

2 Timothy 4:2

Jean y goo y phreacheil, coyrlee dy jeean ec dy chooilley hraa as caa; cur oghsan, smaghtee, jean coyrlaghey lesh dy chooilley veenid as ynsagh.

Hebrewnee 10:34

Son va chymmey eu orrym’s ayns my gheulaghyn, as ghow shiu dy arryltagh rish spooilley nyn gooid, toiggal ayndiu hene dy vel nyn gour cooid share as s’beayn ayns niau.

1 Peddyr 1:6

Son shoh ta shiu goaill mooarane boggey, ga nish son tammylt beg (my she aigney Yee eh) ta shiu ayns trimshey trooid ymmodee seaghyn:

1 Peddyr 1:8

Ersyn ta shiu graihagh, ga nagh vel shiu er vakin eh; ayn, ga nagh vel shiu nish fakin eh, ny‐yeih credjal, ta shiu goaill boggey lesh boggey erskyn insh, as lane dy ghloyr:

1 Peddyr 3:13

As quoi eh nee aggair diu, my eiyrys shiu da shen ny ta mie?

3 Ean 1:11

Charrey, ny eiyr er yn olk, agh er shen ta mie. Eshyn ta jannoo mie, t’eh jeh Jee: agh eshyn ta jannoo olk, cha vel eh er vakin Jee.