1 Thessalonianee 1:1 - Yn Conaant Noa 1810

¹ Paul, as Sylvanus, as Timotheus, gys agglish ny Thessalonianee, ta ayns Jee yn Ayr, as ayns y Chiarn Yeesey Creest: Grayse dy row hiu, as shee voish Jee nyn Ayr, as y Chiarn Yeesey Creest.

Yn Vible Casherick 1775 1819

¹ Paul, as Silvanus, as Timotheus, gys agglish ny Thessalonianee, ta ayns Jee yn Ayr, as ayns y Chiarn Yeesey Creest: Grayse dy row hiu, as shee voish Jee nyn Ayr, as y Chiarn Yeesey Creest.

1 Thessalonianee 1:1 ပူးပေါင်းရင်းမြစ်များ

Jannoo 15:22

Eisht yeeagh ny ostyllyn as y chanstyr, as y slane agglish er dy ve ymmyrchagh dy chur deiney reiht jeh’n cheshaght oc hene gys Antioch, marish Paul as Barnabas, ta shen dy ghra, Judas sliennooit Barsabas, as Silas, ard‐gheiney mastey ny braaraghyn:

Jannoo 15:27

Ta shin er‐y‐fa shen er chur hiu Judas as Silas, nee ny reddyn cheddin y insh diu ass nyn meeal hene.

Jannoo 15:40

As reih Paul Silas, as jimmee eh roish, erreish da v’er ny hymney gys grayse Yee liorish ny braaraghyn.

Jannoo 16:19

As tra honnick ny mainshteryn eck dy row ooilley jerkal nyn gosney ec kione, haare ad Paul as Silas, as hayrn ad ad gys y whuaiyl, fenish fir‐reill yn ard‐valley,

Jannoo 16:25

Agh ec main‐oie ghow Paul as Silas padjer as arraneyn‐moyllee gys Jee: as cheayll ny pryssoonee ad.

Jannoo 16:29

Eisht deïe eh son soilshey, as lheim eh stiagh, as huitt eh sheese er‐creau kiongoyrt rish Paul as Silas;

Jannoo 17:11

V’ad shoh jeh cree s’ooasle na ny Thessalonianee, ayns dy deaisht ad rish y goo lesh slane arryltys aigney, ronsaghey ny scriptyryn gagh laa, nee shoh myr va ny reddyn shen.

Jannoo 18:5

As tra va Silas as Timothy er jeet veih Macedonia, va Paul er ny ghreinnaghey ayns e spyrryd, as dymmyrk eh feanish gys ny Hewnyn dy nee Yeesey va yn Creest.

Jannoo 19:22

Er shoh hug eh gys Macedonia jees jeh ny shirveishee echey, Timothy as Erastus; agh duirree eh hene ayns Asia son earish.

Jannoo 20:4

As hie ayns sheshaght mârish gys Asia, Sopater dy Verea, as jeh ny Thessalonianee, Aristarchus as Secundus; as Gaius veih Derbe, as Timothy; as veih Asia, Tychicus as Trophimus.

Romanee 1:7

Dauesyn ooilley ta ’sy Raue, deyr gys Jee, eït dy ve nooghyn: Grayse dy row hiu, as shee veih Jee nyn Ayr, as y Chiarn Yeesey Creest.

1 Corinthianee 1:2

Gys agglish Yee ta ec Corinth, hucsyn t’er nyn gasherickey ayns Creest Yeesey, er nyn eam dy ve nyn nooghyn mâroosyn ooilley ta ayns dy chooilley ynnyd geamagh er ennym Yeesey Creest, chammah yn Chiarn ocsyn as ainyn.

2 Corinthianee 1:1

Paul ostyl Yeesey Creest, liorish aigney Yee, as Timothy nyn mraar, gys agglish Yee ta ec Corinth, marish ooilley ny nooghyn t’ayns Achaia;

2 Corinthianee 1:19

Son Mac Yee, Yeesey Creest, v’er ny phreacheil nyn mast’ eu liorinyn, dy jarroo liorym’s, as Silvanus, as Timotheus, cha row eh she as cha nee, agh aynsyn va she.

Galatianee 1:2

As ooilley ny braaraghyn ta mârym, gys kialteenyn Ghalatia:

Galatianee 1:22

As kialteenyn Yudea va ayns Creest, cha row enney oc er my eddin:

Ephesianee 1:2

Grayse dy row hiu, as shee veih Jee nyn Ayr, as veih’n Chiarn Yeesey Creest.

Philippianee 1:1

Paul as Timotheus sharvaantyn Yeesey Creest, gys ooilley ny nooghyn ayns Creest Yeesey, ta ec Philippi, marish ny aspickyn as shirveishee:

Colossianee 1:1

Paul ostyl Yeesey Creest liorish aigney Yee, as Timotheus nyn mraar,

2 Thessalonianee 1:1

Paul, as Sylvanus, as Timotheus, gys agglish ny Thessalonianee, ayns Jee nyn Ayr, as y Chiarn Yeesey Creest:

1 Timothy 1:2

Gys Timothy, my vac hene ayns y chredjue: Grayse, myghin, as shee veih Jee nyn Ayr, as Yeesey Creest nyn Jiarn.

2 Timothy 1:2

Gys Timothy my vac deyr graihagh: Grayse, myghin, as shee veih Jee yn Ayr, as Chreest Yeesey nyn Jiarn.

Hebrewnee 13:23

Toig‐jee dy vel nyn mraar Timothy ec reamys; mârishyn, my hig eh dy gerrit, hee‐ym shiu.

1 Peddyr 5:12

Liorish Sylvanus braar firrinagh diuish (myr ta mee dy ghoaill eh) ta mee er scrieu ayns focklyn giarey, coyrlaghey as gymmyrkey feanish, dy nee shoh grayse firrinagh Yee ayn ta shiu shassoo.

1 Ean 1:3

Shen ny ta shin er vakin as er chlashtyn, ta shin dy hoilshaghey diuish, dy vod shiuish myrgeddin ayrn y ghoaill mârin: as dy jarroo ta’n chommeeys ain marish yn Ayr, as marish e Vac Yeesey Creest.

Jude 1:1

Jude sharvaant Yeesey Creest, as braar Yamys, hucsyn ta er nyn gasherickey liorish Jee yn Ayr, as er nyn goadey ayns Yeesey Creest, as er nyn eam: