1 Peddyr 5:8 - Yn Conaant Noa 1810

⁸ Bee‐jee sheelt, bee‐jee er nyn arrey; er‐yn‐oyr dy vel y noid eu yn drogh‐spyrryd myr lion buirroogh, shooyl mygeayrt, shirrey quoi oddys eh y stroie:

Yn Vible Casherick 1775 1819

⁸ Bee-jee sheelt, bee-jee er nyn arrey; er-yn-oyr dy vel y noid eu yn drogh-spyrryd, myr lion buirroogh, shooyl mygeayrt, shirrey quoi oddys eh y stroie:

1 Peddyr 5:8 ပူးပေါင်းရင်းမြစ်များ

Noo Mian 13:39

Yn noid chuirr ad yn Jouyl: yn fouyr jerrey yn theihll: as ny beayneeyn ny ainleyn.

Noo Mian 24:42

Shen‐y‐fa bee‐jee er nyn arrey, son cha vel fys eu er yn oor tra hig nyn Jiarn.

Noo Mian 25:41

Eisht jir eh roosyn myrgeddin er y laue chiare, Immee‐jee voym, chloan churstey gys yn aile dy bragh farraghtyn, kiarit son y drogh‐spyrryd as e ainleyn.

Noo Mian 4:1

Eisht va Yeesey er ny leeideil liorish Spyrryd Yee gys yn aasagh, dy v’er ny violaghey liorish y drogh‐spyrryd.

Noo Mian 4:11

Eisht daag y drogh‐spyrryd eh, as cur‐my‐ner haink ainleyn as ren ad shirveish er.

Noo Mark 4:15

As ad shoh adsyn ta rish ooir y raad, ayn ta’n goo er ny chuirr, agh tra t’ad er chlashtyn, ta’n drogh‐spyrryd cheet jeeragh, as goaill ersooyl yn goo va cuirt ayns nyn greeaghyn.

Noo Luke 21:34

As cur‐jee twoaie diu hene, er‐aggle ec traa erbee dy bee ny creeaghyn eu rouyr laadit lesh jooid as meshtyrys, as kiarailyn y vea shoh, as myr shoh yn laa shen dy heet erriu doaltattym.

Noo Luke 21:36

Bee‐jee er nyn dwoaie er‐y‐fa shen, as bee‐jee kinjagh ayns padjer, dy vod shiu ve coontit feeu dy scapail ooilley ny reddyn shoh hig gy‐kione, as dy hassoo kiongoyrt rish Mac y dooinney.

Noo Luke 22:31

As dooyrt y Chiarn, Simon, Simon, cur‐my‐ner, ta Satan er yeearree shiuish y ghoaill, dy chree‐arey shiu myr curnaght:

Noo Ean 8:44

Ta shiuish jeh’n ayr eu yn drogh‐spyrryd, as saynt nyn ayrey, ver shiu rish: v’eshyn ny ghunver er‐dyn toshiaght, as cha ren eh tannaghtyn ’syn ynrickys, son nagh vel yn irriney ayn. Tra t’eh loayrt breg, t’eh loayrt jeh e chooid hene: son t’eh ny vreagerey, as ayr ny breagey.

2 Corinthianee 2:11

Er‐aggle dy voghe yn Noid‐anmey vondeish orrin: son cha vel e chialgyn gyn‐yss dooin.

Ephesianee 4:27

Chamoo cur‐jee raad da’n drogh‐spyrryd.

Ephesianee 6:11

Cur‐jee erriu slane eilley Yee, dy vod shiu ve abyl dy hassoo noi kialgyn y drogh‐spyrryd.

1 Timothy 2:15

Foast, bee ee er ny hauail ayns gymmyrkey‐lhiannoo, my nee ad tannaghtyn ayns credjue as graih, as craueeaght lesh sheeltys.

1 Timothy 2:9

Myrgeddin neesht dy jean mraane ad hene y hoiaghey magh ayns coamrey fudagh, lesh ymmyrkey arrymagh, as sheeltys: cha nee lesh folt feeit, ny airh, ny pearlyn, ny coamrey costal;

1 Timothy 3:11

Shegin da ny mraane oc myrgeddin ve dy ymmyrkey fudagh, cha nee scammyltee, agh sheelt, ynrick ayns dy chooilley nhee.

1 Timothy 3:2

Shegin da aspick eisht ve gyn loght, sheshey‐poost un ven, tastagh, sheelt, jeh ymmyrkey‐bea mie, aggindagh dy choyrt oltaghey‐bea, aghtal dy ynsaghey;

2 Timothy 4:17

Ny‐yeih, hass y Chiarn lhiam, as ren eh m’y niartaghey; liorym’s dy voddagh preacheil [y tushtal] ve dy slane er ny hoiggal, as dy voddagh ooilley ny Ashoonee clashtyn: as va mee er my livrey ass beeal y lion.

Titus 1:8

Agh arryltagh dy choyrt oltaghey‐bea, carrey da deiney mie, soccaragh, cairagh, crauee, sheelt;

Titus 2:12

Gynsaghey dooin, liorish, gobbal mee‐chraueeaght as yeearreeyn seihlltagh, dy lhisagh shin beaghey dy sheelt, dy cairal, as dy crauee ayns y theihll shoh;

Titus 2:2

Dy bee ny shenn gheiney fudagh, soccaragh, sheelt, fondagh ’sy chredjue, ayns giastyllys, ayns meenid:

Titus 2:4

Gynsaghey ny mraane saa dy ve sheelt, dy ve graihagh er nyn sheshaghyn poost, dy choyrt graih da nyn gloan,

Titus 2:6

Coyrlee ny deiney aegey myrgeddin dy ve sheelt‐aignagh.

Jamys 4:7

Jean‐jee shiu hene y injillaghey er‐y‐fa shen gys Jee; shass‐jee seose noi’n drogh‐spyrryd, as ver eh cooyl diu:

1 Peddyr 1:13

Shen‐y‐fa kiartee‐jee seose meeghyn nyn aigney, bee‐jee sheelt, as treisht‐jee gys y jerrey, son y ghrayse vees er ny choyrt diu tra vees Yeesey Creest er ny hoilshaghey;

1 Peddyr 4:7

Agh ta jerrey dy chooilley nhee er‐gerrey: bee‐jee er‐y‐fa shen sheelt, as watch‐jee gys padjer.

Ashlish 12:10

As cheayll mee coraa ard ayns niau, gra, Nish ta er jeet saualtys, as niart, as reeriaght yn Jee ain, as pooar yn Creest echey: son ta fer‐chassid nyn mraaraghyn tilgit sheese, ren adsyn y chassid fenish yn Jee ain oie as laa.

Ashlish 12:12

Gow‐jee boggey er‐y‐fa shen, shiuish niaughyn, as shiuish ta cummal ayndoo. Smerg da cummaltee yn thalloo as yn aarkey; son ta’n drogh‐spyrryd er jeet neose hiuish ayns farg eulyssagh, er‐yn‐oyr dy vel fys echeysyn nagh vel e hraa agh giare.

Ashlish 12:9

As va’n dragon mooar er ny eiyrt magh, yn chenn ard‐nieu, enmyssit yn Jouyl as Satan, ta molley yn slane seihll; v’eh eiyrit magh gys y thalloo, as va e ainleyn tilgit magh mârish.

Ashlish 20:10

As va’n jouyl ren ad y volley, er ny hilgey ayns y logh dy aile as brimstone, raad ta’n veisht as y phadeyr foalsey, as bee ad er nyn dorchaghey oie as laa son dy bragh as dy bragh.

Ashlish 20:2

As haare eh greme er y dragon yn chenn ard‐nieu shen, ta’n jouyl as Satan, as ren eh eh y chiangley son thousane bleïn,