1 Peddyr 5:14 - Yn Conaant Noa 1810

¹⁴ Oltee‐jee y cheilley lesh paag dy ghraih [creestee]. Shee dy row mêriu ooilley t’ayns Creest Yeesey. Amen.

Yn Vible Casherick 1775 1819

¹⁴ Oltee-jee y cheilley lesh paag dy ghraih [Creestee]. Shee dy row mêriu ooilley t’ayns Creest Yeesey. Amen.

1 Peddyr 5:14 ပူးပေါင်းရင်းမြစ်များ

Noo Mian 5:47

My she da nyn mraaraghyn ny lomarcan ta shiu coyrt oltaghey‐bea, cre smoo ta shiu dy yannoo na feallagh elley? nagh vel ny eer publicanee jannoo myr shen?

Noo Ean 14:27

Shee ta mee dy aagail mêriu, my hee ta mee dy choyrt diu: cha nee myr ta’n seihll coyrt ta mish dy choyrt eh diu. Ny lhig da’n cree eu ve seaghnit, chamoo lhig da aggle y ve er.

Noo Ean 16:33

Ny reddyn shoh ta mee er loayrt riu, aynym’s dy vod shee y ve eu. Ayns y theihll vees seaghyn eu: agh bee‐jee dy yien mie, ta mish er gheddyn barriaght er y theihll.

Noo Ean 20:19

Eisht er y laa cheddin, yn chied laa jeh’n chiaghtin, ayns yn astyr, tra va ny dorryssyn dooint, raad va ny ostyllyn er nyn jaglym cooidjagh ayns aggle roish ny Hewnyn, haink Yeesey as hass eh kiongoyrt roo, as dooyrt eh roo, Shee dy row hiu.

Noo Ean 20:26

As lurg hoght laa reesht va ny ostyllyn echey sthie, as Thomase mâroo: eisht haink Yeesey, as ny dorryssyn dooint, as hass eh kiongoyrt roo, as dooyrt eh, Shee dy row hiu.

Romanee 1:7

Dauesyn ooilley ta ’sy Raue, deyr gys Jee, eït dy ve nooghyn: Grayse dy row hiu, as shee veih Jee nyn Ayr, as y Chiarn Yeesey Creest.

Romanee 16:16

Banne‐jee y cheilley lesh paag chasherick. Ta kialteenyn Chreest dy nyn mannaghey.

Romanee 8:1

Cha vel er‐y‐fa shen deyrey erbee ny chour ocsyn t’ayns Creest Yeesey, nagh vel gimmeeaght lurg yn eill, agh lurg y Spyrryd.

1 Corinthianee 1:30

Agh jehsyn ta shiuish ayns Creest Yeesey eshyn ta liorish Jee er ny yannoo dooinyn creenaght, as cairys, as casherickys, as livrey‐ys:

1 Corinthianee 16:20

Ta ooilley ny braaraghyn dyn mannaghey shiu. Oltee‐jee yn derrey yeh yn jeh elley lesh y phaag dy hee.

2 Corinthianee 13:12

Bannee‐jee y cheilley lesh y phaag dy hee.

2 Corinthianee 5:17

Shen‐y‐fa my ta dooinney erbee ayns Creest, t’eh ny chretoor noa: ta shenn reddyn er n’gholl shaghey, cur‐my‐ner, ta dy chooilley nhee jeant ass y noa.

Ephesianee 6:23

Shee dy row gys ny braaraghyn, as graih marish credjue veih Jee yn Ayr as y Chiarn Yeesey Creest.

1 Thessalonianee 5:26

Jean‐jee ooilley ny braaraghyn y vannaghey lesh y phaag dy hee.

1 Peddyr 1:2

Reiht cordail rish tushtey ro‐laue Yee yn Ayr, trooid casherickys y Spyrryd gys biallys, as gys spreih fuill Yeesey Creest: Grayse dy row hiu, as shee dy row er ny vishaghey.

3 Ean 1:14

Agh ta mee treishteil dy vaik ym oo dy gerrit, as dy loayr mayd eddin ry eddin. Shee dy row hood. Ta nyn gaarjyn coyrt bea as slaynt hood. Cur my vannaght gys ny caarjyn [creestee] da dagh unnane er‐lheh.