1 Peddyr 4:7 - Yn Conaant Noa 1810

⁷ Agh ta jerrey dy chooilley nhee er‐gerrey: bee‐jee er‐y‐fa shen sheelt, as watch‐jee gys padjer.

Yn Vible Casherick 1775 1819

⁷ Agh ta jerrey dy chooilley nhee er-gerrey: bee-jee er-y-fa shen sheelt, as watch-jee gys padjer.

1 Peddyr 4:7 ပူးပေါင်းရင်းမြစ်များ

Noo Mian 24:42

Shen‐y‐fa bee‐jee er nyn arrey, son cha vel fys eu er yn oor tra hig nyn Jiarn.

Noo Mian 25:13

Bee‐jee er nyn dwoaie er‐y‐fa shen, son cha vel fys eu er y laa ny’n oor, nee Mac y dooinney cheet.

Noo Luke 21:34

As cur‐jee twoaie diu hene, er‐aggle ec traa erbee dy bee ny creeaghyn eu rouyr laadit lesh jooid as meshtyrys, as kiarailyn y vea shoh, as myr shoh yn laa shen dy heet erriu doaltattym.

Noo Luke 21:36

Bee‐jee er nyn dwoaie er‐y‐fa shen, as bee‐jee kinjagh ayns padjer, dy vod shiu ve coontit feeu dy scapail ooilley ny reddyn shoh hig gy‐kione, as dy hassoo kiongoyrt rish Mac y dooinney.

Noo Luke 22:46

As dooyrt eh roo, Cre’n‐fa ta shiu cadley? irree‐jee as gow‐jee padjer, nagh duitt shiu ayns miolagh.

Romanee 12:12

Gennal ayns treishteil; surransagh ayns seaghyn; tannaghtyn kinjagh ayns padjer:

1 Corinthianee 15:24

Eisht ta’n jerrey cheet, tra vees eh er livrey seose yn reeriaght gys Jee, dy jarroo yn Ayr; erreish da v’er choyrt sheese dy chooilley reill, as dy chooilley ’torrity as pooar.

1 Corinthianee 7:29

Agh shoh ta mee dy ghra, vraaraghyn, dy vel yn traa giare. Shoh eisht eh, dy bee adsyn ta mraane oc, myr nagh beagh ad oc.

Ephesianee 6:18

Guee dy kinjagh lesh dy chooilley phadjer as accan ayns y Spyrryd, as gys shoh er nyn arrey lesh slane tannaghtyn as aghin son ooilley ny nooghyn;

Philippianee 4:5

Lhig da’n ymmyrkey meen eu ve cronnal da dy chooilley ghooinney. Ta’n Chiarn er‐gerrey.

Colossianee 4:2

Jean‐jee tannaghyn ayns padjer, as bee‐jee dooishtagh ’sy chooid cheddin lesh toyrt‐booise;

2 Timothy 4:5

Agh bee uss er dty arrey ayns dy chooilley nhee, bee surransagh fo seaghyn, cooilleen obbyr sushtallagh, cur slane prowal jeh dty oik.

Titus 2:12

Gynsaghey dooin, liorish, gobbal mee‐chraueeaght as yeearreeyn seihlltagh, dy lhisagh shin beaghey dy sheelt, dy cairal, as dy crauee ayns y theihll shoh;

Hebrewnee 10:25

Cha nee treigeil yn chaglym cooidjagh ain hene, myr ta chaghtey paart; agh coyrlaghey yn derrey yeh yn jeh elley: as wheesh shen smoo, myr ta shiu fakin yn laa tayrn er‐gerrey.

Hebrewnee 9:26

(Son eisht beign da v’er hurranse dy mennick er‐dy hoshiaght y theihll) agh nish un cheayrt son ooilley ayns ny eashyn s’jerree, t’eh er hoilshaghey eh hene dy chur ersooyl peccah liorish jannoo eh hene ny oural.

1 Peddyr 1:13

Shen‐y‐fa kiartee‐jee seose meeghyn nyn aigney, bee‐jee sheelt, as treisht‐jee gys y jerrey, son y ghrayse vees er ny choyrt diu tra vees Yeesey Creest er ny hoilshaghey;

1 Peddyr 3:7

Myrgeddin, shiuish gheiney‐poost, jean‐jee beaghey mâroo cordail rish tushtey, coyrt onnor da’n ven myr da’n saagh s’annooinee, as myr co‐eiraghyn jeh ghrayse y vea; nagh bee ny padjeryn eu er nyn lhiettal.

1 Peddyr 5:8

Bee‐jee sheelt, bee‐jee er nyn arrey; er‐yn‐oyr dy vel y noid eu yn drogh‐spyrryd myr lion buirroogh, shooyl mygeayrt, shirrey quoi oddys eh y stroie:

Ashlish 16:15

Cur‐my‐ner, ta mee cheet myr maarliagh. Bannit t’eshyn ta er e arrey, as freayll e gharmadyn, nagh jed eh rooisht, as dy vaik ad e nearey.