1 Peddyr 4:2 - Yn Conaant Noa 1810

² Nagh jinnagh eh ny sodjey ceau yn chooid elley jeh e hraa ayns yn eill, lurg sayntyn deiney, agh lurg aigney Yee.

Yn Vible Casherick 1775 1819

² Nagh jinnagh eh ny sodjey ceau yn chooid elley jeh e hraa ayns yn eill, lurg sayntyn deiney, agh lurg aigney Yee.

1 Peddyr 4:2 ပူးပေါင်းရင်းမြစ်များ

Noo Mian 12:50

Son quoi‐erbee nee aigney my Ayrey t’ayns niau, eh shen my vraar, as my huyr as my voir.

Noo Mian 20:4

As dooyrt eh roo, Immee‐jee shiuish myrgeddin gys y gharey‐feeyney, as cre‐erbee ta cair, shen yiow shiu. As hie ad rhymboo.

Noo Mian 21:31

Quoi jeu shoh ny‐neesht ren aigney e ayrey? Dooyrt adsyn rish, Yn mac shinney. Dooyrt Yeesey roo, Dy firrinagh ta mee gra riu, dy jed ny publicanee as ny drogh‐vraane stiagh ayns reeriaght Yee reue‐ish.

Noo Mian 7:21

Cha nee dy chooilley unnane jir rhym’s, Hiarn, Hiarn, hed stiagh er reeriaght niau: agh eshyn ta jannoo aigney my Ayrey t’ayns niau.

Noo Mark 3:35

Son quoi‐erbee nee aigney Yee, she eshyn my vraar, as my huyr, as my voir.

Noo Mark 7:21

Son veih cheu‐sthie, magh veih creeaghyn deiney, ta cheet drogh‐smooinaghtyn, brishey‐poosey, maarderys, dunverys,

Noo Ean 1:13

Va er nyn ruggey, cha nee jeh fuill, ny jeh aigney ny foalley, ny jeh aigney dooinney, agh jeh Jee.

Noo Ean 7:17

My vees dooinney erbee aggindagh yn aigney echeysyn y yannoo, yiow eh toiggal jeh’n ynsagh, nee veih Jee te, ny vel mee loayrt jee’m pene.

Romanee 12:2

As ny jean‐jee shiu hene y chummey gys y theihll shoh; agh bee‐jee er nyn gaghlaa ayns y cummey noa jeh nyn aigney, dy vod shiu prowal cre ta’n aigney shen dy Yee ta mie as booisal da, as dy slane casherick.

Romanee 14:7

Son cha vel veg j’in bio da hene, as cha vel dooinney erbee geddyn baase da hene.

Romanee 6:11

Ayns yn aght cheddin jeeagh‐jee shiuish neesht erriu hene dy ve marroo dy jarroo gys peccah; agh bio gys Jee, trooid Yeesey Creest nyn Jiarn.

Romanee 6:2

Ny lhig eh Jee: kys oddys shinyn ta marroo gys peccah, beaghey ny sodjey ayn?

Romanee 7:4

Shen‐y‐fa, my vraaraghyn, ta shiuish myrgeddin marroo gys y leigh liorish corp Chreest; dy voddagh shiu ve poost rish fer elley, dy jarroo rishyn ta troggit veih ny merriu, dy voddagh shin mess y ymmyrkey magh da Jee.

2 Corinthianee 5:15

As dy dooar eh baase son ooilley, nagh beagh adsyn ta bio, maghey shoh bio daue hene, agh dasyn hooar baase er nyn son, as dirree reesht.

Ephesianee 2:3

Ayndoo shoh ren shin ooilley myrgeddin beaghey roish nish, ayns sayntyn ny foalley, cooilleeney yeearreeyn yn eill, as yn aigney: as va shin liorish dooghys nyn gloan dy yymmoose, dy jarroo myr feallagh elley.

Ephesianee 4:17

Shoh ta mee gra eisht, as gymmyrkey feanish er lieh yn Chiarn, nagh jean shiu veih shoh magh gimmeeaght myr ta’n chooid elley jeh ny Ashoonyn‐quaagh gimmeeaght ayns fardail nyn aignaghyn;

Ephesianee 5:17

Shen‐y‐fa ny bee‐jee neu‐hastagh, agh toig‐jee cre ta aigney yn Chiarn.

Ephesianee 6:6

Cha nee lesh shirveish‐sooilley, myr dy wooiys deiney, agh myr sharvaantyn Chreest, jannoo aigney Yee veih nyn gree;

Colossianee 1:9

Er yn oyr shoh cha vel shinyn myrgeddin, er‐dyn la cheayll shin jeh, scuirr dy ghoaill padjer er nyn son, as dy yeearree dy vod shiu ve jeant magh lesh toiggal jeh e aigney, ayns dy chooilley chreenaght as tushtey spyrrydoil:

Colossianee 3:3

Son ta shiu marroo, as ta’n vea eu follit marish Creest ayns Jee.

Colossianee 4:12

Ta Epaphras, fer j’iu hene, sharvaant Chreest, dy vannaghey diu, dy kinjagh gleck dy jeean er nyn son eu ayns padjeryn, dy vod shiu shassoo dy shickyr as slane fondagh ayns ooilley aigney Yee.

1 Thessalonianee 5:18

Ayns dagh stayd cur‐jee booise: son shoh aigney Yee ayns Creest Yeesey mychione eu.

Hebrewnee 13:21

Shiuish y niartaghey ayns dy chooilley obbyr vie dy yannoo e aigney, gobbraghey ayndiu shen ta booisal ayns e hilley, trooid Yeesey Creest; huggey dy row gloyr son dy bragh as dy bragh. Amen.

Jamys 1:18

Jeh e aigney hene ren eh shinyn y gheddyn, liorish goo ny firrinys, dy voddagh shin ve myr y chied‐vessyn jeh e chretooryn.

1 Peddyr 1:14

Myr cloan biallagh, cha nee cummey shiu hene cordail rish ny shenn chliaghtaghyn, ayns y vee‐hushtey eu:

1 Peddyr 2:1

Shen‐y‐fa coyrt dy lhiattee dy chooilley ghoanlys, as dy chooilley volteyraght, as foalsaght, as troo, as dy chooilley ghrogh ghlare,

1 Ean 2:17

As ta’n seihll goll shaghey, as y taynt ain huggey: agh eshyn ta jannoo aigney Yee, vees er‐mayrn son dy bragh.