1 Peddyr 4:17 - Yn Conaant Noa 1810

¹⁷ Son ta’n traa tayrn er‐gerrey dy vel briwnys dy ghoaill toshiaght ec thie Yee: as my she orrinyn hig eh hoshiaght, cre’n erree hig orroosyn nagh vel cur biallys da sushtal Yee?

Yn Vible Casherick 1775 1819

¹⁷ Son ta’n traa tayrn er-gerrey dy vel briwnys dy ghoaill toshiaght ec thie Yee: as my she orrinyn hig eh hoshiaght, cre’n erree hig orroosyn nagh vel cur biallys da sushtal Yee?

1 Peddyr 4:17 ပူးပေါင်းရင်းမြစ်များ

Noo Luke 23:31

Son my t’ad jannoo ny reddyn shoh rish y billey oor, cre vees er ny yannoo rish y billey creen?

Romanee 1:1

Paul sharvaant Yeesey Creest, er ny eam dy ve ny ostyl, soit er‐lheh gys sushtal Yee;

Romanee 2:9

Seaghyn as angaish er dy chooilley annym ta gobbraghey olk, er yn Ew hoshiaght, as myrgeddin er yn Ashoonagh.

Galatianee 3:1

O Ghalatianee vee‐hushtagh, quoi ta er chleaynaghey shiu, nagh vel shiu biallagh gys yn irriney, kiongoyrt rish nyn sooillyn hene ta Yeesey Creest dy baghtal er ny ve soit magh, er ny chrossey nyn mast’ eu.

Galatianee 5:7

Hie shiu er nyn doshiaght dy mie, quoi ren shiu y lhiettal veih biallys ’choyrt da’n irriney?

Galatianee 6:10

Myr ta caa ain er‐y‐fa shen, lhig dooin mie ’yannoo da dy chooilley ghooinney, er‐lheh dauesyn ta jeh lught‐thie’n chredjue.

2 Thessalonianee 1:8

Ayns aile loshtee cooilleeney kerraghey orroosyn ooilley nagh vel goaill rish Jee, as nagh vel coyrt biallys da sushtal nyn Jiarn Yeesey Creest:

1 Timothy 3:15

Agh my uirr‐ym foddey, dy vod fys ve ayd kys lhisagh uss oo hene y ymmyrkey ayns thie Yee, ta agglish yn Jee bio, yn pillar as undin yn irriney.

Hebrewnee 11:8

Liorish credjue tra va Abraham er ny eam dy gholl magh gys ynnyd v’eh lurg shen dy gheddyn son eiraght, v’eh biallagh; as jimmee eh magh, gyn fys echey cre gys v’eh goll.

Hebrewnee 2:2

Son my va’n goo loayrit liorish ainleyn jeant shickyr, as my hooar dy chooilley pheccah as mee‐viallys yn leagh cooie dy cherraghey;

Hebrewnee 2:4

Jee myrgeddin gymmyrkey feanish lhieu, chammah liorish cowraghyn as yindyssyn, as lesh ymmodee mirrillyn, as giootyn y Spyrryd Noo, cordail rish e aigney hene?

Hebrewnee 3:6

Agh Creest myr Mac harrish e hie hene: yn thie echesyn ta shin, my ta shin cummal shickyr dunnallys as boggey nyn dreishteil gys y jerrey.

Hebrewnee 5:9

As myr shoh er ny chasherickey, haink eh dy ve bun y taualtys dy bragh farraghtyn dauesyn ooilley ta coyrt biallys da;

1 Peddyr 2:5

Ta shiuish myrgeddin myr claghyn bioal, er nyn droggal seose ny hie spyrrydoil, ny haggyrtys casherick dy hebbal seose ourallyn spyrrydoil, booisal gys Jee liorish Yeesey Creest.

1 Peddyr 2:8

As clagh son snapperal, as creg son tuittym er, dy jarroo dauesyn ta snapperal ec y goo, myr t’ad mee‐viallagh, gys shen v’ad myrgeddin er nyn bointeil.