1 Peddyr 4:10 - Yn Conaant Noa 1810

¹⁰ Myr ta dy chooilley ghooinney er gheddyn gioot, dy jarroo myr shen rheynn‐jee eh yn derrey yeh er y jeh elley, myr stiurtyn mie jeh ymmodee‐filley grayse Yee.

Yn Vible Casherick 1775 1819

¹⁰ Myr ta dy chooilley ghooinney er gheddyn yn gioot, dy jarroo myr shen rheynn-jee eh yn derrey yeh er y jeh elley, myr stiurtyn mie jeh ymmodee-filley grayse Yee.

1 Peddyr 4:10 ပူးပေါင်းရင်းမြစ်များ

Noo Mian 20:28

Myr nagh daink yn Mac dooinney dy ve shirveishit er, agh dy hirveish, as dy chur e vioys ny lhiassaghey son ymmodee.

Noo Mian 24:14

As bee sushtal yn reeriaght er ny phreacheil ayns ooilley yn seihll, son feanish da dy chooilley ashoon, as eisht nee yn jerrey cheet.

Noo Mian 24:21

Son bee seaghyn mooar ec y traa shen, lheid as nagh row er‐dy hoshiaght y theihll gys y traa t’ayn nish, as lheid as nagh bee dy bragh arragh.

Noo Mian 24:45

Quoi eisht yn charvaant firrinagh as creeney shen, ta e Hiarn er n’yannoo ny er‐reill er e vooinjer, dy chur daue nyn meaghey ayns traa cooie?

Noo Mian 25:17

As myrgeddin eshyn v’er gheddyn jees, chossyn eh neesht jees elley.

Noo Mian 25:44

Eisht nee adsyn myrgeddin eh y reggyrt, gra, Hiarn, cuin honnick shin oo accryssagh, ny paagh, ny dty yoarree, ny rooisht, ny ching, ny ayns pryssoon, as nagh chooin shin lhiat?

Noo Mark 10:45

Son cha daink yn eer Mac dooinney dy ve shirveishit, agh dy hirveish, as dy chur e vioys ny lhiassaghey son ymmodee.

Noo Luke 12:42

As dooyrt y Chiarn, Quoi eisht yn stiurt firrinagh as creeney shen nee e hiarn y yannoo ny er‐reill er lught e hie, dy hirveish orroo nyn meaghey ayns traa cooie?

Noo Luke 19:13

As deïe eh er ny jeih sharvaantyn echey, as livrey eh daue jeih puint, as dooyrt eh roo. Jean‐jee dellal derrey hig‐ym.

Noo Luke 8:3

As Joanna ben Chusa stiurt Herod, as Susanna, as ymmodee elley, v’er hirveish er jeh nyn gooid.

Romanee 15:25

Agh ta mee goll nish gys Jerusalem, dy hirveish er ny nooghyn.

Romanee 15:27

As ta mee gra dy gooidsave lhieu, as t’ad ayns lhiastynys daue. Son my ta ny Ashoonee er ny ve jeant co‐ayrnee jeh ny nheeghyn spyrrydoil ocsyn, yn currym oc eh myrgeddin dy hirveish orroosyn ayns nheeghyn seihltagh.

1 Corinthianee 15:10

Agh liorish grayse Yee ta mee ny ta mee: as e ghrayse, va er ny ghiootal orrym, cha row eh ayns fardail; agh ren mee laboragh ny s’doccarree na ad ooilley: ny‐yeih cha nee mish, agh grayse Yee va mârym.

1 Corinthianee 3:10

Cordail rish grayse Yee t’er ny choyrt dooys, myr ard‐vasoonagh creeney, ta mee er hoiaghey yn undin, as ta fer elley troggal er. Agh lhig da dy chooilley ghooinney kiarail y ghoaill kys t’eh troggal er.

1 Corinthianee 4:7

Son quoi eh ta coyrt dhyt’s yn vondeish erskyn fer elley? as cre t’ayd nagh vel oo er gheddyn? nish my hooar oo eh, cre’n‐fa t’ou boggyssagh, myr nagh beagh oo er gheddyn eh?

2 Corinthianee 6:1

Ta shinyn eisht, myr firchoo‐nee mârishyn, guee erriuish myrgeddin, nagh jean shiu grayse Yee y ghoaill ayns fardail:

2 Corinthianee 9:1

Nish mychione shirveish er ny nooghyn, cha lhiass dou scrieu hiu.

Ephesianee 3:8

Dooys, ta’n fer sloo jeh ooilley ny nooghyn, ta’n ghrayse shoh er ny choyrt, dy beïgns dy phreacheil mastey ny Ashoonyn‐quaagh berchys Chreest nagh vod ve ronsit magh;

Ephesianee 4:11

As hug eh da paart, dy ve nyn ostyllyn; as da paart, dy ve phadeyryn; as da paart, dy ve sushtallee; as da paart, dy ve bochillyn as fir‐ynsee.

2 Timothy 1:18

Dy giall y Chiarn da dy vod eh myghin y gheddyn veih’n Chiarn ’sy laa shen: as ayns cre whilleen nhee ren eh shirveish orrym ec Ephesus, ta fys ayd er dy mie.

Titus 1:7

Son shegin dy aspick ve gyn foill, myr stiurt Yee; cha nee mooaralagh, ny leah fargagh, cha nee cur rish feeyn, ny builltagh, ny soit er cosney scammyltagh;

Hebrewnee 6:10

Son cha vel Jee neu‐chairagh, dy jarrood eh ny obbraghyn as y laboraght euish dy ghraih, ta shiu er hoilshaghey er coontey’n ennym echey, ayns dy vel shiu er hirveish er ny nooghyn, as ta foast shirveish [orroo].

1 Peddyr 5:10

Agh dy jean y Jee jeh dy chooilley ghrayse, ta er n’eamagh orrin gys e ghloyr dy bragh farraghtyn liorish Creest Yeesey, lurg diu ve er hurranse tammylt beg, dy jean eh shiu y yannoo dy firrinagh mie, dy jean eh shiu y chummal seose, y niartaghey, as y hickyraghey,

1 Peddyr 5:12

Liorish Sylvanus braar firrinagh diuish (myr ta mee dy ghoaill eh) ta mee er scrieu ayns focklyn giarey, coyrlaghey as gymmyrkey feanish, dy nee shoh grayse firrinagh Yee ayn ta shiu shassoo.