1 Peddyr 3:9 - Yn Conaant Noa 1810

⁹ Cha nee cooilleeney olk son olk, ny oltooan son oltooan: agh ayns ynnyd shen, bannaghey; toiggal dy vel shiu gys shoh er ny eam, dy vod shiu bannaght y gheddyn myr eiraght.

Yn Vible Casherick 1775 1819

⁹ Cha nee cooilleeney olk son olk, ny oltooan son oltooan: agh ayns ynnyd shen, bannaghey; toiggal dy vel shiu gys shoh er nyn eam, dy vod shiu bannaght y gheddyn myr eiraght.

1 Peddyr 3:9 ပူးပေါင်းရင်းမြစ်များ

Noo Mian 19:29

As dy chooilley unnane t’er hreigeil thieyn, ny braaraghyn, ny shayraghyn, ny ayr, ny moir, ny ben, ny cloan, ny thalloo, er graih m’ennym’s, yiow ad keead filley, as eiraght ayns y vea veayn.

Noo Mian 25:34

Eisht jir y ree roosyn er e laue‐yesh, Tar‐jee chloan vannit my Ayrey, gow‐jee eiraght ’sy reeriaght ta kiarit diu er‐dy hoshiaght y theihll.

Noo Mian 5:39

Agh ta mish gra riu, Ny shir‐jee aggair y chooilleeney: agh quoi‐erbee woaillys oo er y lieckan yesh, chyndaa huggey yn lieckan elley.

Noo Mian 5:44

Agh ta mish gra riu, Bee‐jee dooie da nyn noidyn, bannee‐jee adsyn ta gwee mollaght diu, jean‐jee mie dauesyn ta cur dwoaie diu, as gow‐jee padjer er nyn son ocsyn ta dy goanlyssagh jannoo tranlaase erriu:

Noo Mark 10:17

As tra v’eh er n’gholl magh er y raad, haink fer roie ny whuail, as gliooney huggey, dênee eh jeh, Vainshter vie, cre neem’s dy voddym eiraght y chosney ayns y vea veayn?

Noo Luke 10:25

As cur‐my‐ner, hass fer‐ynsee dy row jeh’n leigh seose er‐chee y phrowal eh, gra, Vainshter, cre t’orrym’s dy yannoo dy vod eiraght y ve aym ayns y vea veayn?

Noo Luke 18:18

As dênee fer‐reill dy row jeh, gra, Vainshter vie, cre t’orrym dy yannoo dy vod eiraght y ve aym ayns y vea veayn?

Romanee 12:14

Bannee‐jee adsyn ta jannoo tranlaase erriu; bannee‐jee, as ny gwee‐jee mollaght.

Romanee 12:17

Ny jean‐jee olk son olk y chooilleeney da dooinney erbee. Kiare‐jee ro‐laue dy yannoo reddyn onneragh ayns shilley dy chooilley ghooinney.

Romanee 8:28

As ta fys ain dy vel dy chooilley nhee gobbraghey cooidjagh son y chooid share, dauesyn ta graihagh er Jee, dauesyn t’er nyn eam cordail rish e aigney.

Romanee 8:30

As adsyn ren eh kiarail ro‐laue, orroo shoh ren eh myrgeddin geamagh: as adsyn ren eh geamagh, ren eh myrgeddin seyrey: as adsyn t’eh er heyrey, t’eh myrgeddin er ghloyraghey.

Galatianee 3:14

Dy voddagh bannaght Abraham cheet er ny Ashoonee trooid Yeesey Creest: dy voddagh shin gialdyn yn Spyrryd y chosney trooid credjue.

Ephesianee 4:32

As bee‐jee dooie yn derrey yeh da’n jeh elley, meigh‐chreeagh, leih da y cheilley, dy jarroo myr ta Jee son graih Chreest er leih diuish.

1 Thessalonianee 5:15

Jeeagh nagh jean veg j’iu cooilleeney olk son olk da dooinney erbee: agh dy bragh eiyr‐jee er shen ta mie, chammah nyn mast’ eu hene, as rish dy chooilley ghooinney.

Hebrewnee 12:17

Son ta fys eu kys ny lurg shen tra v’eh aggindagh dy gheddyn yn eiraght marish y bannaght, v’eh er ny yiooldey: son cha row saase son caghlaa‐aigney ’sy chooish, ga dy ren eh aghin dy jeean lesh jeir.

Hebrewnee 6:14

Gra, Dy firrinagh, lesh bannaght, nee’m uss y vannaghey, as lesh bishagh, nee’m uss y vishaghey.

1 Peddyr 5:10

Agh dy jean y Jee jeh dy chooilley ghrayse, ta er n’eamagh orrin gys e ghloyr dy bragh farraghtyn liorish Creest Yeesey, lurg diu ve er hurranse tammylt beg, dy jean eh shiu y yannoo dy firrinagh mie, dy jean eh shiu y chummal seose, y niartaghey, as y hickyraghey,