1 Peddyr 3:8 - Yn Conaant Noa 1810

⁸ Er‐jerrey, bee‐jee ooilley jeh un aigney, chymmoil yn derrey yeh jeh’n jeh elley, cur‐jee graih myr braaraghyn, bee‐jee lane dy hymmey, bee‐jee dooie:

Yn Vible Casherick 1775 1819

⁸ Er-jerrey, bee-jee ooilley jeh un aigney, chymmoil yn derrey yeh jeh’n jeh elley, cur-jee graih myr braaraghyn, bee-jee lane dy hymmey, bee-jee dooie:

1 Peddyr 3:8 ပူးပေါင်းရင်းမြစ်များ

Noo Mian 18:33

Nagh lhisagh uss myrgeddin as chymmey er ve ayd er dty heshey‐harvaant, eer myr va chymmey aym’s ort’s?

Noo Luke 10:33

Agh haink Samaritan dy row, myr v’eh er e yurnah, raad v’eh: as tra honnick eh eh, va chymmey echey er.

Jannoo 2:1

As tra va laa ny Kingeesh er jeet, v’ad ooilley lesh un aigney ’syn un voayl.

Jannoo 27:3

As yn nah laa haink shin gys Sidon: as hoilshee Julius ard‐chenjallys da Paul, cur kied da goll mastey e chaarjyn dy ooraghey eh hene.

Jannoo 28:7

Ayns ny ardjyn shen va thieyn as thalloo lesh kiannoort ny hellan, va enmyssit Publius, hug dooin oltaghey‐bea, as aaght ry three laa dy arryltagh.

Jannoo 4:32

As va’n earroo jeusyn ren credjal jeh’n un chree as yn un annym; chamoo dooyrt fer jeu, dy by‐lesh hene va nhee erbee jeh e chooid‐seihlt, agh va dy chooilley nhee oc ayns co‐pharteeys cadjin.

Romanee 12:10

Bee‐jee jeh aigney dooie yn derrey yeh gys y jeh elley lesh graih braaragh, ayns onnor dagh unnane jannoo soiagh jeh fer elley roish hene.

Romanee 15:5

Nish dy giall y Jee dy veenid as dy gherjagh diuish dy ve jeh un aigney yn derrey yeh gys y jeh elley, lurg Creest Yeesey:

1 Corinthianee 1:10

Nish ta mee guee erriu, vraaraghyn, liorish ennym nyn Jiarn Yeesey Creest, dy bee shiu ooilley er yn un ockle, as nagh bee streeuaghyn ny mast’ eu; agh dy bee shiu sniemmit cooidjagh ’syn un aigney, as ’syn un smooinaght.

1 Corinthianee 12:26

Son edyr un olt dy hurranse, ta ooilley ny oltyn surranse mârish: ny un olt dy v’er ny choamrey lesh onnor, ta ooilley ny oltyn goaill boggey mârish.

Ephesianee 4:2

Ayns dy chooilley injillid as meenid, lesh surranse‐foddey, gymmyrkey yn derrey yeh lesh y jeh elley ayns graih;

Ephesianee 4:31

Lhig da dy chooilley roonid, as jymmoose, as farg, as beealler‐aght, as oltooan ve eebrit veue, marish dy chooilley ghoanlys.

Ephesianee 4:32

As bee‐jee dooie yn derrey yeh da’n jeh elley, meigh‐chreeagh, leih da y cheilley, dy jarroo myr ta Jee son graih Chreest er leih diuish.

Philippianee 2:3

Ny lhig da nhee erbee ve jeant trooid anvea, ny mooaralys, agh ayns injillid‐aigney lhig da dagh unnane soiagh ’yannoo jeh feallagh elley roish hene.

Philippianee 3:16

Ny‐yeih, choud as ta shin er roshtyn huggey, lhig dooin gimmeeaght liorish y rule cheddin, lhig dooin tastey choyrt da’n red cheddin.

Colossianee 3:12

Cur‐jee erriu er‐y‐fa shen (myr cloan reiht Yee, casherick as graihagh) meeaghyn dy vyghin, kenjallys, injillid‐aigney, meenid, surranse‐foddey;

Hebrewnee 13:1

Lhig da graih braaragh tannaghtyn.

Jamys 2:13

Son yiow eshyn briwnys dyn myghin, nagh vel er hoilshaghey myghin; as ta myghin boggyssagh harrish briwnys.

Jamys 3:17

Agh y chreenaght ta veih’n yrjey t’ee hoshiaght glen, eisht sheeoil, meen, as aashagh dy ve coyrlit, lane dy erreeish as dy vessyn mie, fegooish neu‐chorrymid, as fegooish chraueeaght‐oalsey.

Jamys 5:11

Cur‐jee my‐ner, ta shin jeeaghyn orroosyn dy ve maynrey ta gymmyrkey seaghyn. Ta shiu er chlashtyn jeh meenid Yob, as cre chiare y Chiarn da ec y jerrey: dy vel y Chiarn feer chymmoil, as jeh myghin veigh.

1 Peddyr 1:22

Fakin dy vel shiu er chasherickey nyn anmeenyn ayns cur biallys da’n irriney trooid y Spyrryd, gys graih firrinagh jeh ny braaraghyn; jeeagh dy bee‐jee dy jeean graihagh yn derrey yeh er y jeh elley lesh cree glen:

1 Peddyr 2:17

Cur‐jee onnor da dy chooilley ghooinney. Bee‐jee graihagh er ny braaraghyn [creestee]. Gow‐jee aggle roish Jee. Cur jee onnor da’n ree.

1 Peddyr 5:5

Myrgeddin shiuish sleih aegey bee‐jee arrymagh da’n chenndeeaght: dy jarroo bee‐jee ooilley ayns biallys yn derrey yeh gys y jeh elley, as bee‐jee coamrit lesh injillid aigney: son ta Jee soiaghey eh hene noi’n vooinjer voyrnagh, as t’eh coyrt grayse dauesyn ta imlee.

2 Peddyr 1:7

As gys craueeaght, kenjallys braaragh; as gys kenjallys braaragh, graih.

1 Ean 3:14

Ta fys ain dy vel shin caghlaait veih baase gys bea, er‐yn‐oyr dy nhynney lhien ny braaraghyn: eshyn nagh nhynney lesh e vraar, t’eh tannaghtyn ayns baase.