1 Peddyr 3:22 - Yn Conaant Noa 1810

²² Ta er gholl gys niau, as ta er laue yesh Yee, huggeysyn ta ainleyn as ard‐reillyn, as pooaraghyn er nyn injillaghey.

Yn Vible Casherick 1775 1819

²² Ta er gholl gys niau, as ta er laue yesh Yee, huggeysyn ta ainleyn as ard-reillyn, as pooaraghyn er nyn injillaghey.

1 Peddyr 3:22 ပူးပေါင်းရင်းမြစ်များ

Noo Mian 22:44

Dooyrt y Chiarn rish my Hiarn’s, Soie uss er my laue yesh, derrey neem’s dty noidyn stoyl dty choshey?

Noo Mian 28:18

As haink Yeesey, as loayr eh roo, gra, Ta dy chooilley phooar er ny chur dou ayns niau as er y thalloo.

Noo Mark 12:36

Son ta David eh hene er ghra liorish y Spyrryd Noo, Dooyrt y Chiarn rish my Hiarn’s, Soie uss er my laue yesh, derrey ver‐ym dty noidyn son stoyl dty choshey.

Noo Mark 16:19

Myr shen erreish da’n Chiarn v’er loyart roo, v’eh er ny ghoaill seose gys niau, as hoie eh er laue yesh Yee.

Noo Luke 20:42

As dy vel David eh hene ayns lioar ny psalmyn gra, Dooyrt y Chiarn rish my Hiarn’s, Soie uss er my laue yesh,

Noo Ean 13:32

My ta Jee er ny ghloyraghey ayn, nee Jee myrgeddin eshyn y ghloyraghey ayn hene, as nee eh dy gerrit eh y ghloyraghey.

Jannoo 1:11

Dooyrt myrgeddin, Gheiney Ghalilee, cre’n‐fa ta shiuish nyn shassoo blakey seose syn aer? nee Yeesey shoh t’er ny ghoaill veue gys niau, cheet reesht er yn aght cheddin ta shiu er n’akin eh goll seose gys niau.

Jannoo 3:21

Eshyn ta dy ve ayns niau, derrey earishyn lhiassaghey dy chooilley nhee, ta Jee er loayrt liorish beeal ooilley e adeyryn crauee, er‐dy hoshiaght y theihll.

Romanee 8:34

Quoi eh ta deyrey? she Creest hooar baase, ny sodjey, t’er n’irree reesht, ta eer ec laue yesh Yee, as ta myrgeddin loayrt ayns y lieh ain.

Romanee 8:38

Son ta slane shickyrys aym, nagh bee edyr baase, ny bioys, ny ainleyn, ny ard‐reilltee, ny pooaraghyn seihltagh, ny reddyn ta nish ayn, ny reddyn ta ry heet,

1 Corinthianee 15:24

Eisht ta’n jerrey cheet, tra vees eh er livrey seose yn reeriaght gys Jee, dy jarroo yn Ayr; erreish da v’er choyrt sheese dy chooilley reill, as dy chooilley ’torrity as pooar.

Colossianee 3:1

My ta shiuish eisht er n’irree marish Creest, shir‐jee ny reddyn shen ta er nyn skyn, raad ta Creest ny hoie er laue yesh Yee.

Hebrewnee 1:13

Agh rish quoi jeh ny ainleyn dooyrt eh ec traa erbee, Soie er my laue yesh, derrey nee’m dty noidyn y yannoo stoyl dty choshey?

Hebrewnee 1:3

Myr v’eh sollyssid e ghloyr, as eer co‐chaslys e phersoon, as cummal seose dy chooilley nhee liorish goo e phooar, tra v’eh liorish hene er ghlenney ersooyl ny peccaghyn ainyn, hoie eh sheese er laue yesh yn ard‐ooashley ayns yn yrjid:

Hebrewnee 1:6

As reesht, tra t’eh coyrt lesh yn chied‐er‐ny‐gheddyn Mac gys y theihll, t’eh gra, As lhig da ooilley ainleyn Yee ooashley ’choyrt da.

Hebrewnee 10:12

Agh ta’n dooinney shoh, erreish da ve er hebbal un oural son peccaghyn, son dy bragh er hoie sheese ec laue yesh Yee;

Hebrewnee 12:2

Jeeaghyn gys Yeesey toshiaght as bun nyn gredjue; ren, son yn eunys va soit kiongoyrt rish, surranse y chrosh, soiaghey beg jeh’n nearey, as t’eh er hoie sheese er laue yesh stoyl‐reeoil Yee.

Hebrewnee 4:14

Fakin dy vel ain eisht ard‐saggyrt ooasle, t’er n’gholl stiagh ayns ny niaughyn, Yeesey Mac Yee, lhig dooin cummal shickyr nyn gredjue.

Hebrewnee 6:20

Raad ta’n chiaghter hie roïn er n’gholl stiagh er nyn son, dy jarroo Yeesey, jeant ny ard‐saggyrt son dy bragh myr va Melchisedec.

Hebrewnee 8:1

Nish mychione ny reddyn ta shin er loayrt, shoh’n bun: Ta lheid yn ard‐saggyrt ain, ta soit er laue yesh stoyl‐reeoil yn ard‐ooashley ayns ny niaughyn;

Hebrewnee 9:24

Son cha vel Creest er n’gholl stiagh ayns ny ynnydyn casherick jeant lesh laueyn, ta co‐chaslyslyn jeh’n ynnyd firrinagh; agh ayns niau hene, nish dy hassoo ayns fenish Yee er nyn son: