1 Peddyr 3:18 - Yn Conaant Noa 1810

¹⁸ Son ta Creest myrgeddin er hurranse un cheayrt son peccaghyn, yn fer‐cairagh son ny mee‐chairee, (dy voddagh eh shiu y chur lesh gys Jee,) v’eh er ny choyrt gy‐baase ayns yn eill, agh er ny vioghey liorish y Spyrryd:

Yn Vible Casherick 1775 1819

¹⁸ Son ta Creest myrgeddin er hurranse un cheayrt son peccaghyn, yn fer-cairagh son ny mee-chairee, (dy voddagh eh shin y chur lesh gys Jee,) v’eh er ny choyrt gy-baase ayns yn eill, agh er ny vioghey liorish y Spyrryd:

1 Peddyr 3:18 ပူးပေါင်းရင်းမြစ်များ

Noo Mian 27:19

Erreish da soie er stoyl y vriwnys, hug e ven fys huggey, gra, Ny bee veg ayd’s dy yannoo rish y dooinney cairagh shen: son s’mooar ta mee er hurranse jiu ayns my chadley, er y choontey echeysyn.

Noo Mian 27:24

Tra honnick Pilate nagh dug ad geill da e choyrle, agh dy row ad aarloo dy irree‐magh, ghow eh ushtey, as niee eh e laueyn kiongoyrt rish y pobble, gra, Ta mish neu‐chyndagh jeh fuill yn phersoon cairagh shen jeeagh‐jee shiuish da.

Noo Ean 16:10

Mychione cairys, son dy vel mee goll roym gys yn Ayr, as nagh vaik shiu mee arragh;

Jannoo 22:14

As dooyrt eh, Ta Jee ny ayraghyn ain er dty reih, dy voddagh fys y ve ayd er yn aigney echey, as dy voddagh oo yn Fer‐cairagh shen y akin, as clashtyn coraa e veeal.

Jannoo 3:14

Agh dob shiuish yn Fer‐noo casherick, cairagh, as hir shiu dunver er nyn accan dy ve livreït diu,

Romanee 1:4

As soilshit dy ve Mac Yee lesh pooar, cordail rish y spyrryd dy chasherickys, liorish yn irree‐seose‐reesht veih ny merriu;

Romanee 4:25

Eh va er ny livrey son nyn loghtyn, as va troggit reesht dy heyrey shin.

Romanee 5:2

Liorishyn myrgeddin ta shin goit stiagh liorish credjue gys y ghrayse shoh ayn ta shin shassoo, as ta shin goaill boggey ayns treishteil dy ghloyr Yee.

Romanee 8:11

Agh my ta’n Spyrryd echeysyn hrog seose Yeesey veih ny merriu, baghey ayndiu; nee eshyn hrog Creest veih ny merriu, ny kirp marvaanagh euish myrgeddin y vioghey, liorish e Spyrryd ta cummal ayndiu.

Romanee 8:3

Son shen nagh voddagh y leigh y yannoo, trooid annooinid ny foalley, ren Jee liorish coyrt e Vac hene, ayns caslys feill peccoil, as son peccah, peccah y gheyrey ayns yn eill:

2 Corinthianee 1:24

Cha nee dy vel shin gymmyrkey reill harrish nyn gredjue, agh ta shin fir‐choonee dy vishaghey nyn moggey: son liorish credjue ta shiu shassoo.

2 Corinthianee 13:4

Son ga dy row eh er ny chrossey trooid annooinid, ny‐yeih t’eh bio liorish pooar Yee: Son ta shinyn myrgeddin annoon aynsyn, agh bee mayd bio mârishyn liorish pooar Yee soilshit diuish.

2 Corinthianee 5:21

Son hug eh ersyn va seyr veih peccah, dy ve oural er nyn son; dy voddagh shinyn v’er nyn seyrey liorish Jee aynsyn.

Galatianee 1:4

Ren eh‐hene y choyrt son nyn beccaghyn, dy livrey shin veih’n drogh heihll t’ayn nish, cordail rish aigney Yee as nyn Ayr:

Galatianee 3:13

Ta Creest er livrey shin veih mollaght y leigh, eh hene jeant ny vollaght er nyn son: son te scruit Cursit ta dagh unnane ta croghey er billey:

Ephesianee 3:12

Ny hrooid ta daanys ain as kied dy hayrn er‐gerrey da lesh shickyrys liorish y chredjue t’ain aynsyn.

Titus 2:14

Hug eh hene er nyn son, dy voddagh eh shin y eaysley veih dy chooilley vee‐chraueeaght, as casherickey da hene pobble reiht, jeean ayns obbraghyn mie.

Hebrewnee 10:10

Liorish yn aigney cheddin ta shin er nyn gasherickey, liorish yn oural jeh corp Yeesey Creest un cheayrt son ooilley.

Hebrewnee 9:14

Cre‐woad smoo nee fuill Chreest, ren eh hene y oural gyn foill gys Jee trooid y Spyrryd dy bragh beayn, yn chooinsheanse euish y ghlenney veih obbraghyn marroo dy hirveish y Jee bio?

Hebrewnee 9:26

(Son eisht beign da v’er hurranse dy mennick er‐dy hoshiaght y theihll) agh nish un cheayrt son ooilley ayns ny eashyn s’jerree, t’eh er hoilshaghey eh hene dy chur ersooyl peccah liorish jannoo eh hene ny oural.

Hebrewnee 9:28

Myr shen va Creest un cheayrt er ny hebbal dy ymmyrkey peccaghyn ymmodee; as dauesyn ta jeeaghyn er e hon, nee eh soilshaghey eh hene yn nah cheayrt fegooish peccah gys saualtys.

Jamys 5:6

Ta shiu er gheyrey as er varroo yn er‐cairal; as cha vel eh dy lhiettal shiu.

1 Peddyr 3:19

Liorish y Spyrryd cheddin shen hie eh as ren eh preacheil gys ny spyrrydyn ayns pryssoon;

1 Peddyr 4:1

Ayns wheesh eisht as dy vel Creest er hurranse er nyn son ayns yn eill, bee‐jee shiuish myrgeddin eillit lesh yn aigney cheddin: son eshyn t’er hurranse ayns yn eill, t’eh er scuirr veih peccah;

1 Peddyr 4:6

Son, er‐yn‐oyr shoh va’n sushtal myrgeddin er ny phreacheil dauesyn ta marroo, dy voddagh ad ve er nyn mriwnys cordail rish deiney ayns yn eill, agh beaghey cordail rish Jee ayns y spyrryd.

1 Ean 1:9

My ta shin goaill‐rish nyn beccaghyn, t’eshyn firrinagh as cairagh dy leih dooin nyn beccaghyn, as dy ghlenney shin veih dy chooilley neu‐ynrickys.