1 Peddyr 3:17 - Yn Conaant Noa 1810

¹⁷ Son te ny share, my she aigney Yee eh, dy jean shiu surranse son jannoo dy mie, na son jannoo dy olk.

Yn Vible Casherick 1775 1819

¹⁷ Son te ny share, my she aigney Yee eh, dy jean shiu surranse son jannoo dy mie, na son jannoo dy olk.

1 Peddyr 3:17 ပူးပေါင်းရင်းမြစ်များ

Noo Mian 26:39

As hie eh red beg sodjey, as huitt eh sheese er e eddin, as ghow eh padjer, as dooyrt eh, O my Ayr, my oddys eh ’ve lhig da’n cappan shoh goll shagh‐ym: ny‐yeih cha nee m’aigney’s, agh dty aigney’s dy row jeant.

Noo Mian 26:42

Hie eh roish reesht yn nah cheayrt, as ghow eh padjer, gra, O my Ayr, mannagh vod yn cappan shoh goll shagh ym, fegooish mee dy iu eh, dty aigney’s dy row jeant.

Jannoo 18:21

Agh daag eh bannaght oc, gra, Shegin dooys er dy chooilley chor yn feailley shoh ta er‐gerrey y reayll ec Jerusalem: agh higym back reesht hiuish, lesh cooney Yee. As hiauill eh veih Ephesus.

Jannoo 21:14

As tra nagh beagh eh coyrlit, scuirr shin, gra, Aigney yn Chiarn dy row jeant.

1 Peddyr 1:6

Son shoh ta shiu goaill mooarane boggey, ga nish son tammylt beg (my she aigney Yee eh) ta shiu ayns trimshey trooid ymmodee seaghyn:

1 Peddyr 2:15

Son myr shen ta aigney Yee, dy vod shiuish lesh jannoo mie mee‐hushtey deiney ommijagh y chur ny host;

1 Peddyr 2:20

Son cre’n moylley te, tra ta shiu er nyn mwoailley son ny foiljyn eu, shiu dy ghoaill eh dy meen? agh tra ta shiu jannoo dy mie, as surranse er y hon, my nee shiu goaill eh dy meen; ta shoh booisal gys Jee.

1 Peddyr 3:14

Agh foast my ta shiu surranse er coontey ynrickys, s’maynrey shiu: as ny bee‐jee agglagh roish y baggyrt oc, chamoo bee‐jee seaghnit;

1 Peddyr 4:15

Agh ny lhig da fer erbee eu surranse myr dunver, ny myr maarliagh, ny myr drogh‐yantagh, ny myr fer boiragh ayns cooishyn deiney elley.

1 Peddyr 4:19

Shen‐y‐fa, lhig dauesyn ta surranse cordail rish aigney Yee, livrey seose kiarail nyn anmeenyn huggeysyn ayns jannoo dy mie, myr gys Fer‐croo firrinagh.