1 Peddyr 3:1 - Yn Conaant Noa 1810

¹ Myrgeddin, shiuish vraane‐poost, bee‐jee ayns biallys da ny sheshaghyn eu; my ta veg jeusyn nagh vel biallagh da’n goo, dy vod ad myrgeddin fegooish y goo ve er ny chosney liorish ymmyrkey‐bea ny mraane.

Yn Vible Casherick 1775 1819

¹ Myrgeddin, shiuish vraane-poost, bee-jee ayns biallys da ny sheshaghyn eu; my ta veg jeusyn nagh vel biallagh da’n goo, dy vod ad myrgeddin fegooish y goo ve er ny chosney liorish ymmyrkey-bea ny mraane.

1 Peddyr 3:1 ပူးပေါင်းရင်းမြစ်များ

Noo Mian 18:15

Myrgeddin my nee dty vraar aggair dhyt, immee as insh da e oill eddyr shiu hene nyn lomarcan: my eaishtys eh rhyt, t’ou er chosney dty vraar.

Romanee 10:16

Agh cha vel ad ooilley er choyrt biallys da’n sushtal: Son ta Esaias gra, Hiarn, quoi ta er chredjal y goo ain?

Romanee 6:17

Agh booise dy row gys Jee, son wheesh as dy row shiu roïe sharvaantyn peccah; dy vel shiu nish er choyrt biallys veih’n chree da’n cummey dy ynsagh v’er ny livrey diu.

Romanee 7:2

Son ta’n ven ta sheshey eck, kianlt liorish y leigh da’n sheshey eck choud as t’eh bio: agh my ta’n sheshey marroo t’ee feayshlit voish leigh yn sheshey eck.

1 Corinthianee 11:3

Agh baillym shiu dy hoiggal dy nee Creest kione dy chooilley ghooinney; as y dooinney kione e ven; as dy nee Jee kione Chreest.

1 Corinthianee 14:34

Lhig da ny mraane eu ve nyn dhost ayns ny kialteenyn: son cha vel eh lowit dauesyn dy loayrt: agh t’ad sarit dy ve fo biallys, myr ta’n leigh neesht dy ghra.

1 Corinthianee 7:16

Son kys dhyt, O ven, nagh jean oo dty heshey y hauail? ny kys dhyt, O ghooinney, nagh jean oo sauail dty ven?

Ephesianee 5:33

Ny‐yeih, lhig da dagh unnane euish er‐lheh myr shen graih y choyrt da e ven dy jarroo myr da hene; as jeeagh dy der y ven arrym da e sheshey.

Colossianee 3:18

Shiuish vraane‐poost, jean‐jee shiu hene y injillaghey gys ny deiney‐post eu hene, myr te cooie ayns y Chiarn.

Colossianee 4:5

Jean‐jee gymmyrkey shiu hene dy tastagh ny vud ocsyn ta mooie, jannoo yn chooid smoo jeh’n traa.

2 Thessalonianee 1:8

Ayns aile loshtee cooilleeney kerraghey orroosyn ooilley nagh vel goaill rish Jee, as nagh vel coyrt biallys da sushtal nyn Jiarn Yeesey Creest:

Hebrewnee 11:8

Liorish credjue tra va Abraham er ny eam dy gholl magh gys ynnyd v’eh lurg shen dy gheddyn son eiraght, v’eh biallagh; as jimmee eh magh, gyn fys echey cre gys v’eh goll.

Hebrewnee 5:9

As myr shoh er ny chasherickey, haink eh dy ve bun y taualtys dy bragh farraghtyn dauesyn ooilley ta coyrt biallys da;

1 Peddyr 1:22

Fakin dy vel shiu er chasherickey nyn anmeenyn ayns cur biallys da’n irriney trooid y Spyrryd, gys graih firrinagh jeh ny braaraghyn; jeeagh dy bee‐jee dy jeean graihagh yn derrey yeh er y jeh elley lesh cree glen:

1 Peddyr 3:2

Tra t’ad cur‐my‐ner yn ymmyrkey sheelt eu ayns aggle Yee.

1 Peddyr 3:7

Myrgeddin, shiuish gheiney‐poost, jean‐jee beaghey mâroo cordail rish tushtey, coyrt onnor da’n ven myr da’n saagh s’annooinee, as myr co‐eiraghyn jeh ghrayse y vea; nagh bee ny padjeryn eu er nyn lhiettal.

1 Peddyr 4:17

Son ta’n traa tayrn er‐gerrey dy vel briwnys dy ghoaill toshiaght ec thie Yee: as my she orrinyn hig eh hoshiaght, cre’n erree hig orroosyn nagh vel cur biallys da sushtal Yee?