1 Peddyr 2:7 - Yn Conaant Noa 1810

⁷ Diuish er‐y‐fa shen ta credjal, t’eh deyr: agh dauesyn ta mee‐viallagh, ta’n chlagh ren ny masoonee y vee‐lowal, er jeet dy ve yn ard‐chlagh chorneilagh,

Yn Vible Casherick 1775 1819

⁷ Diuish er-y-fa shen ta credjal, t’eh deyr: agh dauesyn ta mee-viallagh, ta’n chlagh ren ny masoonee y vee-lowal, er jeet dy ve yn ard-chlagh chorneilagh,

1 Peddyr 2:7 ပူးပေါင်းရင်းမြစ်များ

Noo Mian 21:42

Dooyrt Yeesey roo, Nagh lhaih shiu rieau ayns goo Yee, Yn chlagh ren ny masoonee y vee‐lowal, ta’n chlagh cheddin er jeet dy ve yn ard‐chlagh chorneilagh: shoh jannoo yn Chiarn, as te yindyssagh ayns ny sooillyn ainyn?

Noo Luke 2:32

Soilshey dy hoilshean er ny Ashoonee, as gloyr dty phobble Israel.

Noo Luke 2:34

As vannee Simeon ad, as dooyrt eh rish Moirrey e voir, Cur‐my‐ner ta’n lhiannoo shoh soit dy chur sheese as dy hoiaghey seose ymmodee ayns Israel; as son cowrey dy oltooan.

Noo Luke 20:17

As yeeagh eh orroo, as dooyrt eh, Cre shoh eisht ta scruit, Ta’n chlagh ren ny masoonee y vee‐lowal, er jeet dy ve yn ard‐chlagh chorneilagh?

Noo Ean 4:42

As dooyrt ad rish y ven, Nish ta shin credjal, cha nee son y raa ayd’s; son ta shin hene er chlashtyn eh, as ta fys ain, dy nee shoh dy jarroo yn Creest, Saualtagh y theihll.

Jannoo 26:19

Er shoh, ree Agrippa, cha row mee mee‐viallagh gys yn ashlish flaunyssagh:

Romanee 10:21

Agh rish Israel t’eh gra, Fey‐ny‐laa ta mee er heeyney magh my laueyn gys pobble roonagh as mee‐viallagh.

Romanee 15:31

Dy voddym v’er my livrey vouseyn ayns Judea nagh vel credjal; as dy vod y toyrtys t’aym’s dy hirveish ec Jerusalem, ve goit ayns aigney‐mie liorish ny nooghyn:

2 Corinthianee 2:16

Da’n derrey yeh ta shin blass y vaaish gys baase; as da’n jeh elley ta shin blass y vea gys bea: as quoi ta fondagh son ny reddyn shoh?

Colossianee 2:10

As ta shiuish dy fondagh er nyn n’yannoo magh aynsyn, ta kione dy chooilley ard‐reill as pooar.

Titus 3:3

Son va shin hene myrgeddin keayrt dy row mee‐hushtagh, mee‐viallagh, ayns marranys fo reill ymmodee yeearreeyn as eunyssyn peccoil, beaghey ayns goanlys as roon, dwoaiagh, as coyrt dwoaie yn derrey yeh da’n jeh elley.

Hebrewnee 11:31

Liorish credjue ve, nagh ren yn ven‐oast Rahab cherraghtyn mâroosyn nagh ren credjal, tra hug ee oltagh‐bea da ny brialtee ayns shee.

Hebrewnee 4:11

Lhig dooinyn er‐y‐fa shen streeu dy gholl stiagh ayns y fea shen er‐aggle dy duitt dooinney erbee lurg y sampleyr cheddin dy vee‐viallys.

1 Peddyr 1:8

Ersyn ta shiu graihagh, ga nagh vel shiu er vakin eh; ayn, ga nagh vel shiu nish fakin eh, ny‐yeih credjal, ta shiu goaill boggey lesh boggey erskyn insh, as lane dy ghloyr:

1 Peddyr 2:4

Cheet huggeysyn, myr gys clagh bio, mee‐lowit dy jarroo liorish deiney, agh reiht liorish Jee, as deyr,

1 Peddyr 2:8

As clagh son snapperal, as creg son tuittym er, dy jarroo dauesyn ta snapperal ec y goo, myr t’ad mee‐viallagh, gys shen v’ad myrgeddin er nyn bointeil.