1 Peddyr 2:25 - Yn Conaant Noa 1810

²⁵ Son va shiu myr kirree goll er‐shaghryn; agh ta shiu nish er jyndaa reesht gys Bochilley as Aspick nyn anmeenyn.

Yn Vible Casherick 1775 1819

²⁵ Son va shiu myr kirree goll er-shaghryn; agh ta shiu nish er jyndaa reesht gys Bochilley as Aspick nyn anmeenyn.

1 Peddyr 2:25 ပူးပေါင်းရင်းမြစ်များ

Noo Mian 18:12

Cre ta shiu smooinaghtyn? My ta keead keyrrey ec dooinney, as unnane jeu v’er n’gholl er‐shaghryn, nagh vel eh faagail yn chiare‐feed as yn nuy‐jeig, as goll gys ny sleityn, as shirrey yn cheyrrey chailjey?

Noo Mian 9:36

Agh tra honnick eh yn chaglym mooar dy leih, v’eh er ny veiyghey lesh chymmey orroo, er‐yn‐oyr dy row ad tooillit, as er nyn skeayley noon as noal, myr kirree fegooish bochilley.

Jannoo 20:28

Cur‐jee twoaie er‐y‐fa shen diu hene, as da ooilley yn chioltane harrystoo ta’n Spyrryd Noo er n’yannoo shiu nyn aspickyn, dy veaghey agglish Yee, t’eh er chionnaghey lesh e uill hene.

Hebrewnee 13:20

Nish dy jean Jee ny shee hug lesh reesht veih ny merriu nyn Jiarn Yeesey, ard‐vochilley ny geyrragh, trooid fuill y chonaant dy bragh farraghtyn,

Hebrewnee 3:1

Shen‐y‐fa, vraaraghyn chrauee, paarteeassyn ’syn eam flaunyssagh, cur‐jee tastey mie da Yeesey Creest, ostyl as ard‐saggyrt nyn gredjue:

Hebrewnee 5:2

Oddys chymmey y hoilshaghey er ny mee‐hushtee, as orroosyn t’er n’gholl er‐shaghryn; son dy vel eh hene injillit gys annooinid:

1 Peddyr 3:20

Va roish nish mee‐viallagh, tra ren surranse‐foddey Yee farkiagh ayns laghyn Noah, choud as va’n arg dy hroggal; ayn‐jee va beggan‐beg, ta shen, hoght anmeenyn, er nyn sauail liorish ushtey.

1 Peddyr 5:4

As tra hig yn Ard‐vochilley kionfenish, yiow shiu attey dy ghloyr nagh jean fioghey ersooyl.