1 Peddyr 2:24 - Yn Conaant Noa 1810

²⁴ Eshyn ren ny peccaghyn ain y ymmyrkey ayns e chorp hene er y villey, dy voddagh shinyn, ta livreit veih peccah, ve bio gys cairys; liorish ny lhottyn echey ta shiuish er nyn lheihys.

Yn Vible Casherick 1775 1819

²⁴ Eshyn ren ny peccaghyn ain y ymmyrkey ayns e chorp hene er y villey, dy voddagh shinyn, ta livreït veih peccah, ve bio gys cairys; liorish ny lhottyn echey ta shiuish er nyn lheihys.

1 Peddyr 2:24 ပူးပေါင်းရင်းမြစ်များ

Noo Mian 27:26

Eisht deayshil eh Barabbas daue; as erreish da Yeesey ve scuitchit, hug eh briwnys er dy v’er ny chrossey.

Noo Mian 5:20

Son ta mee gra riu, Mannagh bee yn ynrickys euish erskyn ynrickys ny Scrudeyryn as ny Phariseeyn, cha vod shiu er aght erbee goll stiagh ayns reeriaght niau.

Noo Mian 8:17

Myr shoh va cooilleenit shen ny loayr Esaias y phadeyr, gra, Ghow eh hene er ny aslayntyn ainyn, as dymmyrk eh nyn ghoghanyn.

Noo Mark 15:15

As er shoh va Pilate booiagh nyn aigney y choyrt da’n pobble, as deayshil eh Barabbas daue, agh livrey eh Yeesey, erreish da ve scuitchit, dy ve er ny chrossey.

Noo Luke 4:18

Ta spyrryd y Chiarn orrym’s, er‐y‐fa dy vel eh er my ooillaghey dy phreacheil y sushtal gys ny boghtyn, t’eh er my choyrt dy laanaghey yn vooinjer hrome‐chreeagh, dy phreacheil livrey‐ys gys ny cap‐peeyn, dy chur soilshey da ny doail, as reamys dauesyn ta broojit,

Noo Ean 1:29

Yn nah laa honnick Ean Yeesey cheet ny‐whail, as dooyrt eh, Cur‐my‐ner Eayn Yee, ta goaill ersooyl peccah yn theihll.

Noo Ean 19:1

Eisht ghow Pilate er‐y‐fa shen Yeesey, as doardee eh dy ve scuitchit.

Jannoo 10:35

Agh ayns dy chooilley ashoon, eshyn ta goaill aggle roish, as gobbraghey cairys, ta soiaghey jeant jehsyn liorish.

Jannoo 10:39

As ta shinyn nyn veanishyn jeh dy chooilley nhee ren eh chammah ayns cheer ny Hewnyn, as ayns Jerusalem; eshyn hug ad dy baase er billey ny croshey:

Jannoo 13:29

As tra v’ad er chooilleeney ooilley ny va scruit jeh, ghow ad eh neose jeh’n villey, as doanluck ad eh ayns lhiaght.

Jannoo 5:30

Ta Jee ny hayraghyn ain er hroggal seose Yeesey, ren shiuish y varroo as y chroghey er billey.

Romanee 6:11

Ayns yn aght cheddin jeeagh‐jee shiuish neesht erriu hene dy ve marroo dy jarroo gys peccah; agh bio gys Jee, trooid Yeesey Creest nyn Jiarn.

Romanee 6:13

Chamoo livrey‐jee seose nyn oltyn myr greinyn dy neuchairys gys peccah: agh livrey‐jee shiu hene seose gys Jee, myr adsyn ta bio veih ny merriu; as nyn oltyn myr greinyn dy chairys gys Jee.

Romanee 6:16

Nagh vel fys eu, da quoi‐erbee ta shiu kiangley shiu hene sharvaantyn dy chur biallys, ny sharvaantyn echeysyn ta shiu da ta shiu coyrt biallys; edyr jeh peccah gys baase, ny jeh biallys gys cairys?

Romanee 6:2

Ny lhig eh Jee: kys oddys shinyn ta marroo gys peccah, beaghey ny sodjey ayn?

Romanee 6:22

Agh nish myr ta shiu er nyn seyrey veih peccah, as er jeet dy ve nyn sharvaantyn dy Yee, ta eu nyn mess gys casherickys, as y jerrey echey yn vea dy bragh farraghtyn.

Romanee 6:7

Son eshyn ta marroo, t’eh seyr veih peccah.

Romanee 7:6

Agh nish ta shin livreit veih’n leigh, marroo gys shen fo va shin freilt; dy voddagh shin shirveish ayns spyrryd noa, as cha nee ayns y chenn letter.

1 Corinthianee 15:3

Son livrey mee diu hoshiaght ooilley, shen ny hooar mee hene myrgeddin, kys dy dooar Creest baase son nyn beccaghyn cordail rish ny scriptyryn:

2 Corinthianee 6:17

Shen‐y‐fa tar‐jee magh veih nyn mast’ oc, as bee‐jee er nyn scarrey voue, ta’n Chiarn dy ghra, as ny benn‐jee rish yn red neu‐ghlen; as neem’s goaill riu,

Galatianee 3:13

Ta Creest er livrey shin veih mollaght y leigh, eh hene jeant ny vollaght er nyn son: son te scruit Cursit ta dagh unnane ta croghey er billey:

Ephesianee 5:9

(Son ta mess y Spyrryd shassoo ayns dy chooilley vieys, as cairys, as firrinys),

Philippianee 1:11

Lhieent lesh ny messyn dy chairys, ta liorish Yeesey Chreest, gys gloyr as moylley Yee.

Colossianee 2:14

Crossey yn laue scrieuee dy oardaghyn, hass ’sy raad roïn as va nyn ’oï, as ghow eh eh ersooyl dy bollagh, treiney eh gys e chrosh:

Colossianee 2:20

Shen‐y‐fa, my ta shiu marroo marish Creest veih ynsagh annoon y theihll; cre’n‐fa, myr beaghey ’sy theihll, ta shiu fo reill oardaghyn:

Colossianee 3:3

Son ta shiu marroo, as ta’n vea eu follit marish Creest ayns Jee.

Hebrewnee 10:10

Liorish yn aigney cheddin ta shin er nyn gasherickey, liorish yn oural jeh corp Yeesey Creest un cheayrt son ooilley.

Hebrewnee 10:5

Shen‐y‐fa tra t’eh cheet gys y theihll, t’eh gra, Oural as chebbal cha bailt’s, agh corp t’ou er chummey er my hon:

Hebrewnee 12:13

As jean‐jee raaidyn rea son nyn gassyn, er‐aggle dy bee yn baccagh chyndaït jeh’n raad, agh dy vod eh dy jarroo ve er ny niartaghey.

Hebrewnee 7:26

Son va lheid yn ard‐saggyrt shoh cooie er nyn son, ta casherick, gyn loght, glen, scarrit voish peccee, as jeant ny syrjey na ny niaughyn;

Hebrewnee 9:28

Myr shen va Creest un cheayrt er ny hebbal dy ymmyrkey peccaghyn ymmodee; as dauesyn ta jeeaghyn er e hon, nee eh soilshaghey eh hene yn nah cheayrt fegooish peccah gys saualtys.

Jamys 5:16

Gow‐jee rish nyn voiljyn yn derrey yeh da’n jeh elley, as gow‐jee padjer yn derrey yeh son y jeh elley, dy vod shiu v’er nyn lheihys: S’mooar y bree t’ayns padjer jeean creeoil yn dooinney crauee.

1 Ean 2:29

My ta fys eu dy vel eshyn cairagh, ta fys eu dy vel dy chooilley unnane ta cur rish cairys, er ny ruggey jehsyn.

1 Ean 3:7

Chloan veggey, ny lhig da dooinney erbee shin y volley: eshyn ta jannoo cairys, t’eh cairagh, dy jarroo myr t’eshyn cairagh.

Ashlish 22:2

Ayns mean y straid eck, as er y dagh cheu jeh’n awin, va billey yn vea, va ceau daa cheint jeig dy vessyn, as ren gymmyrkey mess dy chooilley vee: as va duillagyn y villey son slaynt ny Hashoonyn.