1 Peddyr 2:23 - Yn Conaant Noa 1810

²³ Tra v’eh oltooanit, cha doltooan eh reesht: tra v’eh fo surranse, cha ren eh baggyrt; agh ren eh eh‐hene y hymney huggeysyn ta briwnys dy cairagh:

Yn Vible Casherick 1775 1819

²³ Tra v’eh oltooanit, cha doltooan eh reesht: tra v’eh fo surranse, cha ren eh baggyrt; agh ren eh eh-hene y hymney huggeysyn ta briwnys dy cairagh:

1 Peddyr 2:23 ပူးပေါင်းရင်းမြစ်များ

Noo Luke 23:41

As shinyn dy jarroo dy cairagh; son ta shin er gheddyn toil‐chinys cooie yn jannoo ain: agh cha vel y dooinney shoh er n’yannoo aggair erbee.

Noo Luke 23:46

As tra va Yeesey er n’eamagh lesh ard‐choraa, dooyrt eh Ayr, gys dty laueyn ta mish chymney my spyrryd: as tra v’eh er ghra shoh, phaart eh.

Noo Luke 23:9

Eisht dênee eh ymmodee questionyn jeh; agh cha dug eh ansoor erbee da.

Jannoo 17:31

Er‐yn‐oyr dy vel eh er n’oardaghey laa ry‐hoi yn seihll y vriwnys ayns cairys, liorish y dooinney shen t’eh er phointeil; as jeh shoh t’eh er chur shickyrys da dy chooilley ghooinney, ayns dy vel eh er hroggal eshyn veih ny merriu.

Jannoo 4:29

As nish, Hiarn, cur‐my‐ner nyn maggyrt: as giall da dty harvaantyn, dy vod ad lesh slane dunnallys dty ghoo y ockley magh,

Jannoo 7:59

As chlagh ad Steaon, geamagh er Jee, as gra, Hiarn Yeesey, gow hood my annym.

Jannoo 9:1

As Saul foast fockley‐magh haggyrtyn as baase noi credjuee yn Chiarn, jimmee eh gys yn ard‐saggyrt,

Romanee 2:5

Agh cordail rish creoghys dty chree vee‐arryssagh, t’ou stoyral seose dhyt hene jymmoose cour laa’n yymmoose, as tra vees briwnys cairagh Yee er ny hoilshaghey;

Ephesianee 6:9

As shiuish vainshteryn, jean‐jee lheid cheddin roosyn, shaghney baggyrt: toiggal shoh, dy vel mainshter eu hene myrgeddin ayns niau, chamoo t’eh jannoo soiagh jeh persoonyn.

2 Thessalonianee 1:5

Ta cowrey cronnal jeh briwnys cairagh Yee, dy vod shiu ve coontit feeu jeh reeriaght Yee, er y hon ta shiu myrgeddin surranse:

2 Timothy 1:12

Er‐yn‐oyr cheddin ta mee myrgeddin surranse ny reddyn shoh, ny‐yeih cha vel nearey orrym: son shione dou eshyn ayn ta mee er credjal, as ta mee feer shickyr dy vel eh abyl dy reayll shen ny ta mee er hymney gys e chiarail gys yn laa shen.

2 Timothy 4:8

Veih shoh magh ta tashtit seose my chour attey dy chairys, nee yn Chiarn yn briw cairagh y chur dooys ec y laa shen: as cha nee dooys my lomarcan, agh dauesyn ooilley myrgeddin ta graihagh er y cheet echey.

Hebrewnee 12:3

Son smooinee‐jee ersyn ren gymmyrkey lheid ny oltooanyn veih peccee n’oï hene, er aggle dy jean shiu lhaggaghey er y raad, as coayl nyn gree.

1 Peddyr 3:9

Cha nee cooilleeney olk son olk, ny oltooan son oltooan: agh ayns ynnyd shen, bannaghey; toiggal dy vel shiu gys shoh er ny eam, dy vod shiu bannaght y gheddyn myr eiraght.

1 Peddyr 4:19

Shen‐y‐fa, lhig dauesyn ta surranse cordail rish aigney Yee, livrey seose kiarail nyn anmeenyn huggeysyn ayns jannoo dy mie, myr gys Fer‐croo firrinagh.

Ashlish 19:11

As honnick mee niau foshlit as cur‐my‐ner, cabbyl bane: as va eshyn va markiaght er enmyssit Firrinagh as Ynrick, as ayns cairys t’eh briwnys as jannoo caggey.