1 Peddyr 2:21 - Yn Conaant Noa 1810

²¹ Son gys shoh va shiu dy jarroo er nyn eam: er‐yn‐oyr dy vel Creest myrgeddin er hurranse er nyn son, faagail sampleyr dooinyn, dy jinnagh shin geiyrt er ny kesmadyn echeysyn:

Yn Vible Casherick 1775 1819

²¹ Son gys shoh va shiu dy jarroo er nyn eam: er-yn-oyr dy vel Creest myrgeddin er hurranse er nyn son, faagail sampleyr dooinyn, dy jinnagh shin geiyrt er ny kesmadyn echeysyn:

1 Peddyr 2:21 ပူးပေါင်းရင်းမြစ်များ

Noo Mian 10:38

As eshyn nagh jean e chrosh y ymmyrkey, as geiyrt orrym’s, cha vel eh feeu jee’m.

Noo Mian 11:29

Gow‐jee my whing erriu, as ynsee‐jee voym’s, son ta mee meen as imlee ayns cree: as yiow shiu fea da nyn anmeenyn.

Noo Mian 16:24

Eisht dooyrt Yeesey rish e ostyllyn, My ta dooinney erbee aggindagh geiyrt orrym’s, lhig da eh hene y obbal, as e chrosh y hroggal, as geiyrt orrym.

Noo Luke 24:26

Nagh beign da Creest ny reddyn shoh y hurranse as goll stiagh ayns e ghloyr?

Noo Ean 13:15

Son ta mish er chur diu sampleyr; shiuish dy yannoo myr ta mish er n’yannoo riu.

Noo Ean 16:33

Ny reddyn shoh ta mee er loayrt riu, aynym’s dy vod shee y ve eu. Ayns y theihll vees seaghyn eu: agh bee‐jee dy yien mie, ta mish er gheddyn barriaght er y theihll.

Jannoo 14:22

Niartaghey anmeenyn ny Creesteenyn, as coyrlaghey ad dy hannaghtyn ayns y chredjue, as dy nhegin dooin trooid ymmodee seaghyn goll stiagh ayns reeriaght Yee.

Jannoo 17:3

Soilshaghey as prowal dy beign da Creest v’er hurranse, as er n’irree veih ny merriu: as dy nee Yeesey shoh ta mish dy phreacheil diu, yn Creest.

Jannoo 9:16

Son soilshee‐yms da, cre ny seaghyn mooarey shegin da y hurranse son my ennym’s.

Romanee 8:29

Son adsyn honnick eh ro‐laue, ren eh myrgeddin kiarail ro‐laue dy ve er nyn gaghlaa gys cummey e Vac, dy voddagh eh ve yn mac‐shinney mastey ymmodee braaraghyn.

1 Corinthianee 11:1

Eiyr‐jee shiuish orrym’s, dy jarroo myr ta mish myrgeddin er Creest.

Ephesianee 5:2

As immee‐jee ayns graih, myr ta Creest myrgeddin er chur graih dooinyn, as er choyrt eh‐hene er nyn son, chebbal as oural son soar millish da Jee.

Philippianee 2:5

Lhig da’n aigney shoh ve ayndiuish, va myrgeddin ayns Creest Yeesey:

1 Thessalonianee 3:3

Nagh beagh dooinney erbee er ny ghleayshagh liorish ny seaghynyn shoh: son ta fys eu hene dy nee gys shoh ta shin er ve kiarit.

1 Thessalonianee 4:2

Son ta fys eu cre ny saraghyn hug shin diu liorish y Chiarn Yeesey.

2 Timothy 3:12

Dy jarroo, as shegin dauesyn ooilley ta shirrey dy veaghey dy crauee ayns Creest Yeesey, tranlaase y hurranse.

Hebrewnee 2:10

Son ve cooie dasyn, er e hon ta dy chooilley nhee, as liorish ta dy chooilley nhee, ayns cur lesh ymmodee mec gys gloyr, dy chasherickey captan nyn saualtys trooid surranse.

1 Peddyr 1:20

Va dy firrinagh er ny oardaghey ro‐laue er‐dy hoshiaght y theihll, agh er ny hoilshaghey ayns ny traaghyn s’jerree shoh er y ghraih euish.

1 Peddyr 2:24

Eshyn ren ny peccaghyn ain y ymmyrkey ayns e chorp hene er y villey, dy voddagh shinyn, ta livreit veih peccah, ve bio gys cairys; liorish ny lhottyn echey ta shiuish er nyn lheihys.

1 Peddyr 3:18

Son ta Creest myrgeddin er hurranse un cheayrt son peccaghyn, yn fer‐cairagh son ny mee‐chairee, (dy voddagh eh shiu y chur lesh gys Jee,) v’eh er ny choyrt gy‐baase ayns yn eill, agh er ny vioghey liorish y Spyrryd:

1 Peddyr 3:9

Cha nee cooilleeney olk son olk, ny oltooan son oltooan: agh ayns ynnyd shen, bannaghey; toiggal dy vel shiu gys shoh er ny eam, dy vod shiu bannaght y gheddyn myr eiraght.

1 Peddyr 4:1

Ayns wheesh eisht as dy vel Creest er hurranse er nyn son ayns yn eill, bee‐jee shiuish myrgeddin eillit lesh yn aigney cheddin: son eshyn t’er hurranse ayns yn eill, t’eh er scuirr veih peccah;

1 Peddyr 4:13

Agh gow‐jee boggey, ayns wheesh as dy vel shiu goaill ayrn jeh surranseyn Chreest; tra vees y ghloyr echeysyn er ny hoilshageey, dy vod shiuish ve gennal myrgeddin lesh boggey erskyn earroo.

1 Ean 2:6

Eshyn ta gra dy vel eh tannaghtyn aynsyn, lhisagh eh myr shen gimmeeaght, dy jarroo myr ren eshyn gimmeeaght.

1 Ean 3:16

Liorish shoh ta shin toiggal graih Yee, ayns dy dug eh sheese e vioys er nyn son: as lhisagh shinyn nyn mioys y chur sheese son ny braaraghyn.

Ashlish 12:11

As hooar ad barriaght er liorish fuill yn Eayn, as liorish goo nyn veanish; as cha row scansh oc jeh nyn mioys dy jarroo gys y vaase.