1 Peddyr 2:2 - Yn Conaant Noa 1810

² Myr oikanyn noa‐ruggit yeearree‐jee bainney spyrrydoil y ghoo, dy vod shiu gaase liorish:

Yn Vible Casherick 1775 1819

² Myr oikanyn noa-ruggit yeearree-jee bainney spyrrydoil y ghoo, dy vod shiu gaase liorish:

1 Peddyr 2:2 ပူးပေါင်းရင်းမြစ်များ

Noo Mian 18:3

As dooyrt eh, Dy firrinagh ta mee gra riu, Mannagh jean shiu chyndaa, as cheet dy ve myr cloan veggey, cha jed shiu stiagh ayns reeriaght niau.

Noo Mian 19:14

Agh dooyrt Yeesey, Sur‐jee cloan aegey, as ny jean‐jee ad y lhiettal dy heet hym’s: son jeh nyn lheid ta reeriaght niau.

Noo Mark 10:15

Dy firrinagh ta mee gra riu, Quoi‐erbee nagh jean goaill reeriaght Yee myr lhiannoo beg, cha jed eh stiagh ayn.

Noo Luke 18:17

Dy firrinagh ta mee gra riu, Quoi‐erbee nagh jean goaill‐rish reeriaght Yee myr lhiannoo beg, cha jed eh er aght erbee stiagh ayn.

Romanee 6:4

Shen‐y‐fa ta shin oanluckit mârishyn liorish bashtey gys baase; ’naght myr va Creest troggit seose veih ny merriu liorish gloyr yn Ayr, dy jarroo myr shen lhisagh shin myrgeddin gimmeeaght ayns bea noa.

1 Corinthianee 14:20

Vraaraghyn, ny bee‐jee nyn gloan ayns tushtey: ny‐yeih ayns olkys bee‐jee myr cloan, agh ayns toiggal bee‐jee deiney.

Ephesianee 2:21

Ersyn ta’n slane troggal, dy stoamey er ny choyrt cooidjagh, gaase dy ve ny hiamble casherick son y Chiarn;

Ephesianee 4:15

Agh geiyrt da’n irriney ayns graih, dy vod mayd ayns dy chooilley nhee bishaghey aynsyn, ta’n kione, dy jarroo Creest;

2 Thessalonianee 1:3

Ta shin kianlt dy choyrt booise kinjagh gys Jee er nyn son eu, vraaraghyn, myr te cooie, son dy vel y credjue eu cheet er‐ash ny smoo as ny smoo, as graih dagh unnane eu dy cheilley bishaghey.

1 Peddyr 1:23

Myr ta shiu ruggit reesht, cha nee jeh rass hed naardey, agh jeh rass nagh jed naardey, liorish goo Yee, ta bio as tannaghtyn son dy bragh.

2 Peddyr 3:18

Agh aase‐jee ayns grayse, as ayns tushtey nyn Jiarn as Saualtagh Yeesey Creest: Huggeysyn dy row gloyr chammah nish as dy bragh. Amen.