1 Peddyr 2:19 - Yn Conaant Noa 1810

¹⁹ Son ta shoh feeu booise, my ta dooinney er graih cooinsheanse gys Jee gymmyrkey seaghyn, surranse dy neu‐chairagh.

Yn Vible Casherick 1775 1819

¹⁹ Son ta shoh feeu booise, my ta dooinney er graih cooinsheanse gys Jee gymmyrkey seaghyn, surranse dy neu-chairagh.

1 Peddyr 2:19 ပူးပေါင်းရင်းမြစ်များ

Noo Luke 6:32

Son my ta shiu dooie dauesyn ta dooie riu, s’beg ta nyn mooise; son ta eer drogh‐yantee dooie dauesyn ta dooie roo.

Noo Ean 15:21

Agh dy chooilley nhee jeu shoh nee ad riu kyndagh rish yn ennym aym’s, er‐y‐fa nagh vel enney oc ersyn t’er my choyrt.

Jannoo 11:23

As tra v’eh er jeet as er vakin grayse Yee, ghow eh boggey, as choyrlee eh ad ooilley, lesh slane cree ad dy lhiantyn gys y Chiarn.

Romanee 13:5

Shen‐y‐fa shegin diu ve biallagh, cha nee ny lomarcan son aggle roish kerraghey, agh myrgeddin er graih cooinsheanse.

1 Corinthianee 15:10

Agh liorish grayse Yee ta mee ny ta mee: as e ghrayse, va er ny ghiootal orrym, cha row eh ayns fardail; agh ren mee laboragh ny s’doccarree na ad ooilley: ny‐yeih cha nee mish, agh grayse Yee va mârym.

2 Corinthianee 1:12

Son shoh nyn moggey, feanish nyn gooinsheanse, ayns ônid, as ynrickys crauee, cha nee lesh creenaght seihltagh, agh liorish grayse Yee, dy vel shin er n’ymmyrkey shin hene ’sy theihll, as foddey smoo ny mast’ euish.

2 Corinthianee 8:1

Ta shin myrgeddin, vraaraghyn, soilshaghey diu grayse Yee v’er ny hirveish ayns kialteenyn Macedonia:

2 Timothy 1:12

Er‐yn‐oyr cheddin ta mee myrgeddin surranse ny reddyn shoh, ny‐yeih cha vel nearey orrym: son shione dou eshyn ayn ta mee er credjal, as ta mee feer shickyr dy vel eh abyl dy reayll shen ny ta mee er hymney gys e chiarail gys yn laa shen.

Hebrewnee 10:2

Son eisht veagh jerrey er chebbal ny ourallyn shen; er‐y‐fa nagh beagh ocsyn va cur ooashley, erreish daue ve un cheayrt er nyn ghlenney, loght peccah veg sodjey er nyn gooinsheanseyn.

1 Peddyr 2:20

Son cre’n moylley te, tra ta shiu er nyn mwoailley son ny foiljyn eu, shiu dy ghoaill eh dy meen? agh tra ta shiu jannoo dy mie, as surranse er y hon, my nee shiu goaill eh dy meen; ta shoh booisal gys Jee.

1 Peddyr 4:15

Agh ny lhig da fer erbee eu surranse myr dunver, ny myr maarliagh, ny myr drogh‐yantagh, ny myr fer boiragh ayns cooishyn deiney elley.