1 Peddyr 2:15 - Yn Conaant Noa 1810

¹⁵ Son myr shen ta aigney Yee, dy vod shiuish lesh jannoo mie mee‐hushtey deiney ommijagh y chur ny host;

Yn Vible Casherick 1775 1819

¹⁵ Son myr shen ta aigney Yee, dy vod shiuish lesh jannoo mie mee-hushtey deiney ommijagh y chur ny host;

1 Peddyr 2:15 ပူးပေါင်းရင်းမြစ်များ

Noo Mian 25:2

As va queig jeu creeney, as queig ommijagh.

Noo Mian 7:26

As dy chooilley unnane ta clashtyn ad shoh my ghoan’s, as nagh vel jannoo ymmyd mie jeu, bee eh er ny hoylaghey gys dooinney ommijagh, hrog e hie er y gheinnagh:

Romanee 1:21

Er‐yn‐oyr tra va toiggal oc dy Yee, cha ren ad eh y ghloyraghey myr Jee, chamoo v’ad booisal, agh haink ad dy ve fardalagh ayns nyn smooinaghtyn; as va’n cree ommijagh oc fo dorraghys.

Galatianee 3:1

O Ghalatianee vee‐hushtagh, quoi ta er chleaynaghey shiu, nagh vel shiu biallagh gys yn irriney, kiongoyrt rish nyn sooillyn hene ta Yeesey Creest dy baghtal er ny ve soit magh, er ny chrossey nyn mast’ eu.

1 Thessalonianee 4:3

Son shoh aigney Yee, dy jarroo yn chasherickys eu, dy lhisagh shiu freayll shiu hene veih maarderys;

1 Thessalonianee 5:18

Ayns dagh stayd cur‐jee booise: son shoh aigney Yee ayns Creest Yeesey mychione eu.

1 Timothy 1:13

Mish va roïe loayrt dy olkyssagh [noi Creest], as my hranlaasagh, as eulyssagh. Agh hooar mee myghin, er‐yn‐oyr dy ren mee eh dy neu‐hushtagh, ayns mee‐chredjue:

Titus 2:8

Glare breeoil nagh vod ve loayrit n’oï; dy vod eshyn ta shassoo magh nearey ’ghoaill, gyn veg yn olk echey dy choyrt gys nyn lieh.

Titus 3:3

Son va shin hene myrgeddin keayrt dy row mee‐hushtagh, mee‐viallagh, ayns marranys fo reill ymmodee yeearreeyn as eunyssyn peccoil, beaghey ayns goanlys as roon, dwoaiagh, as coyrt dwoaie yn derrey yeh da’n jeh elley.

1 Peddyr 2:12

Leeideil nyn mea dy onneragh mastey ny Ashoonee; son wheesh as dy vel ad loayrt noi eu myr drogh‐yantee, dy vod ad liorish ny obbraghyn mie eu ver ad my‐ner, Jee y ghloyraghey ayns laa yn chooilleen.

1 Peddyr 3:16

Freayll cooinsheanse vie; son wheesh as dy vel ad goltooaney shiuish myr drogh‐yantee, dy vod ad nearey ’ghoaill ta cassid dy foalsey yn ymmyrkey‐bea vie eu ayns Creest.

1 Peddyr 3:17

Son te ny share, my she aigney Yee eh, dy jean shiu surranse son jannoo dy mie, na son jannoo dy olk.

1 Peddyr 4:2

Nagh jinnagh eh ny sodjey ceau yn chooid elley jeh e hraa ayns yn eill, lurg sayntyn deiney, agh lurg aigney Yee.

2 Peddyr 2:12

Agh ad shoh, myr beiyn feïe gyn resoon dooghyssagh, jeant dy ve shelgit as stroit, t’ad loayrt dy olk jeh ny reddyn nagh vel ad toiggal, as nee ad cherraghtyn dy bollagh ayns y neu‐ghlennid oc hene:

Jude 1:10

Agh t’ad shoh loayrt dy olkyssagh jeh ny reddyn shen nagh vel ad dy hoiggal: agh shen ny t’ad toiggal dy dooghyssagh, myr beiyn gyn resoon; ayndoo shen t’ad stroie ad hene.