1 Peddyr 2:12 - Yn Conaant Noa 1810

¹² Leeideil nyn mea dy onneragh mastey ny Ashoonee; son wheesh as dy vel ad loayrt noi eu myr drogh‐yantee, dy vod ad liorish ny obbraghyn mie eu ver ad my‐ner, Jee y ghloyraghey ayns laa yn chooilleen.

Yn Vible Casherick 1775 1819

¹² Leeideil nyn mea dy onneragh mastey ny Ashoonee; son wheesh as dy vel ad loayrt noi eu myr drogh-yantee, dy vod ad liorish ny obbraghyn mie eu ver ad my-ner, Jee y ghloyraghey ayns laa yn chooilleen.

1 Peddyr 2:12 ပူးပေါင်းရင်းမြစ်များ

Noo Mian 10:25

S’lioar da’n scoillar dy ve myr e vainshter, as y charvaant myr e hiarn: my t’ad er cheau Beelzebub er mainshter y thie, cre‐woad smoo nee ad e vooinjer y oltooaney.

Noo Mian 5:11

Bannit ta shiuish tra vees shiu oltooanit, as tranlaasit, as dy chooilley ghrogh‐ghoo currit ass nyn lieh dy aggairagh er y choontey aym’s.

Noo Mian 5:16

Lhig da’n soilshey euish myr shen soilshean fenish deiney, dy vod ad fakin ny obbraghyn mie eu, as gloyr y choyrt da nyn ayr t’ayns niau.

Noo Mian 9:8

Agh tra honnick y pobble shoh, ghow ad yindys, as hug ad moylley da Jee, v’er choyrt lheid y phooar da deiney.

Noo Luke 1:68

Bannit dy row yn Chiarn Jee Israel, son t’eh er yeeaghyn er, as er livrey e phobble,

Noo Luke 19:44

As lhieggee ad oo kiart rish y thalloo, as dty chloan cheu‐sthie jeed; as cha vaag ad aynyd un chlagh er clagh elley: er‐yn‐oyr nagh dug oo tastey da’n earish haink mish dy dty yeeaghyn.

Noo Luke 6:22

Bannit ta shiuish, tra ta deiney cur feoh diu, as tra nee ad nyn scarrey shiu voue, as nyn oltooaney shiu, as nyn ennym y ghiarey magh myr olk, er coontey Mac y dooinney.

Noo Ean 13:31

Shen‐y‐fa erreish da v’er n’gholl magh, dooyrt Yeesey, Nish ta’n Mac dooinney er ny ghloyraghey, as ta Jee er ny ghloyraghey ayn.

Jannoo 15:14

Ta Simeon er hoilshaghey kys ren Jee ec y toshiaght jeeaghyn er ny Ashoonee dy ghoaill assdoo pobble son e ennym hene.

Jannoo 24:13

Chamoo oddys ad prowal ny reddyn shen t’ad nish dy choyrt ass my lieh.

Jannoo 25:7

As tra v’eh er jeet, hass ny Hewnyn haink veih Jerusalem mygeayrt, as hug ad stiagh ymmodee foiljyn tromey gys lieh Phaul, nagh voddagh ad prowal;

Jannoo 28:22

Agh ta shin booiagh clashtyn voïds, cre t’ou smooinaghtyn: son mychione yn chredjue shoh, ta fys ain dy vel eh ayns dy chooilley ynnyd loayrit n’oï.

Romanee 12:17

Ny jean‐jee olk son olk y chooilleeney da dooinney erbee. Kiare‐jee ro‐laue dy yannoo reddyn onneragh ayns shilley dy chooilley ghooinney.

Romanee 13:13

Lhig dooin gimmeeaght dy onneragh myr ayns y laa; cha nee ayns rouanys as meshtyrys, cha nee ayns cloie as reaid, cha nee ayns streeu as troo:

Romanee 14:18

Son t’eshyn ta shirveish Creest ayns ny reddyn shoh, ayns foayr rish Jee, as jeh goo mie mastey deiney.

Romanee 15:9

As dy voddagh ny Ashoonyn‐quaagh Jee y ghloyraghey son e vyghin; myr te scruit, Son yn oyr shoh ver‐yms moylley dhyt mastey ny Ashoonyn‐quaagh, as nee’m arrane y ghoaill gys dty ennym.

1 Corinthianee 14:25

As myr shoh ta folliaghtyn e chree er ny hoilshaghey; as myr shen, tuittym sheese er e eddin, ver eh ooashley da Jee, as nee eh fockley magh dy vel Jee dy firrinagh nyn mast’ eu.

2 Corinthianee 1:12

Son shoh nyn moggey, feanish nyn gooinsheanse, ayns ônid, as ynrickys crauee, cha nee lesh creenaght seihltagh, agh liorish grayse Yee, dy vel shin er n’ymmyrkey shin hene ’sy theihll, as foddey smoo ny mast’ euish.

2 Corinthianee 13:7

Nish yeearree‐ym er Jee‐nagh jean shiu veg yn olk; cha nee dy hoilshaghey yn phrowal shoh, agh dy jinnagh shiu shen ny ta mie, ga dy beagh shinyn myr dy beagh eh fegooish yn phrowal shoh.

2 Corinthianee 8:21

Kiarail ro‐laue reddyn onneragh, cha nee ny lomarcan ayns shilley’n Chiarn, agh myrgeddin ayns shilley gheiney.

Ephesianee 2:3

Ayndoo shoh ren shin ooilley myrgeddin beaghey roish nish, ayns sayntyn ny foalley, cooilleeney yeearreeyn yn eill, as yn aigney: as va shin liorish dooghys nyn gloan dy yymmoose, dy jarroo myr feallagh elley.

Ephesianee 4:22

Mychione yn ymmyrkey‐bea eu t’er n’gholl shaghey, dy der shiu jeh yn chenn ghooinney, ta neu‐ghlen cordail rish yeearreeyn molteyragh ny foalley.

Philippianee 1:27

Erskyn ooilley, lhig da’n ymmyrkey‐bea eu ve cordail rish sushtal Chreest: myr shen edyr mee dy heet dy yeeaghyn shiu, ny gyn cheet, dy voddym clashtyn jeh nyn stayd, dy vel shiu shassoo shickyr ayns un Spyrryd, lesh un aigney streeu cooidjah son credjue yn tushtal;

Philippianee 4:8

Ayns focklyn giarey, my chaarjyn, cre‐erbee ny reddyn ta firrinagh, cre‐erbee ny reddyn ta ooasle, cre‐erbee ny reddyn ta cairagh, cre‐erbee ny reddyn ta glen, cre‐erbee ny reddyn ta graihoil, cre‐erbee ny reddyn ta jeh goo mie; my ta foays erbee, as my ta moylley erbee, smooinee‐jee er ny reddyn shoh.

1 Thessalonianee 4:12

Dy jean shiu gymmyrkey shiu‐hene dy onneragh hucsyn ta cheu‐mooie, as nagh bee shiu feme nhee erbee.

1 Timothy 2:2

Son reeaghyn, as son ocsyn ooilley ta ayns ard‐reill; dy vod mayd leeideil bea feagh as sheeoil ayns dy chooilley chraueeaght as ynrickys.

1 Timothy 4:12

Ny lhig da dooinney erbee beg y hoiaghey jeh dty aegid, agh bee dty hampleyr dauesyn ta credjal, ayns goo, ayns ymmykey‐bea, ayns graih, ayns spyrryd, ayns credjue, ayns glennid.

1 Timothy 5:10

Ayns goo mie son obbraghyn mie; my t’ee er hroggal cloan, my t’ee er chur aaght da joarreeyn, my t’ee er niee cassyn ny nooghyn, my t’ee er chooney lhieusyn va seaghnit, my t’ee er eiyrt dy imneagh da dy chooilley obbyr vie.

Hebrewnee 13:18

Guee‐jee er nyn son: son ta shin treishteil dy vel cooinsheanse vie ain, ayns dy chooilley nhee shirrey dy veaghey dy onneragh.

Hebrewnee 13:5

Lhig da’n ymmyrkey‐bea eu ve fegooish saynt; as bee‐jee booiagh lesh lheid as t’eu: son t’eh er ghra, Cha vaag‐ym, ny cha dreig‐ym oo dy bragh.

Jamys 3:13

Quoi ta ny ghooinney creeney as tushtagh ny mast’ eu? lhig da soilshaghey, liorish ymmyrkey mie, e obbraghyn ayns y veenid dy chreenaght.

1 Peddyr 2:15

Son myr shen ta aigney Yee, dy vod shiuish lesh jannoo mie mee‐hushtey deiney ommijagh y chur ny host;

1 Peddyr 3:16

Freayll cooinsheanse vie; son wheesh as dy vel ad goltooaney shiuish myr drogh‐yantee, dy vod ad nearey ’ghoaill ta cassid dy foalsey yn ymmyrkey‐bea vie eu ayns Creest.

1 Peddyr 4:11

My ta dooinney erbee loayrt, lhig da loayrt cordail rish goo Yee; my ta dooinney erbee shirveish, lhig da shen y yannoo cordail rish y phooar ta Jee dy choyrt da: dy vod Jee ayns dy chooilley nhee ve er ny ghloyraghey, trooid Yeesey Creest; dasyn dy row moylley as reill son dy bragh dy bragh. Amen.

2 Peddyr 3:11

Fakin eisht dy jean ooilley ny reddyn shoh lheïe ersooyl, cre’n sorch dy phersoonyn lhisagh shiuish y ve ayns dy chooilley ymmyrkey crauee as casherickys!